بنات تذكرت هالموضوع وبحثت عنه في قوقل ورفعته

تسلمين على الموضوع الرائع والله وسعتي صدورنا

أفتكر لما كنت بخامس إبتدائي أجبروني أهلي ألبس العباية وعباية على الراس بعد والمشكلة أني ما أمشي زي البني أدميين بس طايرة والله لو تشوفين شكلي بالعباية وأنا أجري تقولين سوبرمان

يووه ذكرتيني ايام صعب ننساها

ماتوقع فيه احد صاع مثل صياعتي ايام الطفوله خخخخخخخ اذا تغدينا ونامو العالم اسوي نفسي نايمه واذا هجدو وتأكدت انهم نايمين طلعت بالشارع وهاتك يادوران بالقوايل المشكله يومياااا هذي حالتي قسم بالله اني مره وصلت المحرقه حقت الزبايل اللي بالبر سبحان اللي حفظني والا لو على وقتنا هذا امداني انخطفت والا صار لي اعتدا والا اي مصيبه..
واذكر مره وانا بصف ثالث طلعت الظهر كالعاده اببدء جولتي المعتاده والقى المسجد اللي جنبنا مفتوح وارقى لفوق والقى مكرفون واستاااانس قلت ابجرب الاذان واقوم ااذن اللللله اكبببببر الساعه 2 الظهر خخخخخخ
اهلي للحين يتذكرون هالسالفه ..

صراحه انا ماقريت كل الردود بس دوجه القوايل وتبويس الجدران وتكفيخ العيال الصغار والتشقلب على الجدران كلها يمكن البنات مر ينابها --بقولكم حاجه يمكن بعض البنات مايسوونها الى هى اذا جينا من المدرسه نحمل من الطباشير فى جيوبنا ونلعب مدرسه واختى الكبيره الله يسامحها دايم تاخذ الحصه الاولى وخواتى الثانيات بتنازل وانا الحصه الاخيره ودايم اذا جات حصتى يقولون بطلنا ياى ياى اموت قهر صدقون الحره للحين احس بها طيب وين نكتب على الجدرا والبيبان كان زمان عادى اما الحين خط واحد ماتلقين --والحركه الثانيه بعد المغرب مادرى ليش نجمع التراب فى قدر ونحط عليه ماء ونعجنه ونليم قواطى القشطه والجبن من الشوارع ونعبيها تراب ونرفع ثيابنا يعننها قصيره والى متحضره مره وضاربه الرقم القياسى توطى الثوب وتخلى الشلحه عشان الذراعين تبان ياحسره ونجلس حاطات رجل على رجل يعننا مصريات

ومره من المرات رحنا الحديقه كان معجزه اذا رحنا لان ابوى مايودينا الا للبر ومن قوه الفرحه انا واختى نشوف البنات لابسات قصير
واقوم انا وياها ونرفع ثيابنا كانه قصيره ونتكلم مثل هايدى وليدى والله انى اذكر نضرات الناس فينا لاونقول يمكن بيخطفونا اثاريهم ناقدين علينا ويقولون وش المهبل هذولى


سقالله ذيك الايام