ياريت الكل يرد وخاصه الرجال

السلام عليكم ورحمه الله وبركاته
انا متزوجه من شهر و10 ايام والى الان ماحسيت اني عروس في ايام الخطبه كان زوجي يحكي لي عن بعض الحركات الرومانسيه الي يحب تكون من اساسيات حياتنا اليوميه وانا بما ان طبعي رومانسي جدا كنت سعيده كثير لان الله وفقني بشخص قريب من افكاري وطباعي وكنا متفاهمين كثير حتى بعد الزواج الحمد الله ولكن المشكله اني حيانا اشعر ان زوجي مايحبني ممكن يجاملني لاني ماقصرت معاه ابدا بالعكس كنت واقفه معاه على حساب سعادتي تزوحنا في ايام اختبارات وبما ان زوجي مدرس اضطر يداوم بعد اسبوع من زواجنا سافرنا الى جده لاني كنت اتمنى ابدا حياتي معاه بعمره في مكه المكرمه والحمد الله اعتمرنا ورحنا الى جده كم يوم ورجعنا كان دايما زوجي مشغول يطلع للدوام بعدين يرجع ويطلع المغرب ولا يجي الا الساعه 11 او 12
وبما انه يقولي انه مايطلع الا عشان عنده اشغال كنت راضيه واقوله اهم شي انك مبسوط ومرتاح معي وكان يحلف لي انه مبسوط وسعيد لانه تزوج وحده عاقله وفاهمه ومقدره ضروفه مثلي وكنت لما اسمع كلامه ارتاح واقول اهم شي انه يحبني راح اتحمل انشغاله كنت دايما البس له احلى لبس وخلي جو البيت رومانسي شموع ريحه حلوه ترتيب واجهز له العشاء عشان لما يدخل البيت ينسى كل التعب وكان كل ماوصل للبيت في وقت متأخر وكنت استقبله بابتسامه وبكلمه الله يعطيك العافيه كان يفرح ويعتذرلي ويقول انا عارف اني مقصر معاك بس وقفتك معاي ماراح انساها خاصه انك عروس ونا دايم اطلع ومشغول حتى سفره شهر العسل ماقدرت اسافر بسبب انشغالي بس راح اعوضك وكنت اقوله مو مهم انت خلص اشغالك والسفر لاحقين عليه
بس انا تعبت كل يوم يتأخر XXXXXXX والي يضايقني انه احيانا يصحى ويشغل الانترنت على طول قبل لا يقولي كلمه حلوه ابي احس اني عروس ابي احس بلهفته علي وين كلامه قبل الزواج كل الكلام والحركات الرومانسيه تجي مني انا انا تعبت احيانا اقول انه يحبتي واحيانا اقول انه يجاملني مدري وش اسوي احترت والي خلاني اشك في حبه الي انه سافر بعد زواجنا بعشرين يوم لان عنده شغل مع العلم انه كان ممكن يأجلها لانها مو مهمه بس ماحبيت اقوله اجلها عشاني كنت اتمنى انها تجي منه مو مني رضيت ووعدني انه راح يعوضني بعد مايرجع راح لشرق اسيا ومكالماته قليله مره كنت اتمنى يرسلي مسج يقولي بس وحشتيني حتى لما يكلمني مااحس انه مشتاق لي دايما انا اسأله اشتقتلي يقولي اكيد وبس ولما انا اقوله اشتقتلك يقولي ونا بعد حتى لما اسكر السماعه اجلس ابكي ليه البرود هذا اكيد مايحبني بس احيانا اتذكر بعض التصرفات احس انه يحبني xxxxx
واحيانا اقول لا اكيد يجاملني لاني وقفت معاه وكنت مريحته انا محتاره ارجوكم ساعدوني والله ماحسيت ابدا اني عروس حتى ان العشرين يوم الي عشتها مع زوجي كأنها حلم ما احس اني متزوجه انا مايهمني أي شي بس ودي اتأكد هل زوجي يحبني ولا لا وشلون اعرف ابي اتأكد عشان ارتاح وكون واقفه معاه على طول ارجوكم قولولي وشلون اتأكد من مشاعره

-------------------------------------------------------

نرجو عدم التفصيل اكثر للحفاظ على خصوصية الموضوع وصلاحية عرضه

المشرفة شام