عاد انا مالعبت حريم في طفولتي لان ماعندي خوات وبنات جيرننا ميختلطون بحد بس مخليت جدار الا متسلقته وسياكل خواني و مع العيال في الشوارع ولعب كوره وفله بس اه يوم كبرت تمنيت عندي خوات الحمد لله مكتوب اني اعيش وحيده بدون خوات يوه ه ه حرام عليك بكيتينا

آآآآه ياريف ذكرتيني ..
بموقف لي مشابه لموقفك ماأبي أحد للآن يذكره ..
تخيلي وانا في اولى ابتدائي رحنا عند عم أبوي كان يوم الجمعه عشاء ..
عنده 4 بنات وانا ماعندي الا أخوي أصغر مني بسنه وأختي كانت توها نونو
يعني اذا رحت لهم أستااانس معهم وألعب وأخرج الكبت اللي فيني :22:
وكان ابوي يناديني انا واخوي يالله قولوا لأمكم تلبس العبايه بنمشي
ونتفق انا واخوي مانعلمها عشان نقعد عندهم ههههههههه
وترسلنا امي لأبوي قولوا لأبوكم يالله تأخرنا ونروح نندس مانعلم ابوي ..
وينادينا يقول كلمتم امكم نقول ايه تبي تقعد اشوي وامي نفس الشي ..
مسكين عم ابوي وزوجته تلقونهم يبون ينامون ويريحون وحنا لازقين فيهم لأخر الليل :eek:



أخر شي خرجنا بس نسيت شلون كشفونا ههههههههه
مو هنا السالفه بعد ....
واحنا رايحين على بيتنا قعدت احفظ الطريق شارع شارع ..
ليه؟!
عشان بكره وأنا خارجه من المدرسه بأروووح أسير عليهم :icon28:
يابنات هم ساكنين في حي وإحنا في حي أذكر احنا كنا ساكنين في البديعه وهما في عريجاء
جا الصباح وانا متشوووقه للمسيار
واروح المدرسه بكل حيويه ونشااااط ..
ولما جا الظهر أخرج وأندس من سواق الباص عشان لا يشيلني معه
وانتظرته حتى راح وابداء المشوار في عزززز الظهر :09:
وأمشي وأمشي وأمشي ..شوارع عامه وتقاطعات وحواري ..
أليييين وأخيرا وصلت لبيتهم ومادري كيف وصلت ..
بس سبحان الله ربي ستر علي ..
واروووح لباب البيت ماقدرت اوصل للجرس :06:
أحاول وأتنطط مااافيه ..رحت ادور عصا ولا شي يطول للجرس والاقي غصن شجره
وأحاول فيها ماقدرررت ...
توورطت وقعدت في الشارع :06:
قلت بروح لعمي ساكن قريب منهم اذكر اذا رحنا لهم نمر من عند هالبيت وامشي وخفت اضيع الطريق ورجعت..
الا اشوف الفرررج ولدهم كان في الثانوي وتوه جاي من المدرسه وارووح مبسوطه بألعب :05:
وبسم الله ينفجع الولداول مايشوفني .. ايش جابك ؟؟!!!
ويدخلني البيت ويجي عم ابوي وزوجته مفجوووعين :eek:
مين جابك !!!
أبوك معك ؟؟
أنا : لا جيت أنا لحالي <<ومبسوووطه :42:
وأسألهم عن بناتهم وينهم جيت ابي العب معاهم
وأدخل ادور للبنات والام تمشي وراي وتسألني ابوك وأمك يدرون انك عندنا؟؟
وأنا لا ماحد يدري
وهي تصارخ على زوجها الحق البنت ماحد يدري عنها اكيد امها وأبوها قلقانين عليها ..
ويجي ابوهم تعالي نوديك لاهلك وأنا وش هو؟؟!!
توني خلوني اقل شي أبررررد هههههههه <<<في نفسي هالحكي
جايه بألعب مع البنات ..
قال لا ياقلبي البنات جايات من المدرسه تعبانات ونايمات ..
وياااافشيلتي على هالمشوار ..حسيييت مالي دآآآآآآآآآآعي
ورجعني ابوهم طبعا ماكان عندهم تلفون ..
واول مااوصل لبيتنا
الا ابوي المسكين واقف وسيارة الشرطه عند البيت
مبللغين عن بنتهم راحت المدرسه والساعه 3 العصر ومارجعت
وأول مايشوفني ابوي طبعا حنا مو مثل المصاريه حضن وبوس
لا ياعيني جا وراي بالعقااااال:26:
وعمه والشرطي يمسكونه ويهدونه
واطلع البيت والقى امي حبيبتي مفجووعه وانا اجري للمجلس واقفل الباب على نفسي مالي وجه اشوفهم ..
وأمي تطلبني افتحي اشوف وين رحتي وش صار لك

طولتها بس قصتي طوووويله ههههههههههه

الله ع ذيط الايام

يؤيؤيؤ يعني مو انا لحالنا اللي نحبحب الجدران على بالنا حريم في عرس لا والغطاة اتذكره مره متغطيه بفوطه بيضاء
اهم شئ غطاة وجزمه كعب عشان اصير حرمه لا ونغير الصوت وشلونكووم عساااكم طبيييين خخخخخخ
لا وحنا عاد كشخه ناخذ الاباريق ونحط فيها بيبسي وميرندا على بالنا شاهي ونعناع خخخخخخخ
تخيلو مره من الحماس في اللعب وعلى بالنا حريم قامت بنت خالتي ماخذه ولد خالتي الصغير على بالها ولدها ويوم صاح تقوم من الحماس تسحب تسحب ديدها عشان ترضعه وهو ياحياتي على طول تلقفه يرضع عقبها هي قامت تتكهرب ماتدري شتسوي خخخخخخخ

الله يرحم ايام زمان كانت حلوه و فيها طعم ولها مذاق خاص