يارب فرج همي وهم كل مهمومة قولو آميين

السلام عليكم
ماني عارفة مين وين أبدأ لانها حياتي للاسف معظمها مشاكل وهموم ، انا متزوجة من 9 سنين من رجل محترف خيانات شفت معاه كل أشكال الخيانة صور ، اثار مكياج على ملابسة ،اهمال ، انتقادات ، ضرب لكن في السنتين الاخيرة تعرف على وحده وضلت علاقتهم سنتين صحبة وكان يروح ويسهر عندها وينام معاها وانا شايفه هذا كله وصابره عشان اولادي وكل ما صبرت شفت بلاوي لدرجة صار يجي والروج على ملابسة الداخلية وكنت لما اواجهة بمكالمته لها ورسايلها ينهال علي ضرب ويقول انت تتهميني وذحين تحولت علاقتهم زواج مسيار وأنا طبعا ما تقبلت انه وحدة ساقطة زي هذة تشاركني حياتي وخرجت من البيت وبعدها باسبوعين رجع لي وقال انا طلقتها وانا شاريك وكشفته وطلع كذاب وبعد شهر تقريبا جاء وحلف ع المصحف انها ماهي على ذمته ، طبعا انا ماني مصدقته لكنه يكلمني يوميا ونسولف ونضحك عادي وحسيت انه بدا يواضب على الصلاة واهلي يئنبوني اني رضيت بسرعة في اقل شهر وانه ممكن يستهتر في زيادة
وما رجعت اكلمه لاني موافقه على زواجه لا لاااااااااااااا والف لا لكن كنت ابغ افهم ايش يبغى يوصله في النهاية .
طلبت منه اني اجلس عند اهلي كم شهر لانه نفسيتي تعبانه ووافق بس بشرط انه يجي يأخذ حقه الشرعي بحجة انه ما يبغا يرجع لها ولا للحرام مرة ثانية. واهلي شرطهم انه يجي يكلمهم ويتفاهم معاهم وانا راي الشخصي انهم ما يتدخلو اهلي
انا ذحين مترددة ارجع ولا لا لان زوجي من صفاته الغدروالكذب والأنانية وفي نفس الوقت انا من النوع الي ماحب النكد انسى الماضي والالم وابدأ معاه صفحة جديده وأسعد نفسي وأولادي بس خايفه يخذلني زي كل مرة احس انه عندي انفصام في الشخصية .
اهلي وصديقاتي رايهم اني طيبة ومتسامحة وهو يستغل الشئ هذا ما يقدره.
تعبت من التفكير نفسي اتخذ قرار وارتاح، وسامحوني على اسلوبي لاني متوترة.
نفسي اعرف اذا كان صادق هالمرة والا كذاب زي كل مرة ارجوكم ساعدوني بمواضيع او كتب نفسي اوحتى اتعلم مكر الحريم اكشف حقيقة هالرجال.