السلام عليكم :
ولدي عمره تسع سنبن مضيق صدري مره تدرون ليه :icon33:هو متعلق بالحيوانات وعنده ارانب من 20 يوم ولدت بس المشكله ان الامهات وهم ثلاث ماتوا وحده السبت والثانيه الاحد والثالثه الاثنين وتركوا وراهم عيال ماادري وش كثرهم اكثر 12وولدي مضايق وحالته النفسيه زفت والابتسامه راحت عن وجهه حتى انه ماراح المدرسه لانه زعلان :16:
يقول ابغى الام ماابغى العيال..تصدقون انه راح يدورها في الشارع وهو حافي في الظهر... متعود اذا جا من المدرسه يروح لها او قام للمدرسه لازم يمر عليها وهو ياكل يقوم ويشوفها ويكمل اكل...:heart:
بس اللحين ماادري وشلون اتصرف معه >>وهو من حبه للحيوانات قبل سنه ونص اصيب بالحمى المالطيه <<
وجلست اعالجه شهر ونص بالمضادات لاته يحب الغنم ودخل في الحوش :(
وبعدين تركها....
يارب وش اسوي معه >>>لو تشفونه اللحين صايروسخه ملابسه كلها تراب وله ريحه من كثر مايطل ف الجحر<<<
..بيت الارنب.. للي مايعرفه يدور العيال يخاف انها تموت بفكر طول الوقت وش يوكلها!!!!!!
انا عارفه انكم بتقولون الموضوع تافه بس بالنسبه لي مهم لاتكم ماشفتوا حالته تكسر الخاطر...
يارب تصبره ..
يارب اتك ترحمهم وترحمنا وتحفضهم من المرض .....
تعرفون وش المشكله اللحين ابغى رقم دكتور بيطري حتى اتصل عليه واساله وش السبب انهم ماتوا لانهم يكونون في قمه النشاط وبعدين تفقد نشاطها ويجيها اسهال اكرمكم الله وبعد ساعات تموت فجاءه..
انا مااقدر اقول لابوه يرحمها ويتضايق اذا شافها ميته ...وطلب منه مايجيب ارانب ..لاته كان سبق وجاب ارانب وماتت ..:44::44::44:
ام روان.. @am_roan_15
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
ارحم البزران اذا تعلقوا بشي
يصير يأخذ كل وقته..
انتي لهيه باشياء ثاااانيه والله الحيوانات تجيب الامرررض ..
دخليه نااادي سباااحه
او كاااراتيه ..او نادي للعب الكوره واذا كان يحب الخيول دخليه الفروسيه,,
الله يكون بعونك والله معااااانااااه...