وش الأخبآر ؟! إن شآءالله منيحين
الزبببده اليوم قريت موضوع كذآإ حطته وحده جزآهآ ربي عنآ خير
وربي الموضوع روعه
أنآ بغيت أنسخه والصقه بس كذآ حسيت اني ودي أضيف عليه
المهم أضفت واضفت واضفت ومادريت الا وانا كاتبة موضوع
قلت مدامك كاتبه يابنت الحلال خلي لتس شخصيتس وكيانتس
واكتبي موضوع بنفسك
المهم أول شي بقول شي نفسي فيه وعارفه إني بنجلد
أول شي ودي أمسك كل الدشير في هذا الكون وأجمعهم في غرفة وأمسطهم
لييييييييين تنبرد كبدي وبعدهآ بنآم قريرة العين
ألحين أنآ أستغرب ليش البنات <~ بتكلم عن البنات عشآني منهم وأفهمهم
ايوه اقول ليش البنات يسوون كذا <~ وش سوو
قصدي يلبسون عبايات مدري وش تبي مفتوحة من جهه ومخصرة من جهه
والشعر طالع من جهه والخشه من جهه
أنآ ودي بس تجلسين مع نفسك 5 دقايق بس وتفكرين وتقولين ليه أنآ أسوي كذا
لا تقولين لي إنهآ مريحة لأني مآعرفت الراحة الا بالعباية الاسلاميه
صح أنهآ واسعه بس مريحه مره وصح دايم أقول لو أدخل القبيلة معي بتكفي
بس مع ذلك مريحه ولا تضايق ولا شي بالعكس أشوف عبايات الكتف والمفتحة
والضيقه قلق
تخيلو كل ماطلعت مكآن لازم البس وأكشخ <~ عشان عباتي مفتوحه
ولازم أضبط شعري تعرفون لزوم الإغراء وأهم شي أغطي فمي وباقي الفيس
يسلم عالناس <~ يقهروني اللي يسوون كذا مره
يعني تراني حلوة وفي نفس الوقت ابي اتستر وغصب أنآ أحلى من نجلاء <~
صدق قهر أنآ دآيم يحسبوني عجوز وأنآ مكملتها بذا النظارة اذا جيت
أروح السوق استغفرالله بس <~ كنهآ تتطنز على نفسها
الزبببده برجع للموضوع ايه يوم جلستي مع نفسك وفكرتي وش طلع لك
إنتي متزينه بهالشكل ليه ؟ عشآن مين ؟
والله العظيم اللي تتزينين لهم مآيعتبرونك الا لعبة يتسلون بهآ
واذا رجال بيرد على موضوعي يقول للبنات وش نظرتهم للي أشكالهم كذا
بالعباية وهل يرضون كذا لخواتهم ؟
والله يآبنآت إني أحبكم ومآكتبت هالموضوع الا من القهر ليششش البنات صارو كذآ
إنتي اللي ترفعين قدر نفسك وتنزلينه ,,
ومشششكله الأهآلي الحين متساهلين مع البنات مره حرآم عليكم هم أمآنة بأرقآبكم
والله البنات في الجامعه الوحده ماتتغطى الا اذا دخلت السياره ؟ نعم يالحبيبه كان ماتغطيتي أصرف
والأغلب يفتشون حتى لو كنتي حلوه ترضين تفتنين أحد ويدشر بعدك !
ويالله اجمعي من هالذنوب نآقصين ذنوب بعد عشآن نجمع ذنوب خلق الله
يعني أهلهآ ماشافوها بذا العباية ؟ ولا ذا الشكل والميك أب والطرحه اللي تطلع أكثر ممآ تخفي !
