اهاااااااااااااااااااااااا الله يجزك الجنة والله قلبتي المواجع انا بقول لكم على شي كنت اسويه وانا كنت طفله بس لاتضكون علي انا كنت من كثر شفقتي على الشعر الطويل وخاصة الجدايل كنت اجيب حبل واجدله واربطها في شعري واقعد اتمشى مصدقه انه حقيقي ولا ادلع فيه ولا ولونه برتقالي وانا شعري لونه اسود وتخيلو اقعد فيه من الصبح الى وقت النوم وشوفي الطق اللي يجيني من امي لان الحبل يكون شابص بشعري ههههههه
ولا جينا نلعب انا واختي حريم نبسط المواعين ويروح الوقت زاحنا نرتب ومرة من المرات شريت انا واختي مواعين وطلع ابراقي الغطاء يطيح المهم لعبت انا واختي وتعبت اختي وراحت للصالة راحت انا من وراها وبدلة ابراقي باابريقه وتجي هي بتشيل اللعابه الا وتميل الابريق الا ويطيح الغطاء المهم تقعد تصارخ وتقول هاتي ابريقي وانا اقول لا هذا ابريق ونصارخ على بعض والا يدخل ابوي ويصفقنا انا وهي عشان اصواتنا العالية انا عالطول بكيت اختي قعدت تجمع اللعابه وتضحك على تتدرين احلى مافي هذيك الايام هي براءتنا والاطفال عايشن سنهم اما اللحين الله يكفين الشر الاطفال قالبين الدنيا وعارفين اشياء يمكن انتي ياكبيرة ماتعرفينها الله يصلحهم الله يجزاك خير اختي الموضوع جدا رائع

واااااااااو

طلع التسليم على الجدران موضة وانا كنت احسب نفسي الوحيدة الحنونة في هالكووون خخخخخ

ذكرتيني مرة كنا بنسافر وقمت ابوس جدران بيتنا جدار جدار .. المشكلة اهلي يشوفوني ولا يقولون شيء .. شكلهم خافوا على نفسيتي وسكتوا خخخخخخ

كنت وانا صغيرة اتسلق الابواب ... حركة معروفة
وانواع السياكل
والعب كورة مع اخواني واخوي الحين اذا جلسنا مع بعض يجلس يذكرني قدام زوجي وانا انواع الاحراج لاني مسوية عمري ناعمة قدامه

كنت احب العب كورة تحت المطر على بالي الكابتن ماجد وامي الله يطولي بعمرها ماكانت تحرمني من شيء وتتركني براحتي والا لو بناتي يسوون هالحركة لاحبسهم وما عاد يطلعون .. لاني اخاف عليهم من البرد

كنت في الشارع طول الوقت مع عيال اختي .. ولا نخاف كانت ايام امن وامان

كنا نلعب عروس وعريس ونسوي مسلسلات بدوية خخخخ ومرة بنسوي مسلسل بدوي وكان لازم نعيش الدور قمنا سرقنا شماغ ابويه وطبعا سهرنا للفجر علشان نضبط المشاهد وقام ابويه يصلي الفجر مالقى شماغة وانواااااع الورطة

الله اثرتي فيني ذكريااااااااااااات الحمد لله مرت علي ايام سعيدة ورااااائعة في هالدنيا ....

الله يازين ذيك الايام بس ... ليت الطفولة تعود يومن
اه بس كانت كلها براءة بغباء هههههههههههههههههه
انا و اخواني كنا لما نتروش نملى البانيو مويه وصابون تايد عشان الرغوة و هاتك ياللعب وياما تلهبنا عيوننا وتشهب جلودنا وعشاني بنت كان يجيني التهاب بس ما حد يفهم اهم شي نلعب و نستانس
واخوي كان يغسل راسه بصابون الجسم القطع ويفركه بقوة و اختكم في الله تحب تقلد بس شعري طويل تخيلو النتيجة بس كنت اتهزء تهزيء محترم من امي
لا و لعبتي المفضلة اني ام وعندي عيال وحمل ونفاس وحركات وضيوف وهميين وكل خلفتي بنات ما احب العيال ابدا هههههههههه واغير صوتي يعنني حرمة وامسك التلفون واكلم ابو العيال يجيب لي اغراض وحفاظات وحليب للعيال لا وبصوت عالي بعد <<< عايشة الدور بقوة
و بعد كنا نرقى الدولاب الكبير و هاتك يا قفز بس مع بعض الاصابات و برضه ما حد يتوب
ومافي جدار بالبيت إلا ويشهد على ابداعاتي الفنية فيه
و اسوي طرحة يعنني شعري طويل لا واحب البس عبايه واتغطى بعد لما اخرج من البيت
وكنا نشتري ميرندا ونخلي راعي البقالة يصبها لنا بالكيس كنا نتلذذ بطعمها ههههههههه مع انه نفسه بس لازم الحوسة
و هالحركة الخطيرة اللي ما في احد ما سواها ههههههههههههههههههههههه


سامحيني ع الإطالة بس ذكرتيني بالذي مضى

هههههههههههههههه والله دنياااااااااااا نفس حركاااااااااااااااتي انا وخوااااااااااااااتي نلعب حرييم ونسلم على الجدراان ههههههه

وطرحه نربطها رالراس يقلك انها شعرر طويل يااااااسلام الحين بنااااااتي الله يهديهم يسوون نفس حركاتناااااااا سبحااااان الله وكنا نترجى ابوووووي الله يحفظه يخلينا نروح عند بنت جيرنا علشان عندها كيرم وحنا نموت فيه طبعا ابوي احيان مايرضى بذات الظهريه بس تعالو ماستلمناا اذا نام ابوي الظهريه حنا نحشنا لعند الجيراان ومخلين كل مره وحده تراااااااااااااقبه اذا صحي لصلاة العصر مايلقاانا الاقدامه بالبيت واذا مالقينا تعالو شووفو المحاضراااااات الله دنياااااا وربي ذكرتيني <<< خنقتها العبره

اه ثم اه
خليتوني ابكي
ذكرتوني بايام مرررره حلوه