يارب فرج وارحم لكل من تساعدني بمشكلتي

السلام عليكم ورحمة الله وبركاته
عندي استفسار ويارب تفرج لكل من ترد علي وترزقها من حيث لاتحتسب وتسعدها بالدارين
مادري وين اكتب موضوعي
انا بنت ماتزوجت ومن القصيم وقبيليه من عوائل القصيم الحضريه فيه واحد بيتقدم لي عن طريق خطاب من قبيلة شهران من الواهبي انا اول مره اسمع بهذه العائله وهذه القبيله مااعرفهم لانهم بالجنوب ابي معلومات عن هالقبيله هل هم حضر ولابدو ( انا ماعندي عنصريه وكلنا ربنا واحد والنعم بكل احد) بس محتاجه معلومات عشان بعدين مااقع بمشكله مع اهلي بخصوص هالعائله اخاف اهلي يقولون وش عرفهم بنا وهم بالجنوب وحنا بالقصيم.. انا مااعرف هالعائله يعني جيبولي امثله زي مين من العوائل يعني هل هم زي القحطاني ولا زي العنزي ولا زي الحربي ولا زي السبيعي ولا زي بني تميم زي ايش بالضبط وش يشبهون من العوئل والقبائل المعروفه (فهمتوني)؟
انا زي ماقلت لكم من العوائل القصيميه القبيلين الحضريه يصلح اتزوج منهم؟ يعني اللي عائلتها قصيميه قبيليه حضريه ولا نجديه قبيليه حضريه تقبل بهم لو انكم زي عائلتي مثلا هل اهلك بيوفقون عليهم؟
اتمنى فهمتو قصدي خايفه يصيرلي مشكله مع اهلي