يارب فرج همي من سبه وضربه ولعنه الدايم علي

السلام عليكم ورحمة الله وبركاته

كيفكم اشتقت لكم وللمنتدى الا ان ظروفي ماعاد تسمح ادخل مثل اول يوميا
المهم انا رجعت لكم وبنفس معناتي مع زوجي
اااااااااااااااااه اول اقول يارب اللهم اني استغفرك من كل ذنب يحجب عني استجابت دوعائي وربي يابنات اني مو يأس بس تعبت من حالي مع زوجي جدا جدا
زوجي مايمر وربي يوم مايضربني فيها اقل شي ثلاث مرات يعني هذا رايق مره تعبت منه وربي تعبت نفسيا وجسديا سب ولعن وضرب احيان اقول هذا من سلالة فرعون وشارون مافي قلبه اي رحمه
دايم يسب وينعتني بالفاظ الله لايحلله عليها يقذفني والله العظيم اني رايحه مره لمكه معه وبفلوس من فاعلة خير الا اني مالقيت لي محرم الاهو مانزلت للحرم يمكن ثلاث مرات وربي شاهد رغم اني جلست بمكه اربع ايام اااااااااااه كنت ابي اروح افطر يوم الخميس في الحرم ضربني وسبني وربي انه مانزلني االا بعد ما اذن اني ركبت التكسي وانا دمعي على خدي وبس اتحيسب انسان مو طبيعي ابد وربي جاء مره ونا كنت ساجده وابكي واصلي يعني من كثر الهم الي فيني لابد للانسان من كثر البكي يشهق جاء وضربني وسحبني من على السجاده وسبني يقول بالعاني تسوين هالاشياء قدامي لجل ارحمك طيب انا خاشعه لله ساجده للواحد الاحد واليوم عاد نفس السالفه كنت بغرفتي اصلي قال مسويه نفسها نظيفه وهي كلبه
والله انه يضرب يضرب يضرب من كل قلبه ودايم اقوله اذا كارهني اما ضمن بمعروف او تسريح باحسان
رغم انه لو طلقني وين اروح مالي الا الله ثم عنده
لاكسوة مثل الناس حتى الاكل يحسبه علي حسابه انا وربي خلاص احس بنفجر لاحول لي ولاقوة تعبت منه مالي احد الا رب السموات ورب العرش العظيم
يعني هو مايستعمل شي لجل اقول مو بوعيه ااااااااااااه مقهوره حيل ليمتى هالي انا فيه مدري مافي زوج يقول زوجته ياسربوته او ياداشره ومافي حرمه ترضى على نفسها الا انا لان مالي مالفى الفى اليه غير الواحد الاحد الفرد الصمد اتحشاه بقدر المستطاع ماجلس معه لو افتح الباب لو بصدفه يقولي وش جابك انقلعي عن وجهي جبااااااااااااار هالاننسان فيه جبروت بس ربي اقوى منه الله يريني فيه عجايب قدرته حاولت معه بالرومنسيه حاولت معه بالشده اهلي تدخلوا اهله لا حياة لمن تنادي
دورة بالنت استشارات اسريه احد يكلمه بس برضوا لاحياة لمن تنادي
الجمعه الي راحت كنت عند اهلي وجاء اخذني وربي من ركبت وهو سب سب سب وضربني من دون اي سبب وكانت اخر ساعه من الجمعه وقلت حسبي الله ونعم الوكيل وزاد هو بضربه لي وصلت للبيت قالي سوي عشاء دخلت للمطبخ اسوي عشاء جاء وقف عند باب المطبخ وعاد السالفه قال ليه تتحسبين على في السياره قلت اسفه قال انا اعلمك الحين كيف تتحسبين زين توه داخل وربي بيضرب مسرع لجهتي الا بقدرة قادر وكان احد شده من وراء وطاح من طوله على راسه من وراء طبعا انا خفت من المنظر رحت ركضت له الاهو قام وقال انقلعي يا الكلبه عن وجهي قلت انقلع انقلع المهم من قوة الطيحه نام لين اليوم الثاني ولافكرت اقومه قلت نوم الظالم عباده ولا كن وربي لم يتعض
انا ياست انه يتعدل خلاص الضرب صار عنده مثل السلام عليكم وربي اكتب لكم ودموعي على خدي وش اسوي وين اروح ولمين الجي مالي الا رب العالمين احيان اقول الله يرزقني ببيت اضف نفسي وذريتي فيه واخلص من عذابه واحيان اقول من وين لي البين بس ان الله على كل شي قدير يخلق الشي من لا شي
دورت وبحثت في النت قلت يمكن القي جمعيه تستاجر لي بيت وانتهي من عذابه ولاكن مافي الا للرامل والمطلقات
طيب الي مثلي ضايع حقهم عند شبه رجال لايكدون عليهم ويسبون ويلعنون وش يسون شكواي للواحد الاحد

بنات طلبتكم ادعوا لي ربي يفرج همي وهم المهمومين ويزيح كربتي وكربه المكروبين يارب يارب يارب يارب يارب يامن بيده الخير كله يامن تقول كن فيكون يامن امره بين كاف ونون يامبدل من حال الي حال اللهم اجعلي من الاجار للملك الحلال يابديع السموات والارض يامن اذا قضيت امر قلت له كن فيكون اللهم قل للمنزل الملك ان يكون لي فيكون ولجميع المسلمين ياربي ياحبيبي برحمتك استغيث فيا مغيث اغثني بمنزل ملك حلال وجميع المسلمين

بنات الاب عز انا كنت وين وصرت وين كنت البس الالماس والحرير والحين ضرب وسب وبزور اشتري الجديد دايم كرروا اللهم اني اعوذ بك من زوال نعمتك نصيحه انا توفى ابوي الله يغفرله ويرحمه وراحت معه كل اشياءي الجميله ونصيحه لاتعودين زوجك اهلك يجبون لك كل ماتتمنين انا كنت كذا والحين شوفوه مايعطيني القرش الابالحسره والله العظيم اني اليوم اترجاه وابكي لجل شامبوا لشعري اشتريه وحلف مايجيب لي والي عنده زوج ومكرمه تخلي حكيها في بطنها ترا الناس ماعاد تعطي خير لو تشوفون حياتي قبل خمس سنين ماتصدقون وشلون الحين

ياااااااااااااااااااارب اسال المنزل الملك الحلال ياااااااااااااااااااااااارب اسالك الملك الحلال