اول مره اسمع عن طرق فعاله ههههه

قولي ابي الطلاق وبرري اسبابك

ماطلق

اخلعيه

لاتجتلين نفسك ولا مايحزنون

الله يفــــــــرج همك ويشرح صدرك يـــارب

عليك بالدعـــاء والإستغفـــار

اولاشوفي انتي ابخص لابزوجك منا اذافيه صفات تغضب الله عزوجل مثل ترك الصلاه وشرب الخمر والزناوالعياذ بالله هذه الاشياء اللي مايينصبر عليه اماياخيه البخل وكثره العتاب وغيره من الاشياء التي تتحمله الوحده فالصبر اولى لك واكثري من الدعاء والاستغفار وكل البيوت يااختي مليانه مشاكل ولكن الوحده تصبر وانتي تشوفين هالحريم يتمنن الزواج امسكي زوجك واستخيري والراحه يااخيه لن تجدينه الابالجنه نسال الله ان يجمعنابه مع احبابنا والله يسر امرك

شوفي حبيبتي اذ كان زوجك مثل طليقي مريض نفسي اطلبي الطلاق
بس اذ انة انسان زين ورجل كامل قوة العقلية لا تستعجلين نصيحة
بس انتبهي يقولك ادفعي المهر لنك انتي الي كرهتي والله انا طليقي ماتنزل عن ريالاواحد والله حتي السكينة الي استخدمتة قالي جيبي غيرة والله العظيم والفيري الي فتحتة انتبهي انتي حاولي تطفشينة مو هو بعضهم يتعمد يطفش البنت علشان ترجع لة المهر >>>>>>>>>>>علشان قرصتني الحية
اختي فكري الف مرة اذ انة رجل مايمد يدة ولا يضربك فكري
وربي يسخرلك ويبعد عنكم الحسد والزعل يارب ويوفقك

.........................................................
اختك دلوعة وقمر 99

لا هاي بدايه السنه الثالثه لنا وللحين بمشاكل ... اول سنه كنا ماشاء الله علينا زينين مع بعض بس ما اعرف اذا هي عين والا شو بالضبط من السنه الثانيه تغيرت حياتي واااايد يمكن عين لاني كنت اتكلم عن حياتي جدام اهلي ويمكن سحر بس مابا اشكك بشغالتي لانها تصلي وزينه معاي .. ما اعرف شو بالضبط بس وضعنا مب طبيعي كل يوم يضاربني على اتفه سبب ويطلع وما يرجع الا فليل ويحط راسه ويرقد وانا الي اتعب .. اقوله طلعني الله يخليك لانه اهلي بعيد عني امل من البيت وخصيصا كل يوم يضاربني ويطلع واقعد بروحي ... تعبت منه ... الحين هالفتره قلبي يعورني واحس اني ما اقدر اتنفس يوم اتضايق ... صار يحب يذلني بكل شيء وما يسامحني الا بالموت حتى لو ماكنت غلطانه .. احسه يخترع عذر علشان نتضارب ويطلع مع ربعه ... انا احس انه حد من ربعه يخربه علي لانه صار يقول الحرمه ما تنعطى ويه ... الحرمه ما تتناقش مع زوجها تسمع كلامه وبس .. واحس انه ما يوثق فيني بواايد اشياء ... المهم انه هالانسان تغير واايد لاكثر من سنه حاولت وياه علشان اغيره ما يتغير صاير ما يحب يقعد معاي ولا يسولف بس يضارب ويطلع واتم انا تعبانه نفسيا ... خصوصا انه ما عندي حد افضفضله ... قبل دخلت اهلي بمشاكل ودافعوا عنه ودارو ضدي ... وبعدين خلاني احلف بالقران اني ما اخبرهم شيء وانا حلفت مقابل انه يحلف انه ما يضربني لانه مد يده علي كم مره ...

والحين مب راضي يكلمني من كم يوم علشان سالفه سخيفه ودايما ضرابتنا على سببب سخيف حرام يتسمى سبب مثلا اخر مره كنت بروح الجامعه لانه عندي كلاس فقام قالي روحي عند امي لانها يايه من مدينه ثانيه ... وانا كنت عندها بهالمدينه قبل يومين ... فقلت له صراحه مافي وقت يوم برجع بروح لها ... جان يقولي لا بتروحين لها الحين ... انا عصبت صراحه قلتله قلتلك بعدين عندي كلاس ... وانا صوتي كان عالي فعصب ليش تعلين صوتج انتي ما تحترميني ... على فكره هو دايما يستخدم اسلوب الغصب معايي بكل شيء وهالشيء يستفزني كانه ما عندي شخصيه ... مب الازواج لازم يتشاورون ويتحرمون راي هو يقول لا الزوجه بس تسمع كلام ريلها ما تناقش .. يعني اذا ما سويت الشيء ما بيطلعني وما بيكلمني وما بيخليني اروح الجامعه ويمكن يشل عني اللاب توب والموبايل

شيء يقهر يحسسني اني بدون هويه ... احسه مووول ما يحترمني ويقولي انا بادبج ويخليج تحترميني ...

بس انا تعبت كل يوم انا اراضيه وهو ما يراضيني مع انه يغلط وفوق هذا اليوم الي عقبه يزعل على اي سبب ونفس الحاله تعبت والله خصيصا اني حامل ومول ما يحسسني انه يحبني او يحب الياهل الي ببطني .. يعني يزعلني ويخليني اصيح وما يراضيني ... مول مافيه رحمه ... امس قلبي عورني وبغيت اموت اترجاه يوديني المستشفى ما يطيع يقول ما تستاهلين حسيت اني كرهته صدق لانه ذلني ذل تخيلو من العصر اترجاه لين قريب الفير بعدين وداني .. حسيت اني كرهته ابا اجتله من القهر وما اقدر ايلس مع انسان ما تهمه صحتي وهذا وانا حامل !!!!!