انا عملت التلقيحة الصناعي
والسبب تحديد جنس الجنين عشان ابغى ولد يفصلوا الحيوان المنوي الذكري عن الاتثوي ويلقحوها بلحيوان الذكري
عملتها قبل 4 شهور
وانا سليمه والحمدلله ماعندي مشاكل في التبويض
بس مانجحت والا الان ماحملت لا ولد ولا بنت الله كريم ويرزقنا اهم شئ بالطفل المعافى والصالح اللي يخاف الله
والله يكون معاك وتنجح وتحتضني طفلك بيدك بإذن الله

ياااااااااااارب
أ رزقها وقر عينها وعين زوجها بالذ ريه الطيبه
أ نك سميع الد عاء
آآآآآآآآآآآآآآآمين يارب العاااااالمين
ــــــــــــــــــــــــــــــــــــــــــــــــــــــــ
ربي لا تذ رني فردا وأ نت خير الوارثين

أختي الأريج شاكرة لكي عيوني الدعوة واللهم آمين

اختي مرة عبدالله يعطيك العافية حبيبتي ومشكوووورة من كل قلبي ويارب يسمع منك اللهم آمين

أختي بنات جدة (( يارب تشوفي الولد الي تتمنيه قريب وتسعدي فيه اللهم آمين ))


اختي بنت النشاما الله يعافي عيوني على الدعوةالحلوة ويارب تتحقق لأني فعلاً تعبانه

أنا سويت التلقيح المجهري خمس مرات عشان زوجي يعاني من انعدام الحيوانات المنوية .. ثلاث منها في مستشفى دلة في رياض عند دكتورة لمياء .. بس للأسف ما نجح .. و كله مقدر و الحمدلله على كل حال .. التلقيح كان يتم في مرحلتين الأولى سحب الحيوانات من الزوج من الخصية مباشرة ، و في نفس اليوم سحب البويضات مني ، و بعد يومين يتم إرجاع البويضة بعد تلقيحها خارج الرحم ، و بعد الإرجاع كنت آخذ إبر تثبيت ، و ارتاح ما أتحرك وايد .. و بعد أسبوعين من عملية الإرجاع يتم الكشف عن حدوث الحمل ..
بصراحة أنا تعبت واااااايد من التلقيح ما تتصورين أختي .. كان الماي يتجمع في بطني و ينتفخ .. و يضطرون يرقدوني في المستشفى و يسحبون الماي الزائد بأنبوبة يوصلونها في البطن .. و كنت أعاني خلال هذي الفترة من ضيق في التنفس بسبب انتفاخ البطن .. غير الحالة النفسية السيئة لين ما تطلع النتيجة ..
و آخر مرة سويت في بلجيكا و تعبت كثير لدرجة إني عانيت من التهاب في الرئة .. و ضيق تنفس شديد كنت أتنفس خلالها من خلال التنفس الصناعي و حالتي كانت حرجة جداً .. و سويت بعدها عملية لسحب الماء من الرئة .. و بعد كل ها التعب والمعاناة ما صار حمل ..
ما أبغي أخوفج حبيبتي بس حالة عن حالة تفرق .. والله يعين كل وحدة بتسوي التلقيح المجهري .
اللهم ارزقني و أختي أحلام الربيع و كل المحرومات المسلمات الذرية الصالحة .. اللهم آميين

عزيزتي بنت مجرن ... آسفة على التطفل ولكن التلقيح الصناعي يختلف عن التلقيح المجهري ..

التلقيح الصناعي غير مكلف وطريقته بسيطة ولا يوجد فيه أي سحب للبويضات ...
وطريقته تتم بأخذ عينة من السائل المنوي وينقى ثم يوضع في حقن خاصة وبعدها يحقن في الرحم .. ليتم التلقيح ..

أما المجهري فمكلف جداً وطريقته مثل ما ذكرتي ..
ولمزيد من المعلومات إضغطي هنا


والله يرزقنا ويرزقكم بالذرية الصالحة ..