مرحبا بنااااااات وسيدات حواء
إن شاء الله الكل طيب و كل وحده مستانسه مع زوجها
والله يبعد عنكم كل أذى
حبيباتي انا أختكم من الإمارات وجيت طالبه فزعتكم معي
بالدعوه الحلوه والمشوره الطيبه
وقبل ما اخبركم بسالفتي مع :arb: بعلي استسمحكم عذرا لأني اول كره اكتب واسلوبي مش ولا بد:22:
المهم غالياتي العيد قرب وينعاد عليكم بالصحه والعافيه امي الله يحفظها اطلبت مني اعيد معهم بهذا العيد
وطبعا كان ردي كالعاده انها تسامحني لأني اعرف طبع زوجي وغير هذا أهلي بعيدين عنا يعني مسافة تقريبا 4 ساعات وللأمانه اهل زوجي بأيام العيد عندهم أنواع الزحمه من كل مكان الناس تجي تسلم عليهم والرجال يكونو مشغولين بالمجلس ونحن الحريم كذلك نتجمع يوميا من الصبح إلى الليل بالبيت الكبير ( بيت ابو زوجي) وبعدها السهره طبعا يعني نرجع كل واحد بيته عالساعه 2 أو 3 بالليل والجو وااااايد وناسه فأنا ما احب احرم زوجي جمعت اهله بعد ما يخلص العيد يعني رابع أو خامس يوم اشوفهم وصارلي 6 سنين ولا مره تكلمت او قلت لا فـ هالمره دريت ان زوجي عنده دوام ثاني يوم العيد فأنا بكل امانه انقهرت لأنه عمل زوجي صار لهم مده ضاغطينه بالعمل فأنا قلت دامك راح تداوم ثاني ايام العيد ( الدوام بس ثاني يوم العيد) انا اروح لأهلي واعيد معهم قالي انا مقدر ومسافه ومن هذا الكلام قلت انا أوكي انت لا تروح انا بروح عندهم لوحدي والعيال باخذهم قام يصارخ كيف تتركيني ومن هالكلام انا عصبت وقتله دام اهلك غاليين عليك وانا دايما مقدره ضروفك انا بعد اهلي غاليين واذا قبل ما تكلمت كنت انتظر نخوتك وتقولي يالله يا بنت الناس نروح لأهلك قالي انا مو ملزوم بأهلك علي من أمك وابوك وبس وراح اسلم عليهم قبل العيد بيوم يعني قبل لا يروحو لديرتنا والباقي انا ما علي منهم يقصد عمامي وعماتي واهلي الباقيين انا وايد زعلت وصار شد بالكلام بينا وفي نهاية الكلام قالي روحي بروحك من دون العيال الله يحفظك بكيفك مع العلم ان عيالي الكبير الله يخليه لي عمره 4 سنين والثاني عمره سنه وسبع شهور الله يخليهم لي يعني مستحيل اخليهم واهو ما قال هالكلام إلى لأنه عارف انا كيف اموت بعيالي وهذي مو اول مره يقولي روحي من دون العيال يعني لا بغى يهددني قال روحي من دون العيال وطبعا بعدها اسكت وانطم لأني ما اقدر افارقهم :(
بعد هالهواشه طلعت من غرفتي وصرت انام بغرفت العيال وانا عارفه بطلوعي من الغرفه راح تجننه هالحركه وصارلي ثلاث ليالي وطبعا أخلاقه في البيت صارت :angry2::angry2::angry2: ويحاول كل شوي يكلمني كأنه مو صاير شئ لا كن انا ولا عالبال
امس اخوه وحرمته وعيالهم تغدو معنا وبالصراحه انا ما قصرت ابد فضيافتهم مع انهم فجأه طبعو علينا في البيت وانا كنت بالمستشفى عندي مراجعه واول ما دريت ركض عالبيت وانواع السفره حتى زوجي انصدم وبعد ما راحو قعد يمدح فيني باستقبالي وضيافتي لكن ما زلت زعلانه بنات هل أضل ع موقفي حتى احصل نتيجه ام ارضى كالعاده واقدر ضروفه مع انها مب ضروف بس انا مدلعته وااااايد
الله يجازيكن الخير
همس المشاعر_22 @hms_almshaaar_22_2
عضوة جديدة
يلزم عليك تسجيل الدخول أولًا لكتابة تعليق.
ألف شكر خواتي لكم وإن شاء الله راح احاول اكثر
محتاجه دعواتكم لي
مع العلم انا الحمدلله باره بأمي وأمي وايد تحبني ودائما تشكر فيني
اللهم لك الحمد والشكر ع النعمه
محتاجه دعواتكم لي
مع العلم انا الحمدلله باره بأمي وأمي وايد تحبني ودائما تشكر فيني
اللهم لك الحمد والشكر ع النعمه
خليكي على موقفك طالما انك بذوق وانتي ما تطلبين واجد هذا حقك وان شاء الله يوافق يارب
ألف شكر لكم خواتي وجزاكم الله ألف خير
الحمدلله اليوم دخل علي الفجر وصاحاني لصلاة الفجر بعد الصلاه قالي ان ثالث يوم العيد راح يوديني عند اهلي وراح يجلس معي يومين عندهم وبعدها نرجع
اللهم لك الحمد والشكر ع النعمه
بنات قبل ما انام قريت سورة البقره واستغفرت ودعيت ربي ان نتصالح لأني ما احب انام وانا زعلانه واللهم لك الحمد
فعلا الأستغفار والدعاء والأذكار وقراءة القرآن بنيه صادقه وثقه بالله سبحانه وتعالى تغير حال البني آدم من حال لحال
الحمدلله اليوم دخل علي الفجر وصاحاني لصلاة الفجر بعد الصلاه قالي ان ثالث يوم العيد راح يوديني عند اهلي وراح يجلس معي يومين عندهم وبعدها نرجع
اللهم لك الحمد والشكر ع النعمه
بنات قبل ما انام قريت سورة البقره واستغفرت ودعيت ربي ان نتصالح لأني ما احب انام وانا زعلانه واللهم لك الحمد
فعلا الأستغفار والدعاء والأذكار وقراءة القرآن بنيه صادقه وثقه بالله سبحانه وتعالى تغير حال البني آدم من حال لحال
الصفحة الأخيرة
وش الدنيا بدون امك ...فهمي زوجك وروحي لاهلك
أصعب موقف أعيشه أنا اذا قالت لي امي طلب ولا لبيته ,, مع اني مو باره فيها مررره ,,
بس اذا طلبت مني الشيء صعبه ماألبيه لها وهو بخاطرها((عساني فدوة لك يايمه ))