ياريت الكل يدخل يساعدني وبنات المدينة خاصة ولكم دعوة من القلب في مدينة الرسول

السلام عليكم


يالله يارب ارزقني واخواتي المتأخرات بالحمل الذرية عاجل غير اجل يارب العالمين

رب لا تذرني فردا وانت خير الوارثين

يا بنات حواء انا صارلي متزوجة 4 سنوات داخلة في الخامسة والى الان لم يكتب لي الله الحمل


عندي تكيسات ,لخبطة هرمونات ,ضعف تبويض, والتصاقات واعاني من (جفاف فضيع في المهبل) طول الشهر

ما عدا (ايام التبويض مع التنشيط فقط) والحمد الله على كل حال

جربت كلوميد وابر التنشيط وسويت تلقيح صناعي 4 مرات وكلها فشلت الحمد الله على كل حال

الدكتورة قالتلي الرابعة اخر مره تسويلي فيها تلقيح صناعي واذا فشلت ما عندك الا خيار من الاثنين

انك تسوي( أطفال انابيب او منظار بطني لفك الالتصاقات وشيل التكيسات) انا جدا محتارة ايش اختار

شوروا علي بالأفضل

لأن الاثنين ما أقدر اسويهم في المدينة ماعندنا دكاترة سمعة في المدينة للمنظار(واللي تعرف احد تساعدني)

ولا أطفال انابيب وغير كذا تكاليفها جدا عالية على حسب ما قريت .انا ان شاء الله اجلت فكرت

السفر للعلاج لشهر رمضان حابة هذي الا يام اريح من المنشطات اللي زادت التكيسات وزاد شعر جسمي

صرت كأني رجال تعبت نفسيتي من الشعر كل اسبوعين وانا اشيل المهم ناوية اسويلي برنامج وهو:

تمريخ من ثاني يوم (بنات المدينة ساعدوني ابغى وحدة تمرخ ما أبغى ادوية)

حجامة لعلاج لخبطة الهرمونات (بنات المدينة الله يسعدكم ابغى مركز للحجامة مجرب)

شرب بردقوش من خامس يوم دورة يوميا للخبط الهرمونات

وان شاء الله ربي يكتبلي الفايدة فيها

حابة اسالكم :

انا حاليا ماشية على علاج هرمون الحليب ينفع اخذه وانا اشرب بردقوش؟؟

وحابة اسال اللي جربوا حليب الصويا فين الاقيه في المدينة وكيف طعمه قريت انو يرفع هرمون الانوثة وبالتالي

حتكون عندي افرزات طبيعية ..

عارفة طولت عليكم بس والله خلاص تعبت نفسيا وجسميا وماديا والحمد الله على كل حال قلت اريح نفسيي

وامشي على اشياء الطبيعية مع الرقية والدعاء والاستغفار ان شاء الله ربي يفرجها عبلي قبل رمضان .




يالله ياكريم ياأول يا أخر يامجيب يافارج الهم ويا كاشف الغم
فرج همنا ويسر امرنا

وارحم ضعفنا وقلت حيلتنا وارزقنا من حيث لا نحتسب يارب العالمين