قول صلّى الله عليه وسلّم : ( من كانت له جاريتان فأحسن تربيتهما وإعالتهما حتى تكبرا كانتا له وجاء من النار )
يعني أنت ياأب المستقبل كيف بتربي بنآتك وأنت كنت تسوي وتسوي وتبي بنآتك عاقلات وبالذات إذا كنت تلعب بأعراض الناس
لأن كل اللي بتسويه في بنات الناس بيتسوى في بناتك
وأنتي يآأم المستقبل كيف بتربين عيآلك وأنتي كذا شكلك
وشكل عبآيتك ولبسك وغيره وغيره
مدري ليش كل مآتحمست في الموضوع والكتابة تعقدت حواجبي وخربت اخلاقي
أختي كل شوي تقول فكي العقدة
ايوه ارجع وأقول البنات فيهم خير والله فيه بنات أعرفهم فيهم خير وكذا بس عبآيآتهم للأسف
حتى أذكر رمضان هذا اللي راح الله يعيده علينا وعليكم بالصحه والسلامه كانو بنات يجون
للمسجد وعبايات كتف ومفتحه ومن تحت البنطلون الله كمممممممملت
بس وشلون بتصلي ؟ قآعده أتفكر فيهم في المسجد أثري من الحماس التفت عليهم وقعدت أتفرج عليهم
<~ أنآ قاعده في الصف الثاني وهم الأخير والمشكله يناظروني من طرف عينهم يحسبوني خاقة
يالله إن ترحم أمي هيآ <~ أإوت تكفين
ايه يعني شوفو هذولي فيهم خير وطالعين آخر الليل للقيام بسسس المشكلة في أشكآلهم !
يعني لو عدلو فيهآ شوي طلعو أطلق البنآإت
يوم كذآ ودي أروح للجآمعه وألقى البنات أشكالهم محترمة والفيس مستور والشعر مغطى كلنآ عآرفين انتس حلوه
بس أرخصتي عمرك
والله دآيم أقول بدآوم بعجرآء وأطق ذا البنات طق لين يعظون الأرض <~ عآرفه الحين كل البنات يكرهون المخلوقة المسماة بنجلاء
والله كل كلامي قهر على هالبنات ماأبيك تطلعين رخيصه تلعب بك كل اليدين ,, لآ إنآ زهرآت مآيقطفنآ الا اللي يستآهلنا وبالحلال
<~ أعجبني التشبيه
ألحين أنتي عآرفه إنك غلطآنه صح بس أول ماتصكين هالصفحه بتحاولين تتجآهلين الموضوع عشآن كشختك وبرستيجك وووو
طيب اسمعي ذا القصه
مره كانت فاطمه بنت النبي تبكي من قلب وتصييييييييييييييييييح..
جتها عائشه رضي الله عنهم جميع..
تقولها مابالك .!
اعلمك وش قالت ..؟!
قالت بمجمل كلامها .. الحين إذا انا مت وشالوني الرجال بييبن جسمي وبيبان خصري
يعني شكل جسمي بيبان..
اذا فاااااااااااااااطمه بنت الرسول كذا تفكيرها
وهي الحين ميته..
وحنا العبايه واسعه لكن مع الشنطه وشد العبايه مع الخصر يبان كل شي <~ والله أكره هالشي فيني وأكثر شي يصير لي في الجامعه
مآآطلع كني لابسه عباية اسلاميه
بنات تكفون خلونا نتغير ..
وربي ماراح ينفعنا شي..
تدرون بس ان النار سوداء وكل شي مانشوف
واللي ابتليت بجوال مع الشباب ولا الماسن..
تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ
وش ردك عليه..!
بنات والله ماينفعك..
تدرين ليه اقول كذا .. لاني اعرف كثير وعارفه هالشي صعب..
لكن أنآ احببببببببببببببببك
لاني احس انو شي صعب بس من ترك شي لله عوضه الله خير منـه..
اتركيه هالشخص ووضحي له انك تعدلتي..
شي احسن من لاشي ..
صح علي..
حاولي و حاولي وحاولي..
وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..
وترى هالدعآء أنآ دآعيته لوحده أحبهآ والحمدلله ربي استجاب دعائي
عدلي لو شي واحد وادعي ربي لنفسك دائم..
