ماشاء الله عليك خوخايه
:27: :26:

السلام عليكم ..
بشوره حبيبتي..
هذي هديتي البسيطه ان شاء الله تعجبك..

..
خليني اشيل عنك منصور شويه الله يحميه ..عبال ما تلبسي جلابيتك عشان الزفه راح يسوولك هيا كمان شويه ودحين المصوراتيه تبغا تصورك مع عريسنا منصور..
لسع مو كل البنات جو والسهره في اولها..خذي راحتك مع المصوراتيه..
..
(بسم الله ماشاء الله تبارك الله..الله اكبر..اللهم اجعله من عبادك الصالحين)

..
الله يحميكي يارب من جد جلابيتك كشخه ع الااااااااخر الله يحميكي ماشاء الله..
وطلعتلك طلعه تجنن..ومكياجك روعه..

..
انا اتركك وخليني اروح اسلم على البنات..
:32::32::32:
..
(انا في الممر لسع ما دخلت المجلس وقابلت عيوش)
السلالالالالالالام عليكم ورحمة الله..
اممموه امووه..
كيفك عمدتنا وايش اخبارك؟؟
ماشاء الله وش ها الزيييييين!!
الله يحميكي ..وكيف ام كيرلي؟؟
تجنن والله..ماشاء الله هي وغدو وبنت اذكري الله كل وحده احلى من الثانيه ..وكل وحده تقول الزود عندي الله يحميهم..وهذي معاهم بنت الهنديه؟؟
الله يحميهم يارب..
شكل المجلس مليان ماشاء الله ..اكيد مو غريبه حبايب بشوره كثير..
(شكلها عيوش مشغوله مهي فاضيه تسولف..عندها مشاغل كثير الله يعينها)
يلا ما اعطلك عيوش..
..
(ادخل المجلس ماشاء الله ملياااااااااااان)
..
السلام عليكم ورحمة الله وبركاته
(والان يبدأ مشوار القبلات والسلام الطويييييييل الين احس خدي يتمصع ..
بس شوفه الحبايب ترد الروح ..
هلا غدو : كيفك حبيبتي ماشاء الله اول الواصلين دائما صاحبة واجب..
اختي همسه حلوه..وظبية الدار الف مبروك ع الاسم الحلو كيفك وكيف حمادي؟؟..هلا اختي مها كيفك؟؟..امونه اموووه ايش اخبارك؟؟...
يا حي الله زهوره..اموووه كيفك وكيف عيالك؟؟ وبو حفاظه؟؟ وفين لين الله يسعدها اممممووووه تجنن ماشاء الله:32:...هلا ماجيك ليدي كيفك ؟؟ وكيف عيالك ؟؟ان شاء الله بخير؟؟..مملوحه كيفك حبيبتي؟؟...امل الروح ماشاء الله عليكي بتحكي عن عاداتكم وانا في الصاله مع عيوش سامعه صوتك انتي ودريمنق..هههه:42: خليني اسلم على باقي البنات واجي اكمل معاكم الموضوع هذا..
دانه2002كيفك؟ وفين الغيبات ياهووو؟؟...برد وثلوج كيفك اختي حياك الله بيننا شكلك عضوه جديده..ان شاء الله تنبسطي هنا واحنا زي الاخوات ترا..
ام عموري كيفك؟؟ وكيف عموري؟؟...زينه اموووه كيف حالك؟؟ وكيف اولادك ان شاء الله بخير؟؟..ام تامر..امووه
يا حبيبة قلبي من يوم دخلت البيت شميت ريحة معجناتك ياهووووو وكبه كمان الله يحميكي ..كيفك وكيف اولادك؟؟ وايش الشياكه هذي طبعا مصممة ازياء ما يحتاج الله يحميكي..
ام البنيات..هلا فيكي وببنياتك الله يحميهم يارب..
الامل في الله..وحشتيني كيفك اموله وايش اخبارك يا عسل انتي ..
ام فيصل..كيفك وكيف فيصل الله يحميه؟؟
ولدي الغالي..هلا فيكي اختي ..عيون الاصيل..اموووه ايش اخبارك اصوله وايش مسويه؟؟..وحشتيني ايش الشياكه ماشاء الله ..
خليجيه2003 هلا فيكي اختي..مايس الريم..حياك الله ..
العصر الحجري اموووه (ام عماد)كيفك وكيف عماد؟؟ الله يخليه لك..
ورد الريف..
يا حي الله ورده يا عمري عليها بنتك تجنن الله يحميها..كيف مامتك وايش اخبارها؟؟ما ادري هي جيه ولا لاء؟
دريمنق..اموووه..كنت سامعه صوتك من بره خليني اسلم على باقي الحبايب وبعدين اجي احكيكم عن مافي جعبتي..
المغتربه في بلاد الغربه (ام صلوحي) اموووه كيفك وكيف صلوحي ان شاء الله بخير؟؟
هلا بالجوري(ام بندر)..كيفك وكيف ابو بندر عقبالك يارب نفرحبك ان شاء الله ونسويلك سابع وفرحه محصلتش..
ام محمد كيفك اختي وايش اخبارك؟؟...همس الليالي44 كيفك ؟؟ ماشاء الله عليكي كيف العريس؟؟ايش الغيبات هذي البنات يسالوا عنك في اخبار المغتربات..كيفك دحين ان شاء الله احسن ؟؟
حواء 2002كيفك يا الغلا؟؟ حياك الله..الفتاه المتفائله..حياك الله اختي ..
الهنديه..يا عمري على بنتك تجنن شفتها تلعب مع ام كيرلي وغدو وبنت اذكري الله..كيفك دحين بعد الولاده ان شاء الله احسن؟؟
..
ماشاء الله تبارك الله كل الحبايب موجودين..
..

