يارب في أحد صاحي يرد علي

السلام عليكم خواتي أنا بقول قصتي من دون أي تنميق أو تنسيق وياليت ياليت تقولون لي الكلام اللي ممكن تقولونه لأي شخص يستشيركم ....
المهم حلمي زي أي بنت أني أتزوج الرجال السنع اللي يسعدني وسبحان الله حلمت حلم وتفائلت فيه و ولكن مافسرت ه الا بعد ماكلمتني صديقتي بيومين كان من الرموز أني شريت مفرش سرير والشخص اللي أتصلت وفسرلي قالي أنه بإذن الله زواج المهم وتكلمني وحده من صديقاتي وتسألني السؤال اللي فرحني وحاولت ابين أني عادي ٍ سألتني عن شاب فيه من المواصفات كذا وكذا .... صحيح مو نفس اللي أتمنى ولكن فيه أشياء حلوه ماشالله تقنع أي بنت في وقتنا الحالي أنها توافق عدى اليوم اللي سألتني فيه واليوم اللي بعده طلبت مني رقم الوالده وهنا كانت الدنيا مو شاليتني من الفرح وأخيرررررا بصير عروس طبعا بعد مماطله وثقل أعطيتها الرقم وأنتظرت ولا قلت لأمي لأسباب منها أني أستحي وما أبيها تعرف أني أدري بالسالفه قبلها المهم عدى اليوم واليومين والثلاث والأربع واليوم الخامس لكن ....محد أتصل ... ماقدر أوصفلكم وش كثر أنا متحطمه وأبين أني عادي يعني هل بيجي واحد ثاني ولا هو نفسه ما أقول تعلقت لكن تمنيت أنه هوا خاصه أنها أرسلتلي صورته وحكتلي معضم تفاصيله ب ,انه من الرجال اللي راعيين مسؤوليه وقليلين باهالوقت طبعا تعرف التفاصيل بحكم أنه قريبها
والحين يابنات تتوقعون أن تفسير حلمي نفس هالشخص وأنه بيكلمون أهله لأني الحلم كان قبل ما تكلمني صديقتي بيوم أو ثلاث بالكثير أقصد يعني يصير أن أم المعرس تاخذ رقم أهل البنت وتقعد مثلا أسبوع بس عشان تتصل ولا تهقون أنهم صرفوا نظر عن الموضوع وصديقتي منحرجه تقولي ؟ طيب أحد يفسر لي ليش تسئلني واليوم اللي بعده من القايله تطلب رقم الوالدة طبعا ترى أنا ما سألتها ولا قلتلها وش صار ابيها تحكي من نفسها ولا راح أسالها بس اذا تعرفون قصص قولو لي الله يسعدكم