يارب لك الحمد والشكر واخيرآ بقولكم قصة ولادتي

الحمدلله الذي تتم به النعم
لك الحمد ولك الشكر كما ينبغي لجلال وجهك وعظيم سلطانك..

بسم الله الرحمن الرحيم

ع اساس موعد ولادتي تاريخ 20_3_2010

من بداية الشهر الثامن
قالو لي ان حجم البيبي وايد صغير والماي عندي ناقصه :44:
فكثر مراجعاتي وصارت كل اسبوع مره
عد الشهر الثامن ع خير وعافيه وهم بعدهم على اعصابهم
وانا اكثر منهم خوف
لانهم قالولي وانا فالاسبوع الاول من الثامن :
بنحطيج فرصه لمده اسبوع ، حاولي تريحي فيها واتمي مسطحه او جالسه واهم شي تشربي الماي بكثر والسوائل فاليوم اقل شي 2 لتروماتتحركي الا للزوم.
قلت حاظره وعلى امركم ، للامانه انا كنت اتحرك بس مب وايد لاني من النوع لي ما احب الجلسه وايد
بس كنت اشرب الماي واتغذى عدل ومن بعد فضل الله علي يجي فضلكم لي كل وحده تقولي كثري التمر واللبن والحليب بالموز
الموهيم:
عدت فتره الاسبوع وشيكوا ع البيبي ومستوى الماي الحمدللله اترفعت شويتين
بس بعدها ناقصه بالنسبه للمستوى الطبيعي عشان تفهمون اكثر:
" المستوى الطبيعي لماي الجنين يكون بين 10 وال 15 ".
"انا كانت 8"
وعقبها جت المراجعه الثانيه والثالثه والرابعه ومثل ماقالو عديت مرحلة الخطر لي هي تضر البيبي وخلال هالاسابيع حطوني ابريت عسب رئة البيبي بما انها ماتكتمل الا فالشهر التاسع ومن باب الاحتياط قالولي نحن بنحطيج هالابرة الرئتين عشان اذا استوت عندج ولاده مبكره " لي هي عمليه"يكون البيبي مكتمل ومايحتاج انه يجلس عندنا الا اسبوعين بالكثير، الموهيم دخلت الاسبوع 36 لي هو اول اسبوع من التاسع ورايحه مراحعتي
وسبحان الله كنت مخططه انا وريلي انحنا عقب المراجعه نسير السوق نتشروى اغراض البيبي واغراض لي
لاطولة فتره الثامن ونص واخر السابع منعوني من الطلعه والمشي الكثير,

وخلاص ع اساس متفقين ع جدولنا

ويوم سرت اسوي الالتراساوند
الا ويشوفون الماي نسبتها 5:44:
خافوا والممرضات عندي فوق 4 واتصلو للاخصاثي عشان يجي بسرعه والميد وايف لي اراجع عندها

وشافوا ان المشيمه احيانآ ماتوصل ااوكسجين للبيبي
فقالو لازم تنويم لمدة 4 ايام عشان تكون تحت الملاحظه واذا الحاله صارت اسوى طللللللللللللق على طول من غير اي تردد

المهم توكلت ع الرحمن وفوضت امري اليه : طبعآ من غير اي حركه بس شرب ماي واكل واكون منسدحه وطول هالفتره وتخطيط ونبض البيبي والابر المغذيه فيني
وصلت لليوم الموعود لي هو موعدي وكان الدكتور المختص بالاجنه موجود عشان يتابع الحاله


وسبحان الله مع اني كنت مريحه نفسي وكل شي تمام واشرب ماي الا ن النسبه قلت لي ماوصلت 4 :icon33:
المهمقالوا خلاص الوضعيه ماتتحمل الانتظار البيبي بيتضرر ونحن في غنى عن هالشي ودامج دخلتي التاسع وعديتي منه اسبوع فالوضعيه تحت السيطره

وحددوا موعد ولادتي بالطق الصناعي فاليوم نفسه
سرت اتسبح وصليت ودعيت رب العباد ان يقدرلي الخير حيث كان ويرضي فيه ودعيت لربي انه يحفظلي جنيني من كل شر ومكروه.

اول شي سوولي التحميله لي هي تكون ع شكل خيط بلاستيك طول
ودخلوها ع شكل تحميله، ماعدت الربع الساعه الا وانا بديت اتالم وصرت اتقلب يمين ويسار فالبدايه كنت اهون ع نفسي واقول الجاي اصعب وانا قدها زكلما زاد الالم اقول لريلي انا قدها صح ؟؟ يقول انتي قدها وقدود واعرف حبيبتي صبوره وشديده:hahaha:" يسكتني بس "
المهم وصل الالم لدرجه ماتحملتها ، ارتفعت السخونه عندي مرتين والبيبي دقات قلبه تسارعت وانا راسي بينفجر مافي شي خففه، وتم الالم من الساعه 4 العصر لين 12خافوا علي وع البيبي وعطوني مخدر عشان ارقد ، وحسيت اني فعااااااالم ثاني ماعرف كنت فحلم ولا بعلم " يحليله لدرجه ان ريلي خاف على وتم يصيح واتصل لخوه يقولي عقب ماعرفت شسوي حسيت انج بتروحين من بين ايديني وانا عاجز مب قادر اساعدج فشي " لاني حمرة وماقدر اقدر اتكلم زياده
هالتعب كله وما انفتح الا 2 سانتيمتر بببببببببببببببببببببببببس:44:
واول ماحطوه كان الرحم مسكر " سبحان الله ماكان متهيى للولاده، فتسرهت الحمام عزكم الرحمن
وطاحت التحميله " سبحان ربي العظيم رحمه منه مع انها المفروض تكون ذايبه او مثبته

