ياريت تساعدوني بصبغة الشعر

السلام عليكم ورحمة الله وبركاته
خواتي انا شعري اصلا لونه بني على كستنائي يعني لما يجي نور الشمس على شعري يبان كستنائي بخصل ذهبية او بنية فاتحة جدا مع ان بشرتي حنطية دافئة على سمرا المهم اني انخبلت بعقلي وسويت هايلايت بس اللون ما طلع حلو اللي في الصالون حطتلي لون ذهبي على عسلي يلوع الجبد مع انها مدحت لي اللون اللي بتحطه وقالت لي بحطلك لون ياسلام يفتح لون بشترك ويناسب بشرتك بس ما طلع مثل ما أبي مع اني حرصتها وقلتلها حطي لون يناسب لون سماري مو تحطيلي شي يبيله وحده برصة قطنة المهم اللون ماطلع من خاطري وفوق جذيه خشن شعري وايد مع اني ما غيرت اللون الأصلي لشعري يعني بس خصل وودي الحين اصبغه علشان اغمق لون الخصل شوية بدل ما شكلي صاير مثل الصخلة المهم فكرت بالحنة بس قالوا لي ماتنفع لأن الخصل الذهبية اللي عندي راح يصير لونها برتقالي يخرع واصلا انا ما أحب الحنا تعفس شعري ومالي طولة بال على غسيل شعري من الحنة المهم وحده نصحتني استعمل صبغة غارنير ( علبة لونها أخضر) اللي تكون على شكل شامبو وقالت لي وايد حلوة وراح تغطيلي الهايلايت وكل شعري بلون حلو ومن غير ماتخشن الشعر وقالتلي استعمل لون بني غامق مع العلم ان عمري ما صبغت شعري اهي بس هالمرة اللي سويت فيها هايلايت فشرايكم ؟؟ بصراحة البنت اللي نصحتني بالصبغة هذي من النوع اللي تصبغ شعرها علطول لآن شعرها فيه شيب وايد فهل اتوكل على الله واستعمل الصبغة هذي ولا فيه طريقة ثانية؟؟ :(