يازين ضحكاتهم ... هل يمكن أنسى ...؟؟

تأخر الحمل

مساء الخير لجميع أخواتي ....
كل من سألن عن تأخر الحمل قالي انسي موضوع الحمل واشغلي نفسك بأي شي ثاني ....
انــــــــــــا وشلــــــــون أبنســــــــــى ؟؟؟؟؟؟؟؟؟؟
اذا بالدوام المعلمات مالهن هرج غير الحمل وموعد ولادتهن والطلق وووو .... ولااللي تقول حملت بالغلط ....!!!!!!!
وسواليف عيالهن ومحلات الأطفال ولبس الأطفال الجديد .... ولو ماجلست معهن يكفين بالنظر اشوفهن حوامل واتقطع .... أنا وشلون أبنسى ؟؟؟
وحتى بالبيت إذا شفت عيال خواتي كيف يملون البيت فرح وكيف ابوي وامي يلعبون معهم أتقطع من جوى ؟؟؟
أنا وشلون أبنسى ؟؟؟
إذا رحت لعزومة أو عيد وشفت الحريم معهن عيالهن وكيف بالعيد كل وحدة تدخل معه عياله وتقولهم وزعوا هدايا العيد على الحريم وانا أجي وأقعد هديتي على الطاولة ماعندي طفلي يوزعها يالله رحمتك .... أنا وشلون أبنسى ؟؟؟ هذا غير الأسئلة والهروج والنظرات اللي تقطع قلبك ....
واذا طلعت للسوق وشفت الحريم معهم عيالهم وكيف يشترون لهم وكيف يلعبونهم بالملاهي أتقطع ؟؟؟
أنا وشلون أبنسى ؟؟؟
حتى لورحت أنا وزوجي نتمشى ورحنا للبحر مثلاً وشفنا العوائل مع أطفالهم أتحطم ... حتى زوجي مره قال متى يصير عندنا عيال يملون علينا حياتنا ونحس بطعم الدنيا ... أنا تقطعت .. هذا الرجل يقول كذا وشلون أنا يالمره الضعيفة .. أنا وشلون أبنسى ؟؟؟؟
حتى لو صكيت علي بيتي وما طلعت لأحد حتى برامج التلفزيون كله تذكرك بالأطفال مسلسلات فيها أطفال أو يتكلمون عن الناس اللي ماعندهم أطفال حتى الدعايات والأناشيد كله أطفال ... أنا وشلون أبنسى ؟؟
واللي يذكرني زيادة وحدتي وأنا أسمع أصوات وضحكات عيال جيراننا يازين ضحكاتهم اللي تملا البيت فرح الله يحفظهم لأهلهم .... قولوا لي وشلون أبنسى ؟؟؟
مع اني والحمدلله أقرا القرآن واستغفر والحمدلله إلا اني عجزت عجزت عجزت انسى ..
حتى إذا صليت تخيلت بنتي بجنبي تصلي .... واذا تروشت تخيلت أني اروش طفلي .. يارب أرحمني يعني الأفكار معي بكل وقت وين مارحت وين ماجيت حتى نومي كله أحلام بأطفال .... انا وشلون أبنسى ؟؟؟
ياناس انا ماأحتاج أحد يذكرني هالموضوع أنا نفسي اعاني من فقدهم مشتهيه طفل يملا دنيتي ويوسع صدري مشتاقة أضمة والعب معه وماأحس بطول الوقت مشتاقه للضنا مشتاقه لكلمة ماما ...
يارب أرحم ضعفي وقلة حيلتي وهواني على نفسي ....
رجااااااااااااااااااءً لاأحد يقول لي أنسي أنا مستحييييييييييييييييل أنسى ...
بس حبيت أفضفض باللي بصدري والله يعينكم علي ... والله يرزقنا جميعاً بالذريه الصالحة التامة السليمة ...
أدعوا لي الله يسمع منا جميعاً ..
39
2K

يلزم عليك تسجيل الدخول أولًا لكتابة تعليق.

تسجيل دخول

بخور عرايس
بخور عرايس
نفسي والله

بكل كلمة حتى في اماكن ما اروحها اقول الناس الى يرووحولها عندهم عيال مشان يلعبون

لكن الحمد الله

الله يختبر صبرنا وان شاء الله ننجح

ويرزقنا الذرية الصالحة
ana_majnona
ana_majnona
والله حبيبتي انا كنت متلك وبجوز لهلا انا هيك بس ما بعرف كيف صرت عود حالي واتخيل حالي كاني بنوته وما تزوجت وركز على هي الفكره اني انبسط عليهن من دون ما اتزكر وضعي او انو ما عندي ولاد او شي بالعكس حسس حالي انها شغله عادية
بمارس حياتي وبركز على اني انبسط مع زوجي كاني انا الي ما بدي ولاد مو الوضع مفروض عليي فرض
صح بتجي عليي فترات بضعف لكن مره على مره بتكوني اقوى
حاولي تكوني هيك
الشغله سواءا ازعلتي ولا ما زعلتي فكرتي ولا ما فكرتي ولادك ما رح يجو غير بالوقت اللي كتبو الله وانتي اعملي بالاسباب واتوكلي على الله وكبي بالبحر جد
هاد الحل الوحيييييييييييييد
naa4000وبس
naa4000وبس
اهـ اااهـ ااااهـ نفس معاناتى مانى قادرة انسى ولايمكن انسى وانا اشوف اخوانى واخواتى يدخلون على امى بعيالهم وانا ايدى فاضيه من عشر سنينن حتى عندهم بنات متزوجين بعيالهم واصغر منى لدرجه مااروح جمعاتهم اتحجج باى شىء وانا عشان مااشوف لعبهم مع عيالهم قدامى وانا مثلك تفكيرى غير فى هذا الموضوع مااقدر انسى حتى وانا اكل وانا نايمه وانا فى مجلس مع حريم التفكير فى الموضوع احس انى بنجن من التفكير وكمان طولت وعمرى راح زاد التفكير لدرجه نفسى اسوى شىء مانى عارفه ايش اسوى وانت شايفه الغلا حتى فى العلاجات والمستشفيات الله يعين ويرزقنا من فضله يارب
منتظرة والأمل بالله
صادقة ماراح تنسين لكن تصبري ولك الاجر


انا لي 18 سنة وانا احاول انسا وماقدرت بس اتصبر
وعندي امل في بكرة بكرة بحمل وبيجيني عيال يملون علي حياتي الباقية
عمة سدوم
عمة سدوم
صادقة ماراح تنسين لكن تصبري ولك الاجر انا لي 18 سنة وانا احاول انسا وماقدرت بس اتصبر وعندي امل في بكرة بكرة بحمل وبيجيني عيال يملون علي حياتي الباقية
صادقة ماراح تنسين لكن تصبري ولك الاجر انا لي 18 سنة وانا احاول انسا وماقدرت بس اتصبر وعندي...
الله يرزقنا واياكم وكل محرومة باطفال يملون حياتها

يااااااااااااااااااارب عاجلا غير اجل

ارزقنا من فضلك