احكيكم عن عادات السابع عند اهل الحجاز..
..
هواسموه السابع لانه يكون البيبي عمره سبعه ايام بس طبعا محد يسويه والبيبي عمره سبعه ايام كثير ناس يسووه بعد اسبوعين مثلا يكونوا جهزوا الاشياء ..الخ
وهي المفروض انها ليله بسيطه يجتمعوا فيها الاهل والاحباب ويبركوا للوالده ويحمدولها بالسلامه ويعطوها الهدايا..
..
عندنا في بعض العوائل يتكلفوا فيه مررررره ويعملوا تبذير كثير..
بس هذا ظهر للاسف في السنوات الاخيره..
..
هو عموما يكون شئ بسيط ومرتب وحلو ومافيه تكلفه..
..
والوالده تلبس لبس حلو يعني ثوب مطرز وفي محلات كثير عندنا في الحجاز تأجر ثياب حلوه خاصه للسابع..
..
وفي ناس ما يحبوا الايجار لالالا يبغوا بنتهم تلبس جديد..ويفصلوا ويخيطوا..
البنات اللي رحت سابعهم وعجبني وحده كانت لابسه ثوب مره يجنن من لبس اهل المدينه ..
ووحده صاحبتي لبست هندي..وعملوا الديكور هندي ..:42:
وفي اللي لبسوا لبس مغربي او بدوي..
المهم شئ مميز ومطرز ومريح لوحده والده..
..
عموما هو يكون ثوب ..مطرز وكشخه وبس..
..
اما الطفل يلبسوه روب ابيض طويل مطرز ويحطوه على لحاف صغير برضه مطرز..(احنا عندنا واحد متوارث في العيله يعني سوته جدتي الله يرحمها عند خياط وكل وحده من البنات تسوي سابع تاخذه)
بس حقنا مررررررره فخم ومكلف ومعاه كل الاكسسوارات طقم..
..
والحريم يوزعوا عليهم شئ يسمووه (تفاسير ) او هي زي اللي تتوزع في الفرح بس حقت السابع تكون فيها اشياء ترمز لطفل مثلا لونها ازرق سماوي او بمبي وفيها حركات بسيطه..
والشوكلاتات اكييييييد من باتشي هههه وعندهم اشكال برضه حلوه ومرتبه خاصه للسابع..
..
والاطفال يوزعوا عليهم هدايا بسيطه من ابو خمسه ريال ولا عشره ريال ..
وشموع..وفي محلات تسوي شموع حلوه مزينه باشياء وخرز وورود وحاجات زي كذا خاصه للسابع..
واطفال العيله يتصوروا وهم شايلين الشموع حول الام هي والبيبي ..
وينشدوا ..

:o:o:o
(( يارب يا رحماني...بارك لنا في الغلام..
المولى سعدنا وهنانا..وعطانا مولود جديد..
من فرحة قوبنا غنينا..مبروك سابع سعيد))
..

والله ذكريات حللللللوه وحشتني ذيك الايام..
يا عندي شويه صور ليا وانا صغيره زي كذا كلللها تحفه تضحك بس الله يستر عليا..:11:
..
وبس هذي هي عاداتنا في السابع..
وسلامتكم..
...

ما شاء الله عليك يا اذكري الله ما يفوتك واجب

الصراحه كفيتي ووفيتي

بشائر مبروك سبوعك وننترظك على احر من الجمر

خوخه ما شاء الله عليك ايش هذه الاشياء الحلوه

خووووخه..الله يسعد قلبك هههههههههههههههه:26: