عطورالوفا

عطورالوفا @aatoralofa

محررة برونزية

يارب لك الحمد

الأسرة والمجتمع

السلام عليكم ورحمة الله وبركاته الحمدلله دائما وابدا على السلامة
.
.
.
قبل امس حصل لنا حادث عند دخولنا ل أبها
.
.
.
ونجانا الله منها يارب لك الحمد من قبل ومن بعد ...
دخل علينا من مسار خاطيء بسرعة جنونية والحمدلله ما تقلبت السيارة ..
.
.
.
الغريب في الموضوع ان من بعد شراءنا للسيارة من الوكالة (لها الان سنة تقريبا) تكررت علينا الخمس الى السبع حوادث باشكال مختلفة ..
وكلها الحمدلله بالحديد من جهة واحدة نفس الجهة يكون الحادث .
.
.
.
اذكر ثلاث مرات منها مرة كانت السيارة واقفة امام محل الاثاث وايضا كانت السيارة مركونة امام البيت ومرة ثالثة كانت امام الفندق وخرجنا الصبح و لقيناها مصدومة من نفس الجهةة
.
.
.
وباقي الحوادث كانت واحنا في السيارة ما احكي لكم قد ايش الفجعة و الوجع في القلب والقهر مو عشان تلف السيارة او طمع في اخذ تعويض .
.
.
.
عشان باقي فيه ناس ضميرها ميت تهرب و ما تعترف بالخطاء هذا اللي قهرنا لا نجم ينصف ولا كاميرات تكشف ولا بعض الناس توقف وتشهد على اللي حصل .. مع ان اكثر الحوادث اللي حصلت لنا زوجي يسامح الطرف المسبب للحادث لو ماعنده تأمين حتى لو التلف كبير يتحمله زوجي من جيبه لكن نقول الحمدلله في الحديد ولا فينا والله يعوضنا خير ويعطينا خير الايام القادمة ..
وحزام الامان من جد هو امان بعد الله عزوجل لا احد يستهتر فيه ابدددد حتى لو مو متعودة عليه اجبري نفسك وزوجك نفسك مو ملك لك حتى تستهتري فيها ..


والله قبل الحادث ب ربع ساعة تقريبا زوجي يقول لي جيبي عموري قدام عندنا خليه يشوف الطريق معنا ويشوفنا ويسولف وانا ارفض بشدددة كرسي السيارة امااان له سبحان الله بعدها حصل تصادم والحمدلله ان زوجي عرف يتصرف من شدة زحف السيارة كرسي عموري تحرك من مكانه والحمممدلله سلمنا الله جميعا ...
وما انسى قبل اسبوعين صار امامنا حادث سيارة احنا بالخط السريع والسرعة المسموح فيها كانت 140 ونتفاجيء بسيارة تدور امامنا لا هي عرفت توقف ولا احنا عرفنا نتفادها والحمدلله ما صار لهم اي شي بسبب حزام الامان كلهم رابطينه الا شخص واحد هو اللي يصارخ من ظهره ..
الحمدلله دائما وابدا
21
3K

يلزم عليك تسجيل الدخول أولًا لكتابة تعليق.

تسجيل دخول

بنات العيله
بنات العيله
الحمدلله على السلامة والله يحفظكم يارب
♥️Morjana
♥️Morjana
و عليكم السلام ورحمة الله و بركاته


الحمد لله على سلامتكم ربي يحفظكم يارب
صدقيني غيرنا السيارة عدة مرات و في كل مرة تحصل لنا فاجعة أكثر من التي هي قبل
و لا أتطير لأن الإنسان لو لزم التطير ما اشترى لا سيارة ولا شيئ آخر
هي أقدار الله و لطفه و رحمته تعمنا و ما يحصل مقدر و مكتوب
الحمد لله و الشكر له أن سلمنا و سلمكم
و انا ضد الولد يبقيه الوالدان بالواجهة و بالمقعد الامامي
و اصلا فيه مساءلة قانونية هنا عندنا و الكرسي يبقى الأمان الوحيد له بعد الله


ادام الله عليكم السلامة و حفظكم من كل ذي عين و شر
مدام حره
مدام حره
وعليكم السلام ورحمة الله وبركاته
ربي حماكم وستر عليكم في الحديد ولافيكم
الحمدلله على سلامتكم ياقلبي
الأمل الآتي
الأمل الآتي
حمدلله على سلامتكم.. الله يحفظكم والمسلمين من كل شر
🎀هيروشيما🎀
🎀هيروشيما🎀
الحمدلله على سلامتكم والحمدلله في الحديد ولافيكم