ارحمني يارب :

الله يعينك اختي.. انا ما عمري جربت وجع الاسنان الحمدلله ولا قد رحت لطبيب اسنان في حياتي..ولما حملت المره هذي تسلط طلع لي ضرس العقل وصار يضغط على كل الاسنان ..والله نسيت النوم والاكل..وصرت اخاف من الليل علشان الوجع يزيد..وعلى قولتك مدري وين الوجع.. جربت الطرق الشعبية كلها ولا نفعت.. ورحت لطبيبة وقالت نهائي ما امسكه لان يبي له جراحة تصبري لين تولدين.. ورحت لطبيبة ثانية..وقالت ما اقدر اشيله لان خطر يتشوه مع الادويه وفي الشهور الاخيرة خطر البنج يسبب انقباضات تسبب الولادة المبكرة..لكن حطت لي معجون على الاسنان ووصفت لي علاج ...وارتحت اسبوعين...طبعا الالم مايروح لكن يخف كثير.. وبعدين رجع الالم مثل ما هو..ورحت لها ..قالت حالته ما يصبر عليها.. ممكن احط لك المعجون ثاني لحد ما تولدين.. او اعطيك بنج مخفف خاص للحوامل واشيله..والبنج هذا ما يحتوي المواد اللي تسبب انقباض الاوعية الدموية..يعني امن على الرحم..لكن مشكلته ما يوقف نزيف الاسنان بسرعة..وخاصة ان عندي فقر دم.. لكن استخرت الله وشالته لي بجراحة..ساعة ونصف..هي ودكتور ثاني معها.. ورجعت حطت لي المعجون ووصفت لي مضاد بسيط..والحين اكتب لك وخدي منفوخ لكن الحمدلله الالم خف كثير.. ويكفي احساسي ان هذا ألم العافيه وانه في طريقه يخف ..مو مثل اول ..الله يعظم الاجر بس.. كتبت لك قصة حياتي لكن من حرارة ما شفت ولانها اول تجربة مع ابرة الاسنان الله لايعيد الشر... الله يهون عليك..

الله يعينك اختي.. انا ما عمري جربت وجع الاسنان الحمدلله ولا قد رحت لطبيب اسنان في حياتي..ولما...

aldalaal :

حبيبتي روحي الدكتور ولا تخافي انا لما كنت حامل بولدي في الشهر الخامس عملت لي الدكتورة تنظيف للثة وببنج ووصفت لي مضادات حيوية بس طبعا كلها أدوية تناسب الحامل........... والله يخفف عنك ويشفيكي يارب

حبيبتي روحي الدكتور ولا تخافي انا لما كنت حامل بولدي في الشهر الخامس عملت لي الدكتورة تنظيف للثة...

آلاء الهوى :

لا يمكنك مشاهدة هذا التعليق لانتهاكه شروط الاستخدام.