يارب فوضت امري اليك.

وعليكم السلام

انتي اكبر مثال لعيش دور المظلوميه
تستمتعين وترتاحين وتحسين بالانتماء والامان الداخلي اذا لقيتي شي تقدرين تحطينه في قائمة المظلوميه وتلطمين وتنوحين عليه حتى لو انه شي ما يستاهل
وبس اذكرك بالآيه (إن الله لا يغير ما بقوم حتى يغيروا ما بأنفسهم )
يعني التغيير يبدأمنك من داخلك من طريقة تعاملك وتصرفك مع الامور والمواقف اللي تمرين فيها
مثل هذا الموقف مجرد سمعتي مدري من مين انه يتهمك يعني كلام وثرثره وصلتك ما سمعتيها منه شخصياً
كنتي بكل بساطه تقدرين تردين وتتصرفين بكل ثقه وبالحق وتجمعين وتواجهين كل الاطراف بهدوء بكلامهم وتسمعين الحقيقه بنفسك
لكن واضح انك حتى الاخطاء اللي تسوينها مثل انك تسمعين الغيبه والنميمه وربما تشاركين فيها ما تشوفينها غلط ولانها غلط ماراح حتى تقدرين تواجهين بالحق لانك شاركتيهم بأشياء من ورى الرجال الغافل
نصيحه ركزي على نفسك وعلى الاخطاء اللي عندك وصححيها بدال لا تركزين على حياة فلان وعلان والقيل والقال بظهور الناس لانها ماتجيب الا الاذى والشر
واطلعي من دور المظلوميه الله اعطاك العقل والنضج والقدره على اتخاذ القرار والاختيار ومو ناقصك شي وتعرفين تردين
واللي قالت لك فلان يتهمك بالسحر قولي لها تمام بكلمه واقول له فلانه خبرتني انك شاك اني ساحرتك وش السالفه يا فلان وصح لي وثقي تمام الثقه مواجهتك الحق بالحق وإلتزامك حدودك مع الناس هو اللي راح ينصفك وان كانت تكذب اللي وصلت لك الكلام راح تنكشف وتعرفين نواياها الشريره وان كانت صادقه فهي مو قد الثقه لانها نقالة كلام وتسوي فتن بين الاقارب والاهل
اما الطرف اللي يشك انه مسحور لو فرضنا اتهمك بالسحر فلازم يكون عنده دليل او شي يستند عليه
وللاسف بعضهم تجيهم احلام يفسرونها عند مفسرين أي كلام ويتهمون اللي بالحلم بالسحر
الخلاصه الموضوع مو مستاهل المظلوميه
الله يهديك ويصلح شأنك