ياريت اللي متزوجين من فترة طويلة واهل الخبرة يردو عليا💔

السلام عليكم
حدخل في الموضوع على طول
انا اتزوجت من سنتين والله يشهد عليا اني مو مقصرة في شي معاه ولا في بيتي
عندي مشاكل كتيرة مع زوجي مالها حل راح احكيلكم وانتو احكمو
قد ما اشتغل في البيت يقولي بيتك مو نظيف واي مشكلة تحصل بيني وبينه على طول يدخل البيت في المشكلة
اذ غلطت عليا لو يعدي سنه مايعتذر ولا يحسسني انو ندمان
اذ قال شي والشي دا جرحني يتعود يسويه مثلا :. وقت الزعل يقول كلام بس عشان يرفع ضغطي فيه اذ مضاربه معاه يحط على حريم في التلفزيوناو يفتح على مقاطع حريم في الانستقرام ويجلس يضحك
اكون جالسة في الصالة في حالي يعدي ويقول لعنه تلعنك يا شيخ يعني يلعن فيا
كل ما تحصل بيني وبينه مشكلة او خلاف يتصل على اهلو ويبينلهم انو في شي او يقولهم 🙂
ما يحاول يغير من نفسو يقولي انا كده ابغا البيت ٢٤ ساعه نظيف ونا عندي ولد عمره ٦ شهور اوقات انشغل اتعب بكن مع كده مو مقصره معاه والله وبرضو نفس الاسلوب
يقولي انا مو مستفيد منك في شي وبدي اتزوج 🙂 قلتلو اتزوج حقك دا
يطردني من البيت ويرمي اغراضي يقولي يلا كلمي اهلك يجو ياخدوكي حتى مخدتي اللي انام عليها في غرفه نومي يرميها!
اهانات وكلام جارح وكانو ماخد خدامة سيئه بمعنى الكلمة قد ما اسوي مايبان وتوي متزوجة ومخلفة يقولي بتزوج!
واخر شي اذ بدي اخرج او خرجت لازم ينكد عليا اذ رجعت البيت حتى اذ قضى للبيت ودفع ينكد عليا بعدها
انا بدات افكر جديا في الطلاق نفسيا تعبت وكرهت حياتي
قد ما اتفاهمت معاه مافي نتيجة دخلت اهلي ولا فاد سبت البيت شهور ما اتغير ، وفي بيت اهلي مافي راحة كمان :)
انتو ايش تنصحوني اسوي؟