صح ولا انسى الاغاني والافلام الامريكيه والكوريه <~ فاتنة البنات فتنة موب صاحيه
يآنآس الأغآني شييييييييييييييينه وكررررررررررررررررريهه
وكلنآ نكرههآ حتى أنت ياللي تسمعها تكرههآ بس إنهآ زي الادمآن
واذا قلت لأحد ليه تسمع آغآني يقول تعودت !!!
مافيه أحد يحب الاغاني وكلنآ نعترف انها تضيق الصدر وتجيب الغم
يمكن في نفس اللحظة سعة صدر ووناسه بس بعدهآ كيف ! حتى عند النوم ضيقة صدر
المهم ذا الاغاني والافلام واخوياك والخآفي أعظم اذا انحطيتي بقبرك ماراح يٍسألو عنك ..
بتنحطين بقماش وذنوبك معك..
حاولو دايم تذكرون أهلكم وأصدقائكم وكل من جلس معكم بالجنة والحور وترى نسآء الجنة أجمل من الحور يعني إن شاءالله أنآ وأنتي نكون في الجنة أجمل البنآت
الله يجعلنآ من سكآنهآ يآرب
قد سمعتو شريط وغارت الحورآء للشيخ عبدالمحسن الأحمد ؟! <~ يجججنننننننننننننننننننننننننننن
وحتى إنآ لنآ في الجنة رجال يعني يجننون بطول آدم وأخلاق الرسول وجمال يوسف <~ نسيت باقي الأوصاف
ايه ارجع لموضوعي
تخيلو سمعت مرة قصه روعه ..
في اثنين أصحاب ..
كانو قاعدين بمكان
قامو يتكلمون عن الجنه والنار والخ.!
واحد دمعت عينه بذكر النار خاف منها..
بعدها بمده توفى صاحبنا ..
وجاء لخويه بالحلم ..
قاله صاحبه يافلان وش اخبارك..!
قال اخباري..
انا بالفردوس الاعلى اعلى شي بالجنه..
قاله صديقه ليه..؟
قال تذكر يوم نقعد نسولف انا وانت وذكرنا النار ودمعت عيني..
هذا اللي دخلني الجنه..
شفتو ان ربي كريم..
وربي ربي شي كبيييييييييييييييييييييييير..
إيه وشي ثاني بعد إنآ فينا خير والله ونتأثر بسرعه ومانرضى على رسولنا وقآطعنا وكل شي
وفيه ناس بكو يوم صارت اساءة الرسول <~ يعني فينا خير صح
بس مشكلتنا نرجع وننغمس بهالدنيا مره ثانيه ونحسب أعمآرنآ طويله وواثقين بعد !
أتحدى الحين أحد يفكر إنه بيموت بعد دقيقه أو ساعه او يوم او ثانيه !
محد فكر صح ؟ ولأأحد يدري متى يومه !
خلونآ نستغل أيآمنآ وإنآ أحيآء مثلا أنآ بأستغل الموضوع وأنآ كتبه الحين أسمع قرآن
وبحط الرابط عشآن تستفيدون أنتم بعد http://www.mhct.net/
وأنتم أدعو دآيم ان ربي يقبل أعمآلكم
تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده..
معقوووووول.!
ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..
يناس الى متى انا وانتو كذا..
قسم بالله مهيب حاله يعني يجيني حاله اقول ودي اني بعهد الصحابه
الى متى وحنا بغفلتنا,,
نصلي ونبكي و و..يجي العيد وبعد العيد ونرجع لحركاتنا وننسى ..
طيب انا وانتم خلونا نفكر بـ شي من الحين دام الهمه فيني وفيكم الحين..
مثلا نسوي صندوق بالبيت او بغرفتك كل يوم حطي ريال ..
بدل هالشيبس اللي كل يوم نجيب 4 للشله..
نتبرع بريال للصندوق ...
وريال على الريال تصير 10..
تدرون ليه ريال عشان ماتثقل عليك واللي له قدره الله يجزاه خير..