فقالو خلاص نخليج ترتاحين ودام هذي لي هي اقل قوة جابت نتيجه فاكيد الطلق عن طريق المغذيه بينفتح الرحم كامل واليوم ان شاء اللله الولاده، عطوني مخدر ومهدي وخلوني ارقد وقالوا الطلق الثاني الساعه 6 الفجر,
الموهيم ، يت الساعه 6 الفجر وركبوا لي المعذيه وفيها الطلق وانا انتظر الطلق ماجاني خلص ، المغذي خلص !! ولا في لاحس ولاخبر وهم مستغربين ،

فقالواا بعد ساعه بنحط لج التحميله لي هي ع شكل حبة وهي اقول من اطلق لي فالمغذيه ،سووها لي وتميت 9 ساعات ولاااااااااااااشي
والرحم بعده 2 ونص

وعقب ساعه حطولي لي هي اقووووووووووووووى شي وقوتها 50

قالت الدكتوره اكيد هذي بتحمي الطلق لانها اقوى شي
فهالحبه الاخيره
سرت اتسبح بماي حااااااار جسمي حمر من الحراره، وتميت امشي نص ساعه مع اني كنت تعبااااانه وحاسه من تحت بالثثثق وقريت ادعيه الولاده وماي مقري والتمر والعسل مع الحبة السوداء
وقلت ي: يلا بسم الله الرحمن الرحين
وحطولي ياها !!!

من الساعه 9فليل لين 7 الصبح
" ملاحظه ترى هم قالوا اذا هذي مافادة بنسوي لج عميله "
المهم ولا حس ولا خبر

اتصلنا لدكتوره وقلنا لها ان ماشي تغير
فقالت خلاص اخر محاوله بنسوي الحبيتين لي هن 25 و 50 والمغذي وعقبها نفتح الكيس
ريلي تضايق قال ليش قاعدين يبهذلونج جي مب كفايه ان صارلج 3 ايام وهم يحاولوا فالطلق
لدرجه اني انجرحة من تحت من كثر الكشف
كل وحده تدخل ايدها ماتطلعها الا وهي كلها دمم

تعقد صرت اول ماتدخل اممرضه او الميد وايف اشوف لايدها عسب اتاكد اذا هي مربربه ولا نميمه
" والله كرهت نفسي صرت اصارخ وقت الكشف اكثر من الطلق "
"كانهن قاعدات يحفرين كوسه مب بشر له احساس"

الموهيم
صلى ريلي استخاره لاني ماقدرت اصلي ، وحس ان العمليه فيه الخير اكثر من اي شي ثاني
وعطيناهخم خبر وقرروا بالعمليه الساعه 11 الصبح نفس اليوم

ع فكره ولي هلكني اكثر ان الاكل كان ممنوع ببس سوائل او اشياء خفيفه وماكانت عندي طاقه حتى لدفع اذا انفتح الرحم كامل.

الموهيم ودونس غرفة العمليات وانا طول الوقت ادعي واستغفر حتى فوقت الطلق وماخليت احد الا ودعيت له والحمدلله ان ربي حاطني القوه اني ادعي

والحمدلله عدت فتره العمليه ع خير
بس شو تتوقعون !!!!!!!!!!!!

شافوا ان الحبل السري كله ملتف فعنق البيبي:44:

وكان ويهه اسود

تخيلو يابنا لو كملو معاي الطلق وسوه لي دبل شو كان مصيري ومصير البيبي

لك الحمده يارب ولك الشكر

اول مابكى تميت ابكي معاه وسار ريلي يقص الحبل السري وانا مو مصدقه من الفرحه ان ربي فك كربتي وجابلي ضناي بصحته وعافيته لحظني
بعد ماتعبني
وكل وحده من ربعي واهل يقولون نبى نشوفه عشان نقرصه من كثر مالعوز امه

خخخخخخ:27:

وجبت احلى سلطوون فالدنيا كلها:04:

صح ان حجمه طلع صغيرون طلع ووزنه 2 كيلو 300 جرام بس الحمدلله اهم شي الصحه والعافيه و

السموحه ع الاطاله
تعبت بسير اريح
والفاااال لكن يارب تقومن بالسلامه
وربي يرزق كل محرومه ويقوم كل حامل بالسلامه
ترى مانسيت نصيبكن من الدعاء:39:

وع فكر تمين فالمستشفى من تاريخ 22-2-2010 وربيت 27-2-2010 وموعد ولادتي 20-3-2010