يازوجات من فيكم تعانى من كلمه دبرى نفسك !!

صباح الخير ياخوات ان شاء الله تصبحو على خير مشورتى مشكله اعانى منها من يوم اتزوجت وهى كلمه دبري نفسك المهم زوجى كل ماطلبت شي لازم مشكله ودموع وطرد بعد كدا يلبيها او على طول دبرى نفسك ودبرى نفسك تكرر كثير شكيت لاهلى اهله مافى فايده او على طول ماعجبك عيشتى روحى بيت اهلك وانواع الاهانات المهم زوجى لمن تقوم مناسبه لاهله زواج شبكه ولاده يقطع نفسه فزعات ويوفى بالاربعه والثلاثه الاف المشكله ومافيها انا لمن يصيرلى مناسبه يقولى دبرنى نفسك من يوم ماتزوجته من 6 سنيين ماصارت لنا مناسبه الا العام زواج اخويه من قبل الزواج يبداء بمشاكل وطرد واهانه وانا اسكت لدرجه يطلع بصريح روحى بيت اهلك كل مين يرووح فى طريق صبرت قلت اشوف نهايتها الين بعد زواج اخوى وهداك الوقت اهلى يتفاهمو معاه مابلغت احد اثاريه المشاكل علشان لاطلب منه فلوس صادف زواج ولد خالته نفس يوم زواج اخويه قلى ماتروحى قلتلو الين هنا وبس والله ماتحرمنى من زواج اخويه واذا على الى طلبته ادبر عمرى واسيب بنتك لوحدها فى البيت اهلى يتكفلو فيا تخيلو معطى خالته 3 الالف وولد خالته نفس الشي وانا ماعطانى الا 500 بعد اهانه وطرد وماشاء الله خالته 3 سنيين ورا بعض تزوج اول سنه بنتها زوجى فزع ب3500 وطقم ذهب وتعليقه ونفس الشي لاختو زواج بنتها وبعدها بسنه زوجت ولدها فزع نفس المبلغ والهديه وبعدها ولدها الثالث الى صادف زواجه مع زواج اخويه وانا من يوم ماتزوجت اول زواج ليه اعطانى 500 واهانه وطرد المهم ماشاء الله دايم يفزع مع اهله وفى الحج شبكه بنت اخوه ومن اسبوعيين طردنى من البيت وهاننى علشان قلتله زواج اخوانى فى اجازه شهر 3 ابغا افزع ايش تعطينى يقولى دبرنى نفسك هدا حالى ماعجبك روحى بيت اهلك واهانه ليومكم دا الحال اردى بنتى دخلتها روضه بالفيين يبغا يطلعها والبنت تحب الروضه لدرجه تبوس رجلى وتقول الله يخليكى يماما ابغا ارووح الروضه لانها مره تطفش فى البيت لوحدها ومتغربه ماعندى احد من اهلى وتماشي وسفر مافى رغم راتب زوجى 9000 ريال بس من يوم يستلم الراتب يدخل بمشاكل ويخرج بمشاكل الين مايخلصها لااحنا استفدنا الا المضاربه لمن يفقر هداك الوقت اعرف ماعنده فلوس المهم المشكله الكبري بنتى اتعلقت بالرووضه وحبت الابله والبزوره وصارت ماتسمع الكلام الا اذا هددتها انى حغيبها وزوجى عناد يبغا يطلعها كلمته يقولى ظروفى وكلو هدا علشان طلبت لزواج اخوانى وهو ناوى يفزع مع اهله فى شبكه بنت اخوه اليوم رحت بعت سلسله ليا علشان مابغا احرم بنتى من الروضه ادفع الرسوم عصب وخاصم وهو دئم يكرر دبرنى نفسك زعلت انى بعتها مارديت عليه وصرت من يوم اطلب منه شي يرفض ويخاصم اخذ بعضي واخرج قالى احمدى ربك ماكله وشاربه ولابسه فى البيت دا ودائم يكررها واقسم بالله من يوم اكل تثور معدتى صرت ماكل وصرت كل شي يخصنى حتى العيش اشتريه بفلوسي كيف اتعامل معا زوجى لانى اخر مره قلتله انت قلى الطريقه الى ادبر نفسي فيها حدبرها شايف الرجال متصاففين عالباب باخذ منهم او اسرق لانى مانى متوظفه ولا ليه دخل علشان تكرر الكلمه عند كل طلب شورونى والتصرف الى سويته بعت ذهبي علشان اسدد لبنتى حق الروضه صح ولا غلط وكيف اخذ حق زواج اخوانى منه رغم انو رافض يدخلنى جمعيه شورونى دمعه بنتى مافارقتنى وهيا تقولى الله يخليكى ارووح الروضه الدهب كلو خلص بسبب تصرفاتو انا مامنع يعطى اهله لو الراتب كلو حلال بس انا كمان ليا حقوق يعرف الاصول معايا زى مايعرفها مع اهله والناس يعطينى حقوقى زى اهله كيف اتعامل معاه لانى طفشت من بيع الدهب وتقريبا كلو خلص مابقى الا الى جانى هديه من طرف اهل زوجى لانى مراقبه اذا مالبسته وكيف اتصرف معاه انسان عند كل طلب طرد من البيت وهدد بالطلاق مع العلم ارووح لاهلى دائم واجلس عندهم والله ولا همه شورونى الله يسعدكم ويسخر لكم ازواجكم يارب