تعرفون المصاصه حقت العصير كنا نجمعها ونولع نار فيها وتجلس هي تنقط نار
...........
وكنا انا واخواني نجيب مجموعة بطانيات ونفرشهاعلى الارض وندور حولها واحنا محددين مكان انه باب
واحنا نجري واحد يطردنا وعاد احنا ندخل واذا انمسكنا خلاص هو يطاردنا
...................
وكمان لعبة الاركان يعني كل وحده في ركن من الغرفه ووحده في الوسط واحنا الي في الاركان نغير اماكنا والي في الوسط تحاول تجي في ركن وهكذا
.............
ولعبة نطلع السطوح ونوقف مجموعه جنب الجدار ووحده قدامنا وتقول لكل وحده امشي مثلا ست مربعات ولازم نقول ممكن واذا ماقلنا نرجع وهكذا

ماادري تعرفونها ولا لا؟

.....................................................

آآآآآآآآآآآآه يابنات الله يسعدكم والله إني بموت من الضحك :scream:....
بصراحة مواقفكم عجب والله سبحان الله نفس التفكير ونفس التصرفات البريئه مروركم أسعدني يالغاليات والأهم من كذا إنكم انبسطتوا ووسعتوا صدوركم ....
مرة كنت أقرأ في شات وحدة من القنوات كتبت وحدة الله يستر عليها موقف تقول إنه كان عندهم غنم وكانت تروح ترعاها بعد ماتجي من المدرسة بمريولها المهم تقول إنه كل ما جت للمدرسة البنات يصيحون إفففففففففف فيه ريحه :09: ويسدون خشومهم ويهربون تقول وأنا سادة خشمي واهرب معاهم ما دريت إن الريحه مني:hahaha: هاهاهاها..
موقف ثاني أيام العيد كنت نايمه ليلة العيد في الصاله عشان نتفرج على برامج العيد المهم ما دريت إلا و الضحك وواحد يصحيني وانا مو راضيه أصحى ( سهرانه على ومن العايدين ومن الفايزين إن شا الله أحباب أحباب أخوان أخوان جايين يهنوا فرحانيين ..... دخلت جو هههه
المهم وصحيت ووجهي منفخ ومعصب كذا:dry:يوم أفتح عيوني زين إلا وعمي الله يرحمه اللي يصحيني والصاله كللللللللللللللللللللها عماني وعيالهم تخيلي والشوشه والحالة حاله وأخلي كل شي وراء ظهري وماراثون جري لغرفتنا وما وريت أعمامي وجهي ذاك العيد أثاريهم يضحكون علي وانا مادري وش قلت لهم وانا نايمه ههههههه..

مرة وحدة أعرفها الله يغفر لها كانت تسوي انها معلمه وان وحده من البنات جاوبت وبدل ماتقولها بارك الله فيك قالت (بارك الله لكما وبارك عليكما وجمع بينكما في خير )) الله يغفر لها ويسامحها

مساء الخير ياحبايبي اما انا فطول عمري مواقف
الموقف الاول /سمعت الوالد الله يرحمه يقول لاخواني واولاد عمي في العصر اوديكم الملاهي وقلت في نفسي والله
اروح معهم المهم كانوا خارجين ورحت لبست الفستان الاصفر اللي احبه قالت لي امي فين رايحه قلت الملاهي معهم
ومسكت يدي وجلست اصارخ:icon33: والله اروح معهم قالت خلاص بس روحي الحمام وبسرعة البرق دخلت وخرجت مافيه وقت وركبت السياره ونستنا اخويه الكبير واقف عند الباب:icon29: يناديني وانا مطنشه فقال الوالد روحي قلت في نفسي يدبرون خطه عشان مااروح معهم المهم وصلنا الملاهي وفرشنا الفرشه بجانب الزحليقه ورحت العب وابويه يناظر فينا وطلعت على الزحليقه حبه حبه الى ان وصلت للاعلى ويجي هوا قوي ويطير الفستان :icon810:اااااه تدرون وش اللي صار مالبست السروال (مافييييه وقت)ويصارخ علي ابويه انزلي ونزلت وقالي اجلسي لاتتحركين ونحرمت من اللعبه
الثاني /كنت ارش الحمام مويه على بالي ان الورد اللى في البلاط راح يطلع حتى الفرش الله يعين امي عليه
الثالث/كانوا اخواتي اللي اكبر مني في المدرسه وانا باقي مادخلت فانتظرهم عندالباب ومجهزه معي مويه بارده
فجاتني فكره اعبي جركل مويه ومعه كوب واي وحده تعدي اناديها واقول (بنت بنت تبغين مويه )ومافيه اشكال اذا عدى
اولاد او عمال اناديهم الله يسعدني مسويه موية سبيل
الرابع /طبعا مسويه انا الام واختي الصغيره بنتي وياويلها اذا قالت لا المهم جهزت الفرش وقلت لها يلا نامي انتي تعبانه
تمثيل طبعا وجهزت طبق شوربه وملعقتين وطرى على بالي اسوي شوربه حقيقيه توجهت للمطبخ وفتحت الفريزر واخذت مكعب ماجي وجري على الغرفه باقي المويه واملي الطبق مويه من المغسله شافني الوالد قال ليش هذا قلت عندي عمل بالالوان المائيه وتتم العمليه بسلام وذوب الماجي في المويه واقول لاختي اشربي اذا شربتيه تشفين الله لايوريكم الشكل والنكهه
اختي اللي اصغر مني سألتها صديقتها قالت تعرفين الوبران قالت اختي ايش يرجعون (على بالها قبيله من القبايل)وهي حيوان يشبه الفئران :hahaha:

ياليت ترجع تلك الايام
انا واخواتي كنا نأخذ الباطرمه حقت المجلس ونبني بها بيت ونسوي غرف وحمامات
كانت خفيفه ونقدر نشكلهااا

ياه ذكرتيني باللذي مضى
حنا وأخواتي نلعب حريم كان أيام المساند عرفتوها اللي نصفها على الجدار لنامت أمي الظهر بدينا نلعب ونقسم بالمساند الغرفة كل وحدة بيت والعرايس عيالنا ونلعب وأخواننا العيال ياحرام دايم مطرودين ليش ماأدري واذا دخلناهم أنواع الاهانة وكأني الأم أعطيهم دواء تدرون وشو كمون مطحون آخذ شوي وأصب عليه ماء وياويلهم لو مايشربونه
ونلعب بألعابنا المواعين نحط ماء كأنه شاي وأسوي رز أسرق رز من المطبخ وأحط عليه ماء واحطه بالقدر وناكله
واذا سيرن علي حواتي صفيت صحون ألعاب طبعا وفوقها تعرفون الألعاب يجي معه خضار وفاكهة بلاستيك نحطها فوق الصحون هذي ضيافتنا
ونركب فوق السرير كأنه سيارتنا الأم والاب قدام والعيال ورا والا نجيب الفراش تعرفونه الاسفنج من كثر الاستخدام يلين فيصير سيارتنا طريقتنا فيه نصفطه من الاطراف ويصير على شكل حرف Uوالسواق يمسكه من الطرفين ويمشي والراكب ورا
واذا لعبنا مكتب نجيب المراكي نحط اثنين فوق بعض هذي طاولة والكرسي مركة واحد
غير لعبنا بالشارع والتراب يازين ذيك الأيام