يازين الزواج المبكر

كيفكم بنات
وحده من زميلاتي عزمتني على سمرة وعشاء يوم الجمعة واصرت ورحت لها بعد العشاء وسلمت عليها وبعد دقيقتين الا ووحده داخله تعرفني عليها صديقتي تقول اختي وسلمت عليها وسولفنا حوالي ربع ساعة شوي الا وجرس الباب يرن وراحت صديقتي وفتحت الباب الا وبنت شكلها يا ١٩ او ٢٠ وحامل واشوف صديقتي واختها ياخذونها بالاحضان وسلام اهل مو على الماشي توقعتها اختهم الصغيرة
شوي تقول زميلتي انه هالصغيرة ذي بنت اختي ذي 🤔
كيف اختك ماهي كبيرة احسها حولي طلعت ٣٦ نفس عمري قلت كيف قالت لما كانت ثالث ثانوي انخطبت لولد عمها وتزوجت في الصيف اللي بتدخل فيه للجامعه ومع نهاية السنة الاولى جابت هالبنت والبنت نفسها انخطبت من واحد من اقاربهم في ثالث ثانوي واول ماضمنت مقعد في الجامعة تزوجت بشوال والحين بالشهر السادس ماشاء الله تبارك الله
فكرت بنفسي وقلت انا عندي ولد حول السنة وشايفه نفسي صغيرة وذي قدي ماشاء الله وبعد ثلاث شهور بتصير جده
وش رايكم بوضعها حلو والا لا