ياريت تعطوني رايكم هل الي بنسويه صح او لا

حبيباتي هذي مشكله تخص عضوة من الأعضاء اتمني ماتقصرون معاها ولكم جزيل الشكر
يابنات وربي اننا بهم مايعلم فيه الا الله من ابوي الله يهديه
احنا من 3 سنين انخطبنا سوا انا واختي لاخوان والحمدلله توفقنا فيهم ناس والنعم ماعليهم أي كلام ووافقنا وتمت الملكه وكل شي تمام التمام مع انه ابوي طلب عليهم مهر عالي 80 الف بس هم وافقو مع العلم مهور جماعتنا من 40 الف لين ال65 مستحيل تزود زوجي واخوة كانو بيستاجرون لنا شقق جمب بيت اهلي بس ابوي طق الصدر وقال لا تو طالعين من عندي مؤجرين وتعالو اسكنو عندي وازواجنا قالو مايصير نسكن ببلاش وابوي قال باخذ عليكم مبلغ رمزي ووافقو لما كتبو عقد مع ابوي اكتشفو انه ابوي حاط مبلغ الايجار 18 الف ريال والمبلغ كبير وفي شقق بحارتنا توصل أسعارها حتي 12 الف وسكتو وماقالو شي مع انه امهم لمحت لي بس سويت نفسي هبله
وسكنا والأمور عدت علي خير بعد 6 شهور من زواجنا ابوي قال فاتورة المويه جايه عاليه لازم تدفعون وصار يدفعهم شهريا 100 ريال هذا غير طلع بسالفه نظافه الدرج وكذا ويجيب عامل مع انه العامل يجي يوم بالشهر وانا واختي ننظف وبرضو قال لهم يدفعوة شهريا كل واحد 50 ريال وزودها صار يرسل امي بعض الأحيان تأخذ مقاضي من عندنا زوجي وزوج اختي مره تضايقو وصارحونا انهم يبون يطلعون من عند ابوي بس يبون موافقتنا انا واختي انا زوجي راتبه ولله الحمد 9 الاف وعنده تامين طبي وكذا وممشين حالنا كويس بس زوج اختي مسكين راتبه بس 4800 من وين بيدفع ايجار وبلاوي وغير الأغراض الي تاخذها امي فضاق فيهم الحال واختي ماقصرت كلمت امي وامي هزئتها قالت لها ابوكم يبي يعزكم وانتو تبون كل شي رخيص واخر شي رجالكم يقطوكم وحتي مهورنا اعطانا بس 40 والباقي قال بشيله لكم ولما اختي احتاجت وطلبته قال مافي بتعطينهم زوجك وزوجي قال لي محصل شقق افضل من شقق ابوي واسعارهم 13 الف بالسنه وبعيد شوي عن بيت ابوي عشان لا كل شوي امي تطب تأخذ من عندنا أغراض وش الحل هل نوافق علي كلام ازواجنا ونطلع وابوي اكيد بيزعل او وش الحل ياريت تعطوني رايكم بكل صراحه وبدون مجامله اختي تقول ابوي يستغل رجالنا وانا محتاره ولا عارفين وش نقرر لا تقصرون معاي لانه باقي شهرين ويبتدي ايجار 6 شهور واحنا نبي نقرر نكمل مع ابوي او نطلع