ياريت اخواتي المصريات يفيدوني ؟؟؟؟

الاخت العزيزه ..wmwm اهلا بك فى مصر بصى يا ستى بعد ما توصلى بالسلامه تخدى بعضك بعد ما ترتاحى وتروحى منطقه اسمهاالازهر وجنبها العتبه و الموسكى كلهم فى نطاق واحد دا بالنسبه للشنط والاكسسوارات...اما الجلابيات الكويسه هناك ايضا فيه كل الانواع لكن لو عيزه شغل يدوى هتروحى البرشين دى منطقه فىالجيزه للجلابيات والسجاد اليدوى اما فى السندريه يبقى هتروحى زنقة الستات هى اسمها كده فيها كل حاجه ...واى خدمه ممكن تراسلينى على الاميل ولو عايزه اقبلك فى القاهره اهلا وسهلااحللتى اهلا ونزلتى سهلا

اهلا بيكى حبيبتى هتنورى مصر و اسكندرية ان شاء الله

للاسف مش هقدر افيدك كتير بالنسبة للاماكن فى القاهرة لانى من اسكندرية بس ان شاء الله البنات القاهريات هتفيدك اكتر

فى اسكندرية فية اماكن كتير و فى مولات كتير تلاقى فيها كل اللى انتى عايزاة

مثلا فية مول جرين بلازا فى منطقة اسمها سموحة تلاقى فية كل الاذواق و الاسعار
كمان فية فرع لكارفور و سيتى سنتر و الداون تاون و داخل كارفور ممكن تلاقى ازواق حلوة و سعرها مناسب
فية كمان مول سان ستيفانو فية اذواق خرافة بس الاسعار كمان عالية اوى
عندك كمان شارع اسمة اللاجيتية فى منطقة الابراهيمية هو شارع تجارى فية كل الازواق و الاسعار
عندك كمان الديب مول فى اول شارع سوريا فى منطقة رشدى على شارع ابوقير الرئيسى
فية كمان مول زهران فى سموحة برضة
وكمان فية معرض الصينيين و السوريين فى شارع اللاجيتية فى الابراهيمية
وكمان فية معرض بيتعمل فى شارع اسمة سوتر عند مجمع الكليات فى الشاطبى بيكون فية كل الادوات المنزلية و الملابس و الاكسسوار و كل شيئ بس مش عارفة هتلحقية و الا لا لانة بيبتدى من اول شهر 7 و مش عارفة بيخلص امتى
و طبعا فية كل محلات محطة الرمل و المنشية و زنقة الستات
يارب بس ميكونش عندى ضيوف بيصيفوا فى الفترة دى و انا اقابلك و اوديكى كل حتة تحبى تشوفيها

اة على فكرة فى منطقة فى الجيزة فى القاهرة مشهورة اوى بصنع الجلاليب و العبايات اسمها كرداسة على ما اظن

يا رب اكون افدتك و هتنورينا يا قمر

اهلا بيكى حتنورى مصر كلها

ان شاء الله توصلى بالف الف سلامه

و باذن الرحمن ربنا يوفقك لكل ما تحتاجى اليه

لان مافيش اكتر من محلات الملابس و الاحذيه و الشنط فى كل مكان فى مصر

سواء فى وسط البلد او شارع جامه الدول او مصر الجديده وكذلك فى المولات

و ربنا ييسر لكى الامر و تقضى وقت طيب

حبيبتى شوفى الروابط دى كدة احتمال تفيدك


http://www.tavexalex.com/newtavexalex/Alexandria/Pages/alex3/Data/Alex_351.html


http://www.tavexalex.com/newtavexalex/MainWin/Gaide/No_141.htm


http://www.discoveralex.com/AmusingTour/

و الموقع دة فية شوية صور عن اسكندرية ان شاء الله يعجبوكى

http://www.ce4arab.com/vb7/showthread.php?t=91052


اما الموضوع دة فذاكرية كويس لانة اكيد هيفيدك جدا

http://www.almuhands.org/forum/showthread.php?t=88169

اخواتي كروشيه و رنا ريم اهلا بيكم وشكرا جزيلا على المعلومات اللي اديتونيها صراحة ماشاء الله عليكم كفيتوا ووفيتوا هما كدا بنات مصر ماشاء الله سباقين للخير وحبوبين في تعاملاتهم ويحبوا دايما يساعدوا ربنا يوفقكم