يازين ضحكاتهم ... هل يمكن أنسى ...؟؟

مساء الخير لجميع أخواتي ....
كل من سألن عن تأخر الحمل قالي انسي موضوع الحمل واشغلي نفسك بأي شي ثاني ....
انــــــــــــا وشلــــــــون أبنســــــــــى ؟؟؟؟؟؟؟؟؟؟
اذا بالدوام المعلمات مالهن هرج غير الحمل وموعد ولادتهن والطلق وووو .... ولااللي تقول حملت بالغلط ....!!!!!!!
وسواليف عيالهن ومحلات الأطفال ولبس الأطفال الجديد .... ولو ماجلست معهن يكفين بالنظر اشوفهن حوامل واتقطع .... أنا وشلون أبنسى ؟؟؟
وحتى بالبيت إذا شفت عيال خواتي كيف يملون البيت فرح وكيف ابوي وامي يلعبون معهم أتقطع من جوى ؟؟؟
أنا وشلون أبنسى ؟؟؟
إذا رحت لعزومة أو عيد وشفت الحريم معهن عيالهن وكيف بالعيد كل وحدة تدخل معه عياله وتقولهم وزعوا هدايا العيد على الحريم وانا أجي وأقعد هديتي على الطاولة ماعندي طفلي يوزعها يالله رحمتك .... أنا وشلون أبنسى ؟؟؟ هذا غير الأسئلة والهروج والنظرات اللي تقطع قلبك ....
واذا طلعت للسوق وشفت الحريم معهم عيالهم وكيف يشترون لهم وكيف يلعبونهم بالملاهي أتقطع ؟؟؟
أنا وشلون أبنسى ؟؟؟
حتى لورحت أنا وزوجي نتمشى ورحنا للبحر مثلاً وشفنا العوائل مع أطفالهم أتحطم ... حتى زوجي مره قال متى يصير عندنا عيال يملون علينا حياتنا ونحس بطعم الدنيا ... أنا تقطعت .. هذا الرجل يقول كذا وشلون أنا يالمره الضعيفة .. أنا وشلون أبنسى ؟؟؟؟
حتى لو صكيت علي بيتي وما طلعت لأحد حتى برامج التلفزيون كله تذكرك بالأطفال مسلسلات فيها أطفال أو يتكلمون عن الناس اللي ماعندهم أطفال حتى الدعايات والأناشيد كله أطفال ... أنا وشلون أبنسى ؟؟
واللي يذكرني زيادة وحدتي وأنا أسمع أصوات وضحكات عيال جيراننا يازين ضحكاتهم اللي تملا البيت فرح الله يحفظهم لأهلهم .... قولوا لي وشلون أبنسى ؟؟؟
مع اني والحمدلله أقرا القرآن واستغفر والحمدلله إلا اني عجزت عجزت عجزت انسى ..
حتى إذا صليت تخيلت بنتي بجنبي تصلي .... واذا تروشت تخيلت أني اروش طفلي .. يارب أرحمني يعني الأفكار معي بكل وقت وين مارحت وين ماجيت حتى نومي كله أحلام بأطفال .... انا وشلون أبنسى ؟؟؟
ياناس انا ماأحتاج أحد يذكرني هالموضوع أنا نفسي اعاني من فقدهم مشتهيه طفل يملا دنيتي ويوسع صدري مشتاقة أضمة والعب معه وماأحس بطول الوقت مشتاقه للضنا مشتاقه لكلمة ماما ...
يارب أرحم ضعفي وقلة حيلتي وهواني على نفسي ....
رجااااااااااااااااااءً لاأحد يقول لي أنسي أنا مستحييييييييييييييييل أنسى ...
بس حبيت أفضفض باللي بصدري والله يعينكم علي ... والله يرزقنا جميعاً بالذريه الصالحة التامة السليمة ...
أدعوا لي الله يسمع منا جميعاً ..