ام لارا

الله يرحم اخوك والله اني ضحكت من الحركه

تسلمون يا بنات على المرور

اولا تسامحي من اختك الله يهديك لانك اغتبتيها
ثانيا ايه والله ايام تجنن بس وينكم مني ابد محد قدي هذا جدي الله يسلمكم شخصيته قويه جدا والكل يخاف منه المهم جاء ذاك اليوم وصبغ الجدار بوية ومع الشمس شكل البوية خربت والا مدري وش جاها المهم واجيك انا وبعدها اكتشفت انه موهبه وادمان حتى بعد العرس الله لا يبلانا المهم واجيكم اقشر البوية وانقفها نقف يلا حمااااااااااس يا شيخه شيء احس سعابيلي نزلت الحين >>>تذكرت الموقف نفس الاحساس

ياليتها كذا الا واجيك ادعي كل عيال خالاتي وخوالي ومابقيت احد بنات اولاد صغار كبار وانتشرناااااااااا على الجدار>>مدري وش كنا نحس فيه هع هع هع

ونسلخ الجدار سلخ من النص ما طلنا الي فوق ولا نزلنا تحت بس كل ماشي على طوله هع هع

ويجي خااااااااالي يتمخطر مسكين ويوم شااااااااااااافنا احس انه طلع له شيب وعيونه صارت كبر فنجااان وحمر زي الجح الي تحت هع ؟

ويطردنا ويدعي امهاتنا ويتناقشون وش يسون جدي بيجي خخخخخخ عالمغرب

تصدقون كل ما ذكرت الموقف ارحم خالي احسه يقول ابتلشت بهالمجانين هع

تذكرت بعد كنا نشوف عدنان ولينا ومدري وش صابنا شكلنا تحمسنا>>اقولكم حماسي دايم شين

ونجي نتخيل اننا تجينا حرب زيهم وش بنسوي وايش ناخذ معنا

وبالقوايل كالعادة نجهز شنطنا المدرسة نفضيها ونعبيها اكل ومويه وفواكه وخريطه خخخخخ ونطلع بهدوء خايفين من الاشرار

نامق وسميرة خخخخخ

ونطلع الحوش ونتخبى بالحوش الي ورا لانه ظل هع هع يعين محد بيشوفنا ونطالع فيه طيارات او لا جمااااانة لاحسه عقولنا

ويوم قامت امي قلنا لها تصدقون الحين وربي ارحم امي احسن انها كانت تعاني

والي بعد اذكرة كنا نركض مسرعين ونطلع بالجدر مدري احد مسويها قبلنا او لا المهم نطلع متر يمكن زي هذولي الي يجون هالحين بالجمباز>>>عندنا مهارات بس محد درى

المهم ويجيكم اخوي مسرع ويرقع بالجداااااار بجبهته ويطلع صوت وامي انجلطت وتعالي تهزئ وخصام وتحلفت فينا لو نسويها مرة ثانيه هع هع

هههههههههه
موضوع يجنن لي عوده

ايه بعد تذكرت موقف جوونان هذي اختي الله يهديها امي تحبها اكثر مني المهم كنا بالباص وذي اول سنه لها تركب بس مو اول شهر ولا اول مرة يعني المهم والاخت تناااااااااااااام وانا انزل وما دريت انها مانزلت الا يوم مشى الباص ولا سمعت رجولها واطالع الا الباص رااايح والاخت معه انا خفت مرة وانطلق على عمي واقول له وو صغير ترى بالمتوسط ويركب السيارة ويلا ورا الباص طااااااااااش ما طاااااش ويلا من بيت لبيت الين انتبه له السواق و لا انتبه الا والباص فاضي قده قريب من بيته وقام راعي الباص يسمي من الخرعه ما يدري ذي من وين طلع له وشوي الا عمي يدق بوري وتنزل لعمي

انا خخخ دخلت بهدوء على امي وقلت لها اختي في الباص نايمه وهربت وقفلت على نفسي وحلفت ما اطلع لين تجي خخخخخ خوووووووف يا شيخه والله