شكلك حساسه مره ياختي الزواج مو كل شيء في هالدنيا الله كبر تبين الظاهر تجيك حاله نفسيه إذا بتفكرين وبتشوفين غيرك
عزيزت تفاءلي والنظري للحياة بنظرةملوءها السعادة والتفاءل بالخير أكثري من الاستغفار الدعاء خاصة بين الأذان والإقامة لقول احد الصالحين "من يكثر طرق الباب يوشك أن يفتح له "
ورزقك بيجيك بإذن الله ولا تخلين هالموضوع اكبر همك ولا تحسسين احد من أهلك أنه مشغل تفكيرك أن شاء لله بتفرج قريباً عليك
بالــــــــــــــــــــــــــــــــــــــــــــــــــــــــــــــــــــــــــــــدعاء

بلعكس يالغاليه

ربي اللي كاتب لك هذا كله ولا انتي راضيه بقضا ربي

حبيبتي ربي اعلم بالخير لي ولك ولو كشف لنا نختار وش يصير لنا

مانختار الا اللي اختاره الله لنا

وسعي صدرك وتعبدي لربك قبل تنشغلي بالزوج والعيال
واعتني بنفسك ودلعيها

وثقي بربي انه بيرزقك حتى يرضيك
لكن انتي ارضي ربك بكل شي
بعباداتك وعاداتك وحجابك

قومي الليل وافرشي سجادتك وأطلبي ربك
وأشكي وأبكي لربك ينزل سبحانه كل ليله ويقول هل سآئل فأعطيه سؤله
بين الأذان والإقامه دعوةٌ لا ترد
اتركي اي شي بيدك وقومي ادعي والحي بالدعاء
حتى يقيم

تصدقي لو بريال

لاتتركين اذكار الصباح والمسآء
"واللهم أني أعوذ بك من الهم والحزن والعجز والكسل
والبخل والجبن وظلع الدين وغلبة الرجال"

وإرقي نفسك يومياً واستمعي للرقيه
عند النوم
وتدهني بالزيت المقري

وبأذن الله اذا استمريتي
ع كل هذا يومياً بتبشرينا بخطوبتك بنهاية
رمضااااااان

والله يرزقك اللي يسعدك ويحبك ويقدرك
وتملكين بالعيد
ياااااااارب
وكل من يقول آمين

يختي والله اعرف بنات متان وشينات اعرسو ذول موب احسن منك في شي
انتي بس نصيبك تأخر شوي
روقي واذكري الله واحتسبي الاجر اشغلي نفسك بالخير بالطاعات بمساعدة امك بالقراءه
ونصيبك بيجيكم يارب مايجي العيد الا انتي معرسه ولاعيد الاضحى الا وانتي حامل

حبيبتي لاتعلقين سعادتك بالزواج

حتى لو نصيبك تأخر هذا شيء بامر الله

هو اللي خلقنا وهو اعلم بما يصلح احوالنا

عيشي حياتك ياقلبي ليش الهم والحزن وان شاء الله بيجي نصيبك بس انتي تفائلي

والله اعرف وحدة كبيييييرة من عرفت نفسي وهي حرمه كبيرة وتزوجت قبل شهر الله يوفقها وتدرين من تزوجها ؟ ولد عمها اللي طول عمرهم عايشين مع بعض .. سبحان الله اللي بعمرهم عندهم عيال بالثانوي .. لكن ربي ماكتب لهم الزواج إلا اللحين

ياقلبي لاتدفنين عمرك وشبابك بالحزن

سبحان الله قريت موضوعك ونغزني قلبي
نفس كلامي وهمومي قبل سنتين واكثررر وكانه موضوعي
حبيبتي ماراح انصحك بكلام ..
بس بقولك رؤس اقلام خذيها من مجرررررررررررربه وتعبت كثيررر بحياتها ومريت بالي تمرين فيه
اولا الجئي لربك والحين رمضان فرصه ادعي بسجودك ادعيه والحي بالدعاء الين تبكين
تخيلي ان هالامر وانتي تدعين بيتحقق قريب وابكي خوف ورجاء وطاعه وعباده لخالقنا عزو وجل من بيده اذا اراد شيئا ان يقول له كن فيكون ..
ثانيا : فيه بالنت رقية تعطيل الزواج حمليها واسمعيها او اسمعي اي رقيه شرعيه صحيحه وانصحك بقراءة سورة البقرة
لان اذا فيكي شي يمكن يمنع الزواج يتبطل بسورة البقرة باذن الله تعالى
ثالثا :طنشي العالم كله وصلحي اغلاطك اذا عندك معصيه اتركيها لوجه الله تعالى وتصدقي وتصدقي وتصدقي
3مرات كتبتها لك لاهميتها تصدقي من احب المال لك وقولي يارب انا تصدقت من احب مالي لاجلك يارب وامتثالا لامرك فاكرمني بخلاص حاجتي وارزقني الزوج الصالح الي يعوضني ويسعدني ..........
رابعا : حاولي تجمعين ادعية نصح بها كثير من الدعاة والمشايخ لطلب الزواج
وحطيها بمفكرة او اكتبيها بورقه ودائما ادعي بها واستغفري كل وقتك
والله يسعدك ويعوضك خير يارب
:)