يارب كل وحده تدخل موضوعي مايجي رمضان الا وهي تقضي فيه للبيبي

السلام عليكم ورحمة الله وبركاته

















يا حلوين انا مبتلاه با ارتفاع هرمون fsh والحمدلله علي كل حال

واخر مره حللت قبل اربعه شهور وصل لي 46
والدكتور كتبلي كورس علاج لمدة اربعه اشهر بس بريجلتون وكورتيزون
انتهت اليوم وان شاء الله بكره بروح احلل اشوف اذا في تجاوب ونزل الهرمون ولا لا؟
مرررررررره متوتره ومتضايقه لانو لو مافي نتيجه كويسه ناويه اكلم زوجي انو يشوف حياتو مع غيري لانو حرام اظلمو معايا وبنفس الوقت مااقدر اشوفو مع غيري فا اكيد حطلب الطلاق والله يصبرني علي فرقاه مع اني اموووت فيه

ربي فرج همي

دعواتكم لي بنزول الهرمون للحد الطبيعي وابدا بالمنشطات ويصير حمل

والله ضايقه فيني الدنيا ومني عارفه ايش اسوي





الحمدلله علي كل حال يارب فرج همي وهمكم يارب

انتو مثل حالي ومالي بعد الله غيركم افضفض لكم عن الهم الي بقلبي
اهلي يقولولي ايش تبغي بالاطفال
واختي تقولي
(تمزح طبعا) اسلفك وحده من بويضاتي ماشاء الله
واخوي يقول لو حب زوجك يتزوج تراه من حقو
واحيانا يقولولي اتبني

وانا من هذا الكلام كلو والله والله والله
اتقـــطـــــع تقطيع من الداخل

ادري اهلي ويبون لي الخير ومايقصدون شي
يمكن انا حساسه زياده عن اللزوم بس الكلام هذا يدمرني
وحرماني من الامومه مدمرني
واللحظه الي ممكن زوجي يتركني فيها مدمرتني هوا طيب وماشاء الله حنون معايا مره
بس من حقو يشوف ذريتو بالدنيا واكيد في يوم من الايام حيفكر بالزواج
وهالفكره لوحدها اكبر دمار
والحاله الماديه جدا صعبه بس كلو يهون عشان خاطر الامومه
ربي يعلم قد ايش اتسلفت من ورى زوجي عشان المستشفيات لانو اعرف مامعاه ولانو مالو ذنب بي ابتلائي

عشان بس اعيش عالامل
ربي برحمتك ارحمني :44:
اللهم ارحم ضعفي وقلة حيلتي وهواني عالناس:icon33:

يارب يارب يارب ينزل الهرمون لي 4 وابدا بعدها بالمنشطات

الله يخليكم محتاجه دعواتكم بظهر الغيب بكره موعد تحليلي


ربي يرزقني ويرزقكم وكل من تتمني بالذريه الصالحه المعافاه:icon28: