السلام عليكم
كنت حكيت لكم المره الماضيه عن وضعي
واني منهاره جدا
من زوجي اللي ظالمني وجلوسي عند اهلي ومايتبعه
..
الحمدلله اتفاءل واتفاءل
حاولت اجرب
واقرا عن الدعاء المجاب والفرج بعد الشدة والشحن الايجابي
ووحده الله يجزاها الجنه كتبت لي بالخاص عن فكره
اشتري بيت او شقه صغيرونه بمدخل مستقل مادام اخواني متحجرين
وقريب من اهلي عالاقل يكون لي ملجا لو صار من الدنيا شي
وماكون تحت رحمه الغريب
فعلا دورت وسبحان الله
وانا رايحه للدوام
لقيت قريب جدا ووافقت امي وبرضاها اخذه
وهي علقتني
قالت قريب وحتى لو رحتي لبيتك قدامي
مابخاف عليك
فالشارع اللي ورا اهلي
صغير وبممر ضيق ومو قد كذا
لكن اهلي يفتحون شباكهم عليه
صرت اطالعه كل ساعه وانتظر الصبح
اليس الصبح بقريب
و سبحان الله
دفعت العربون قبل امس
مع الرواتب
سجدت لله حمد
ياربي اجعله رزقي وبارك فيه
امس رجع صاحبه العربون وقال مالكم نصيب فيه وحده جت بتشريه
ودفعت فوق مبلغكم خمسين الف
قلت مايجوز قال انا بياع وبستفيد
وبكيت بكا الله العالم فيه
واسترجعت الله وقلت اللهم اجرني في مصيبتي
على همي هم
وانتم ادرى بالحاله
ياربي لك الحمد
مكان مادقها عوجا
سبحان الله اليوم
هونت اللي كانت بتاخذه
وغيرت رايها وضاع عليها العربون
ورجع يكلمنا قمت دفعت ثاني
القهر
صاحب البيت لما شافني ابيه رفع سعره وضربه باثنين بس لانه عرف قربه من اهلي
والمصيبه
حكم من ظاهر اخواني وانا فلوسي ع قدي
وعلي سلفه
رحت ورجعت من امس للحين عنده عشرين مره
والله يابنات يسالني ولدي ماما تحبين هذا البيت
صرت اقول لي ولك ياماما
وربي اناظره واتمنى وافتح شباك بيتنا واناظره
كلها انباعت الا هو
محد يبي ناحيته كتمه
لكن انا لي غايه الله يعلمها
ودي اقفل علي وعلى ولدي باب
ودي ازور امي واشيلها على راسي بدون بيت العايله دق الجرس افتحوا واخواني واخواتي
قومه وقعده
ابوي راح وشاف هالبيت صغيرون ومنمنم اقول ماعجبكم بس عجبني
مساحته يقول اخوي شقه قلت اهم شي ماتقولون جارك بكتفك
و قريب وادري مساحته ضيقه وكلن يهزأني
يقولون غالي
ماعندي قيمته كامله
لكن انتم ادرى مني براحه بالك
وقالوا اصبري
لكن احس والله راضيه وابيه
علاقل يلمني انا وولدي
السؤال يابنات
شسوي
اطلع كل يوم من دوامي امر من عنده
وارجع امر من عنده
بموت لو احد ياخذه
تقول امي لو الله مو كاتبه لك مابتاخذينه قلت وانتي ماتسمحين اروح بعيد
قالت ادعي الله يجعله من نصيبك
مدري ليه احس الله بيرجعه لي
صاحبه امس كلم اخوي قال باقي تبونه قال اغليته عليها وهي ماعندها قال ساعدوها
قصده ادفعوا معها
مابي مساعده الله لايسامحه
والله يابنات ضرب السعر باثنين
بس لانه عرف اني ابشتري قرب امي
انصحوني
الله يعلم اني ابي قربه وابي بر امي ومابي احتاج مواصلات بالبعد عن بيت اهلي
ومابي اخاف من يصير شي من الدنيا واغترب لوحدي
بنت ولحالي مصيبه
انا صح والا غلط مثل مايقولون خواتي يقولون محد يسكن قمقم ومطمور بالعماير من كل ناحيه
ومحد حاس اني مو مثلهم انا محد حولي
انصحوني وادعوا لي الله يكتبه من نصيبي
انصحوني لاني اثق برايكم وبكلامكم
الاهم بالله يابنات بمثل وضعي ولد ومتبهذله ينفع اعيش بعيد
ينفع اجلس بدون شي
وهل انتظره والا ادور
ادعو لي يكون من نصيبي ان كان فيه خير ورزق لي
ومضة حرف @omd_hrf
عضوة
يلزم عليك تسجيل الدخول أولًا لكتابة تعليق.
ouafa la rose
•
ﺍﻟﻠﻪ ﻳﻔﺮﺟﻬﺎ ﻋﻠﻴﻚ ﻭﻳﻜﻮﻥ ﺍﻟﺒﻴﺖ ﻣﻦ ﻧﺼﻴﺒﻪ .
حبيبتي الله يكون بعونك ،،وعسئ ان تحبو شي وهو شر لكم ،،اذا مااخذتي البيت فاصدقيني ربي صارف عنك شر وكل شي له حكمه ،،يمكن احنا ماعشنا الي انتي فيه الله يفك ضيقك بس الي نقدر نقوله لاتضغطين علئ نفسك بالتفكير والهواجيس لان ماراح تاخذين شي الا الي كاتبه ربي لك ،،يمكن مخبي لك شي افضل ان شاءالله ..ادعي ربك في سجودك اذا هالبيت خير لك يقدمه واذا شر يصرفه عنك ... وربي ييسر امورك
الصفحة الأخيرة