يارب يا حي ياقيوم تحفظ * سعيد * لأهلـــــــــــه .. لاحول ولاقوة الا بالله
ما اقول الا يا دافع البلاء .. تدفع الضر عن سعيد
سعيد ولد صغير _قريب لنا _عمره سنتين وشوي ((ماشاء الله لا قوة الا بالله )) جميل وحليو وكحيل .. قبل اسبوعين لاحظو عليه اهله انه يبلل الحفاظ على طوووول .. وبس عطشان .. ياربي ترحم بحاله
والمشكله كلما عطش اعطوه فيمتو والا مويه
وما تحركو الا لما الولد بدا الولد يذبل ويصفر .............!!
.. جربو بجهاز السكر فالمنزل قالو يمكن يكون سكر لاقدر الله .. ولما قاسو طلعت
لهم العلامه .........!!يوؤؤؤؤؤؤؤؤؤؤؤؤؤؤؤؤؤ
معناها السكر عالي جدا والمقياس ما يقدر يقيسه .. هم انصدمو قالو الجهاز غلطان واعادو الكره وطلعت العلامه وطيران ع المستشفى
والحمدلله الذي لا يحمد على مكروه سواه لقيو السكر 600 وعليها ......... ونوموه على طول
بس كشف عليه الدكتور قال هذي واضحه (( عين قويه))
حاولو يوزنون السكر ويالله نزل في 24 ساعه ويوم وصل 130 شالو المغذي وكتبو له خروج
وقبل الخروج قال ابوهم تأكدو من السكر ولقيوه 600 (( سبحان الله )) يطلع وينزل ما رضي يستقر ورجعو يغزغزون بالابر ومالقيو عرق ابد
عاد سبحان الله جابو له شيخ بالمستشفى يرقيه .. وبعد ماخلص لقيو له عرق ورجعوه للتنويم وبعدين نقله ابوه مستشفى ثاني وجاب له الشيخ الزهرانيالمعروف الي بجده .. وكل يوم يقرون عليه بس سبحان الله ما يمديهم يتطمنون الا ارتفع من جديد
يالله وربي قلوبنا معه .. وامي البارح كلمت جدهـ وخنقته العبره وبكى وقال ادعوله ...
أسأله الله له الشفاء ولا تحرمونه يا حبايبي من دعواتكم وبدون رد يكفي انك بنفسك تقولين(( يارب تشفي سعيد وترجعه بيته سالم غانم))من قلوبكم بالله
أخر اضافه وهي بعد كتابة الموضوع بيوم ونص
يارب يتقبل دعاكم.. انا كلمت الوالده الساعه 8 الصبح وتقول ......... جاله 6 شيوخ يقرون عليه من البارح واحد يفك والثاني يستلم .. ويقولون ماصار يتأثر مع القرائه يعني ممكن راحت العين بس باقي اثرها اعوذ بالله من شر عيون الناس ... بس تخيلو السكر مخسوف ع ال 600 مو راضي يستقر ع النازل
لاحول ولاقوة الا بالله ..
انا بزروه ه الاسبوع وارجع ... اطمنكم
الله يطمن قلوب اهله
85
4K
يلزم عليك تسجيل الدخول أولًا لكتابة تعليق.
متفائله في زمن الياس
•
يارب تشفي سعيد وترجعه بيته سالم غانم))
الصفحة الأخيرة