وعطوها مثلا هاللي ينظفون بالاسواق ولا سواقكم ولا شغالتكم ..
ولا العاملات اللي بالجامعه بتلقون ناس كثيرين محتاجين وربي تراهم ماجو هنا الا للحاجه..
واذا كانت تتعنفق ولا تنافخ ..
خلو قلوبكم اكبر واكسبوهم باجر ربي وماجوره,,
نرجع لموضوعنأ ايه وش بتكلم عند بعد
الالفاظ اللي مدري وش تبي ومن أهمهآ وأخيسسسهآ اللعن الناس اللعن عندهم مثل السلام الحين !
الله يلـ... الاستاذه معطتنا بحث
الله يلـ ... اسئلتها برى التخطيط ولا اسئلتها صعبة
فص النت الله ....!
والاشد والانكل اللي من الحب والموانه مره يلعـ .. خويه !
يعني هذا من شدة المعزة وكذا
عودو نفسكم تتركون العاده ..
اذا لعنتو فجأه عاقبو أنفسكم واستغفرو 40 مره مثلا =)..
واحسنو الخلق مع أي احد..
تدرون الابتسامه لها اجر..
يمر أحد جنبك.. لاتمدون الكشره متر ..
لا ابتسمو..
<~ سهله صح ؟ أحس إني أدخل في مليون موضوع في وقت وآحد
وش اسوي متحمسسسه
وبقول موضوع يأرقني
إيه ندخل في السالفه الجديده اللي هي العلاقات وحركات الدشير والتميلح
الى كل فتى <~ إخس يافتي
صدق عآد مآانعطى وجه بتكلم جد
الي كل نفر وش تحس به وأنت داشر وصايع وتكلم البنات وتلعب بعقولهم
هل أنت نفر رآضي عن نفسك ؟ جد صآرح نفسك وعدد وش استفدت من تجميع هالبنات
في الجوال والمسن ومدري وين بعد
بس بقولك كم كلمة لعل وعسى تأثر فيك
إتق الله في بنآت الناس واللي تسويه في بنات الناس بيتسوى في أهل بيتك
بنات الناس لعبة عندك ومحآرمك ممنوع اللمس ؟!!
الزاني يزنى به ولو بجدار بيته <~ تأمل فيه واتق الله عآد
نجي عند القمورات البنات القميلات <~ أنوآع الترفيع قبل الهواش
أختي علمتهآ أني اكتب موضوع قالت وين وصلتي قلت الحين بتكلم عن البنات الدشير أصلحهن الله
قالت قولي لهآ الحين أنتي صح مآتخآفين من الرجال هم اللي يخافون منتس
قصدهآ إن الرجال الحين نرحمهم صدق أنواع المفاتن عندهم لدرجة تبلدو
أنآ ودي أعرف شي مآخفتي من أهلك ؟ مآخفتي على عرضك ؟ والاهم من هذا كله
مآخفتي من ربك ؟
يابنآت تكفون اعزمو على ترك العلاقات المحرمة مآتدرون متى بتموتون
بالله ماتشوفون وشلون الموت يلقط هالناس تلقيط ؟ كل يوم نسمع فلان مات وفلانة مآتت
وكلهم صغآر الموت مايعرف كبير وصغير وصالح وطالح
واتركي عنك الملابس الخالعه والمايعه لا تقولين موضة ومدري ايش
خلي عقلك أكبر من كذا ولا تقولين كذا أكشخ وأحلى صدقيني مآفيه أحلى من الستر
عآرفه اننا بنات ونحب التزين والكشخه وكذا بس جآهدي نفسك والله إني أنآ ودي ألبس وألبس
بس أقول لنفسي ربي بيعوضني
وغيري صحبتك إن كآنت سيئه وتدعوك للشر والله الصاحب ساحب يعني مثلا مستحيل بنت داشرة مع بنت محترمة !
