يارب لاتجعل حظنا صيت :(

السلام عليكم مالكم بالطويله بدخل بالموضوع على طول ..يابنات أنا من صغر سني وبيتنا كلها مشاكل وهواش وصياح و مواقف كثيره عجزت انساها طبعاً أبوي كان بعيييد عنا اشوفه يمكن بالشهر 3 مرات بالكثير 5 مرات وساعات معدوده ومع ذلك لازم يصير مشكله بينه وبين أمي خواتي كانوا يخطبون من أفضل الرجال لكن سبحان الله مايصير نصيب ويخطبون بكثره كانوا خواتي كل ماراحوا للزواجات لأقاربنا وأجتماعات كبيره الكل يتكلم عنهم ويسأل عنهم للخطبه طبعاً حنا ويعلم الله مب مدح لكن نسمع دايم مميزين عند معارفنا كلهم ولنا صيت معروفات جداً بالزين المهم اختي تزوجت وطلقت وسبب لها ازمه وامي ايضاً تعبت نفسياً معها وازدادت المشاكل بعدين بعدها بسنوات جاها نصيب من شاب ثري وتزوجت والحمدلله وفقها الله تزوج اخوي ولكن ماحب مرته ابداً ابداً لدرجة بأول شهور من زواجه يبكي مثل بكاء الأطفال بكاء يقطع القلب للحين مانسيته ولاطلقها رحمه بها ولازالت حياته مستمره لكن بلا معنى تغير 180 درجه الي يعرفه قبل زواجه ويشوفه الحين اجزم انه ماراح يعرفه صار شخص اخر اهتمامه بنفسه وبشكله راح مزحه ضحكه حبه لمجلسنا راح صلته لأقاربنا راحت صار شخص منعزل حزين باهت الملامح حتى بياضه راح واقتلب اسمر من الحزن العظيم اللي بداخله !!!تزوجت ايضاً اختي الثانيه من شاب وظيفته مرموقه جداً من بعدها كأن بدت تبتسم لنا الدنيا ابوي رجع لنا ومعاملته حلوه معنا لكن جت اختي اللي توها متزوجه وتطلقت!! امي وابوي 24 ساعه مشاكل ماتصدقون يابنات والله عادي اصحى من عز نومي على اصوات هواشهم صار عندي شيء عادي اقوم على اصوات صياح وصراخ تعببت وكل اللي بالبيت تعبوا وبعد عدة سنوات رجعت اختي الكبيره ايضاً مطلقه ومعها 3 بنات وكل سنه بعد سنه وكل شهر بعد شهر تتفاقم المشاكل وتزداد لدرجة خليت دراستي وصرت حزيييييينه جداً جداً طبعاً البيت كلهم حزينين ومنفسين استغفرالله صار عندي يأس واحس الدنيا سوداء قبل سنتين خطبني شخص وظيفته مرموقه والكل يمدح فيه وكان على قول ابوي طاير من الفرح لكن سبحان الله بعدين صار فيهم برود وبدرت تصرفات يبوننا نرفضهم !! طبعاً رفضته والحمدلله رضيت لكن يابنات بعدها انا وخواتي مانخطب خواتي قولوا مطلقات لكن انا صاروا الناس يسألون عني ونمدح لهم بطبعنا وحشيمتنا للحموله وأخلاقنا وتربيتنا لكن مايتقدمون كم ناس سألوا عني وقالوا لأمي اللي ذكرون انه مدحونا بالحيل واخذوا الرقم لكن مايجون مب هنا المشكله المشكله ان اهل البيت كلهم كذا استغفرالله كلنا سيئين حظ بديت أيأس واكره القومه احب انام اهرب من الواقع المرير مالنا حظ حتى بعلاقتنا مع اقاربنا استغفرالله والله يابنات اني غصب عني ادري ان فيه احد اشد منا واننا بخير الكثير يتمنى يعيشه لكن غصب حززززيينه على حالي وحال اهلي حزن عميييييييييق حزن لو اقوله ماتتصورونه ابداً ..الخلاصه .. يابنات من فيكم كانت كذا حياتهم وتعدلت للأحسن بكثييير من كل النواحي ؟ ابي تدعموني معنوياً ونفسياً ابي قصص واقعيه صايره لكم ان فيه ناس كذا وفرج لهم ربي