السلام عليكم ورحمه الله وبركاته
تسيف الحال يابنات عساكم بخير!
بدخل في الموضوع دوغري على ماقالوا :icon31:
فجأه سمنت سمنه ماهيب طبيعيه :blink:وكل مايجي احد يقولي وش متنتس اعصب واقول بكيفي وعاجبني:angry2:وهو يعني موعاجبني بس من الاحراج خخخ بس طفش ومالي خلق ابي كل شي يجيني وانا مرتاحه واموت بالاكل البروستد والبيتزا والبطاطس ورق عنب حمص ..الخ<<بقى شي روحي نامي بس
بالعربي مافي شي الا واحبه خخخخ المهم جا يوم من الايام صديقتي قالت بروح الابر الصينيه قلت والله فكره وبجربها يحطون ابر على الاذان بس وفوقها لزقه وكل عشر ايام تجديد اول دفعه بـ300 وبعدين 200 مع اخصائيه تغذيه طبعا<<وهذا كله موشرط اهم شي الارداه لاابر ولاغيره وانا مارحت الامرتين بس ولاعاد رحت كملت لحالي شهرين لقدام :2thmup:
اللي فهمته ان الابر ماتنحف نفسها بس تسد النفس وفيها ايهام للعقل بالشبع انا واول مره امشي على الرجيم صح لاني خسرت 4 كيلو في عشر ايام فتحمست هع
انا فادتني الابر الصينيه عطتني حافز انحف لكن صديقتي سمنت زياده ومافادتها
نحفت في 3 شهور كان وزني 68 ونص وطولي 156 والحين وزني 55 ثابت موراضي ينزل خخخخ والمفروض يكون 54وسمعت برجيم يوم فواكه ويوم خضار ويوم فواكه وخضار يكسر الثبات بس مالي خلق :dry:
بس اللي تبي تنحف
ازين شي تاكل مشويات :7_2_103v:ومسلوق وفواكه وخضار ,, الفطور مهم وينحف لكن العشا حلو تاكلين
زبادي وخيار ولبن مع فلفل وملح وثوم لذيذ تنامين خفيفه وبنفس الوقت تكونين راضيه :S_45:وانا عن نفسي الحين اكل بحدود وادخل زيت الزيتون لو باكل شي مقلي والحين لي 8 شهور ولازاد وزني ولله الحمد:S_45:
ابتعدوا عن الغازيات والشوكلاته وحتى اليانسون والطحينيه ولو خاطركم فيه مره في الاسبوع ومو تطبون فيهم يعني عن العين والنفس خخ والمكرونه 8 ملاعق والارز 5 ملاعق
شرب الدارسين= القرفه ,, والزنجبيل 3 مرات بالاسبوع لان كثرته مهيب زينه وكثروا من شرب الماء
رياضه نط الحبل تزيد اارخص وسيله لفقدان الوزن
وأوضح أن ممارسة نط الحبل لمدة 15 دقيقة تعادل 30 دقيقة من لعب كرة القدم أو الأسكواش و 45 دقيقة من التزحلق على الجليد أو ساعة من لعب الكرة الطائرة
نط الحبل (70-80 مرة بالساعة) حرق700 سعرة
نط الحبل (125-145مرة بالساعة) حرق790 سعرة مارسيها 3 مرات في الاسبوع
تسمى رياضه النسا نصيحه البسوا مشد على الصدر عشان مايترهل الرياضه حلوه تنشيط حتى الواحد تتحسن نفسيته ويصير حركي ومتفاءل اكثر وواثق :7_5_131:ولاتبالغون لان في الاخير بتحسين بالملل ولاتسالين احد نحفت والا لا ولاتناظرين الميزان ابد ابد ابد
ترى الصيف جا الله الله بالهمه] :icon28:
وهذي تجربتي اتمنى اني افدتكم دعواتكم لي ربي يحقق لي اللي في بالي= >
فتوشينا @ftoshyna
عضوة
يلزم عليك تسجيل الدخول أولًا لكتابة تعليق.
ماشاء الله تبارك الله مبروووووك على الوزن الجديدماشاء الله تبارك الله مبروووووك على الوزن الجديد
الصفحة الأخيرة
مبروووووك على الوزن الجديد