يارب لطفك ورحمتك فيني وربي تعبت

يابنات لحقوو علي كل يوم انا بهم جديد وكل ماينزاح هم يطلع هم اقوي منه وانا مو داريه زوجي والله انسان حنون وحساس ومو مقصر معاي باي شي بس سالفه العيال تهد الحيل هو قرب يوصل ال40 وماعنده عيال اعذره بس ماتوصل لدرجه الي قاعد يسويه صار له 4 شهور متغير شويات وانا حاسه واطنش والعب علي روحي واغير الموضوع بس مااقدر انفجرت من فتره حسيت زوجي يلمح ويتكلم ويقول في حريم يخونون ازواجهم عشان يجيبون عيال وانا كنت ارد عليه هذول مو بنات أصول وبنات حرام واسب فيهم ولا كنت ادري وش قصده اووو بالاصح استعبط وأقول لا اكيد مو قصده شي بس من تصرفاته لاحظته يشك فيني اني ممكن اسوي هالشي احنا لنا روتين معين بالجماع عشان يصير حمل باذن الله لانه هو تعالج بس يبي له وقت عشان يصير كل شي تمام علي سبيل المثال مثلا أكون ببيت صديقتي وارجع علي طول يطلب ينام معاي أقول له ليش مثلا تونا البارح او كذا يقول بس لي مزاج وانا اعرف زوجي وله معاي سنين وحتي الجماع بدون نفس بس يبي يتاكد اني ماخنته وكذا مره يسال اساله غبيه او استفزازيه مثلا وعذرا علي الكلام يقول لي الي عندك متوسع او كذا أقول له لا يتراوي لك واسلك له واخر مره قبل البارحه كنت رايحه عيد ميلاد بنت اختي الصغيره اخذني اخوي ورجعني اخوي بعد وتاخرنا بالرجعه مارجعني اخوي الا الساعه 2 وكان زوجي صاحي وعلي طول بس دخلت البيت دوبي تاركه عبايتي من يدري جا علي مباشره وقعد يسولف وقال لي وش هالريحه قلت له ايش قال ريحه عطر رجالي فيك قلت له لا هذا عطري يتراوي لك وشوي وانا ابدل يقول لي كانه عند فخذك احمر شويات قلت له مافي شي ممكن واحد من الأطفال قعد علي وببنطلونه حديده او شي وقاعد يراقب ويدقق اخر شي قال لي وش فيه مكياجك سايح قلت له يابن الحلال مافي شي بيت اختي كان زحمه والتكييف مو بارد مره واخر شي قال لي برقبتك علامه حمرا قلت له مافي شي ورحت عن المرايه اشوف رقبتي قال لي ليه رحتي معناتها في شي انا هنا فقعت وقلت له انت انسان مريض وسبيته وهزئته قال لي وش فيك ويبي يراضيني وينام معاي عشان يتاكد ماحد لمسني وخليته يولي وقلت له انا مو غبيه وفاهمه الي ببالك ومخك وانت مو ماخذ وحده من الشارع لو ابي عيال بطلق منك والف واحد يتمناني وبالحلال اجيب بدال الولد 10 وقعدت ابكي وجتني حاله هستيريه وقلت له انا حاسه وش تقصد بس تعبت وانا العب علي روحي وطلبت منه الطلاق وقلت له ودني بيت اهلي وهو علي طول قال اسف وانا غلطان وقعد يتعذر بس انا والله ماعاد اقدر اتحمل وش اسوي انا احبه وهو مو مقصر بس هالشي يهد الحيل صعب واحد يشك بزوجته تخونه وربي صعبه تهد جبل اكلم اهلي اتطلق اسامحه وش اسوي صرت اوسوس الناس عيد ومبسوطه وانا بهم مايعلم به غير الله ومن يوم صار هالشي مااكلمه الا خفيف وهو يحاول يرقع لنفسه علي الي سواه انصحوني وش اسوي يابنات
انا وربي من فتره كنت مبسوطه انه تعالج وسوي العمليه وايماني بالله قوي انه بيرزقنا الذريه الصالحه بس ماادري وش صار فيه ووش الي قلب مخه كذا شكه فيني يوجع والله ويذبحني باليوم الف مره حتي لا رجع من دوامه يقول له كانه الجزمه حقتك متحركه وانا من القهر أقول له أي اطلع من وراك في شي ويسكت عشان لا تكبر السالفه وش اسوي انصحووووووني وربي بمووووت من قهري علي نفسي
تكفون بنات والي اعطاكم اعز ماتملكون ماابي ردود جارحه بس ابي دعائكم لي بالذريه الصالح ووش اسوي لاني بديت انهار ومو عارفه اصارح أي انسان قريب مني بالي يصير لانه منجد شي يشيب الراس ومالي غيركم وياما كتبت لكم وساعدتوني وياما رديت علي بنات وساعدتهم وربي ماابي منكم غير الدعااااء وانا احب زوجي مره بس مو قادره استوعب الي يصير ولنا سنين مع بعض وش الي تغير ماادري وربي تعبانه ادعو لي تهدا نفسيتي ماابي ازور اهلي بالعيد وانا كذا