بالعكس بتلقين كل وحده مع اللي مثل أخلاقها ويآبخت اللي تكون صديقتهآ أخلاقهآ حسنة
لا تقولين صديقتي وأحبهآ ! إذا دخلت صديقتك النار بتدخلين معها ؟!
طهري نفسك من هاللحظه واعزمي عالتوبة النصوح وخلي ارادتك قوية
واذا انت/ي من النوع اللي يروح عزمه علطول اكتبي في ورقة وحطيها على سريرك أو أكثر مكان تقعدين فيه
دقيقه بقولكم أنآ كنت أسويها في ثالث ثانوي كآن جايني إكتئاب مره
المهم جبت ورقة من كراسة وكتبت أنآ سعيدة بخط كبير وحطيتها على سريري
الله لايوريكم التعليقات وبالذات من أختي تقول جتك حاله نفسيه
بس ماهمني والله كل ماقريت الورقة يتجدد عزمي اني أوسع صدري ولا أفكر بشي حزين أو أكتأب أبد
سوو مثلي واكتبو مثلا أكره الأغآني أو أكره النت أو عيب اللعن أو أكره فلان أو فلانة <~ اللي مخاويته
شفتو مع الوقت بتقتنعون بهالشي
فيه شي أخير بقولكم عنه <<~ أحسكم تقولون مابغيتي توصلين للأخير
دآإيم فكرو قبل ماتسوون أي حكمو عقولكم ودينكم يعني لا تقولون بنسوي مغامرة وفله
أختي قبل كم يوم مسويه مغامره وحركات قالت لها صديقتها خن ندخل قروب للمسن حق مدري ايش
بس إنه حق بنات وكذآ المهم أختي داخلة ناوية شر مع صديقتها المهم تهاوشو مع بنت
المهم ماتدري الا والبنت جايبه خويها
وهكر القروب كله وأختي تجيها أم الركب وتبلكهم وتحذفهم بس إنه متحلف فيها قلت لهآ أحسسسسن عشآن مرة ثآنية
تسوين فيها مغآمرة ومدري شو
^
طبعا هذا شي عآإدي بالنسسبة للبنات اللي يسوون فيهآ مغآمرآات وحركات هم أدرى فيهآ
اللي تدق على أرقام غريبه تبي تستهبل شوي وتوسع صدرها واللي تستخف دمهآ بالأسواق والاصوات ملعلعة
والضحك ومدري ايش بعد
يآكثر مأأشطح
والله تعبت من كتابة ذا الموضوع وبدآ يصدع راسي
والبزران وصخو غرفتي اللي نظفتها بذمة وضمير
بس ترآني سعيده <<~ أإوت
ودي أتكلم أكثر وأكثر بس فتر حيلي ويبست رجليني وتجمدت مفاصلي
وكتابي اللي جنبي يقول ذاكريني يرحم والديك
وأنآ أكتب الموضوع الساعه حول 11 ونص يعني باقي نص ساعه وندخل يوم عررفه
يارب تعينآ نصومه وتجعلنأ من المقبولين والمغفورة ذنوبهم هالسنه
ومع بداية السنة الجديده حن نفتح صفحة جديدة
خلو حيآتنآ تتغير للأحسن بإذن الله وخلو بعدكم ذكر حسن
خلو أهلكم إذا متو يقولون الحمدلله ولدي كآن شيخ وبنتي دآعية وتقيه
المهم لو بتكلم مآسكت
ياصبر الرجال اللي بيآخذني لا .. المفروض أقول ياحظ اللي بيآخذني <~ مو اتفقنا نكون أنآ اللي نحدد مصيرنا بارادتنا
وشسمة وخلصت الحمدلله من هالموضوع
ومآأبي منكم الا تدعون لأخوي بالرحمة ودخول الجنه يارب ولأمي بالصبر والثبات
وتدعون لي بالزوج الصالح والمعدل العالي
وياليت تنشرون هالموضوع في ايميلاتكم والمنتديات يمكن أنت/ي مأتأثرت بس غيرك يمكن يتأثر
وبسس
من ايميلي