يارب لك الحمد ولدت بالسلامة .. وهذي قصة ولادتي ..

السلام عليكم ورحمة الله وبركاته :

عزيزاتي بنات حواء وحشتووووووووووني كثيييييييييييييير لي اسبوع ماشفتكم ..

الحمد لله ولدت يوم الأربعاء الماضي يوم 21 / 6 / 1429 ..

طبعا وضعي في اخر ايامي بالحمل انه الجنين مانزل بالحوض نهائي ومرتفع بس قالوا ان شاء الله مع الولادة ينزل وتولدي لأنه الطفل الثاني ليك .. وولادتي الأولى كانت قيصري لنفس السبب ...

اما ولادتي قصتها يوم الثلاثاء بالعصر شفت اشارة الولادة بعدها قمت كرفت بالبيت منها عشان يجيني الطلق بسرعة ومنها عشان الموية كانت مقطوعة 4 أيام وماصدقت رجعت قلت اغسل وانظف قبل مولد ..
نمت وبالساعة 6 الفجر ماحسيت بطلق سبحان الله لا حسيت بشيء يضغط بشدة اسفل وبشكل مؤلم قلت اكيد مش ولادة ورجعت نمت ثاني وقمت برضوا على نفس الوجع هنا قلت مابدهاش صحيت واخذت دوش ويادوب قدرت وزبطت الشنطة وصحيت ولدي ولبسته وصحيت زوجي من شان اروح المستشفى لمن وصلت ودخلت الطوارئ كشفت الطبيبة قالت ماشاء الله 8 سم ولادة انا ماصدقت لأنه الحمد لله خلال ساعتين فتح الرحم وفرحت قلت ان شاء الله اولد طبيعي دخلوني غرفة الولادة وفكوا كيس البيبي ونزلت مويته وخلال ساعة وصل ولله الحمد 10 سم يعني فتح الرحم كامل انا خلاص فرحانه قلت بولد بس ماحس بزحرة ولا شيء ليش تقلي الطبيبة لأن البيبي مرتفع حاولي تدفي دفة بسيطة بس عشان تساعدينه والله يابنات انه متعلق فوق ببطني مارضي يتحرك سم واحد تخيلوا جت طبيبتين و3 ممرضات و2 دكاترة وكلهم يحاولون دفوا بطني من فوق حاولوا بشتى الطرق مافي فايدة وانا ماحس الا بالألم ماحس بزحرة الولادة صرت اصيح من الألم وابكي واقول لا تغلبوني عالفاضي في امل اول ولا لا كلهم طلبوني قالوا اصبري كمان ساعة بس وحزن طبيب التخدير وعرض علي ابرة ضهر لأنه خلاص الرحم مره مفتوح والم ورا بعضه مايهدى ولا دقيقة يارب اكتب لي الأجر بس انا رفضت .. بس صدقوني هو الم محتمل يارب لك الحمد بس اللي جنني هو الم الرحم احسه خلاص بينفجر من اسفل كأنه شيء يبغا يخرج بس مسدود عليه الطريق فتخيلوا هذا الألم هو اللي ذبحني اما الطلق فكان محتمل .. بس بعد ساعة قالوا خلاص البيبي تعب ولازم نولدك قيصري ودخلوني غرفة العمليات وولدوني قيصري :44: ..

والحمد لله جبت حبيبي يزن واخوه فرحان فيه بالمرة وطبعا قالت الطبيبة خلاص بعد كذا كل ولاداتك قيصري معد تولدي طبيعي والله لا يضيع لي اجر ويرزقنا الجنة ..

طبعا ولادتي كانت بمستشفى العزيزية بجدة الحكومي وعن جد كانوا رائعين في تعاملهم وصبرهم وحتى بخدمتهم الطبية بس عيب المستشفى الوحيد هم عمال النظافة يقهروووووووووووون اما كادر التمريض والتغذية والطوارئ وكشك الولادة وحتى الحضانه كلهم رائعييييييييييين بمعنى الكلمة والله يسعدهم ويسخرلهم كل طيب ..

والى لقاء قريب لأني خلاص تعبت من الجلوس ..

دعواتكم لي بالشفاء العاجل ..