بسم الله الرحمن الرحيم
يسعد وقتكم وايامكم ..
حبيت اليوم انزل لكم موضوع عن أفضل فحم سريع الاشتعال ..
وافضل طريقه لاشعاله ..
ونزلت لكم صورة لتنظيمي لفواحاتي وصورة فواحتي الحبيبه الكهربائيه
والحين رخ ابدا معاكم باول صوره ..
هذا المشعل الكهربائي ..صيني قيمته 25 ريال شريته من المعيقليه وهو مو اصلي له الان عندي 6 شهور
والصوره الثانيه قارورة الغاز تبعه قيمتها 5 ريال
بس يخلص الغاز منه
تنكسينه لتحت ثم تعبيه الغاز لحد ما يطلع من الفتحه وتوقفي
مافي محل محدد ممكن افيدكم به بس هناك متوفر بكثره
الاصلي ياباني ب90 ريال بس لاني كنت طفرانه شريت هذا عالسريع
والحمدلله ماشي حاله معاي
أما الصورة هذي لأفضل نوع فحم سريع الاشتعال جربته
ما يدخن كثير اقدر اشعله بنفس الغرفه اللي رح ابخر فيها
وسميكه قطعته وما يتفتت
اسمه فحم طيبه
وكمان من المعيقليه وقيمة هالكرتون ب15 ريال
افضل فحم اشتريه خاصه لو بيجوني ضيوف او بيمشون وحابه ابخرهم بالعوده وهو رائع جداا
وهذي صورة فواحتي الكهربائيه ب127 من سنتر بوينت سعر التخفيض
رائعه جداااا
كثري عطر فيها ومويه وانتبهوا في فتحات لايدخل فيها المويه ولها عندي فوق ال8 اشهر ممتازه
وبعد الراحه مافي احلى من فنجان القهوه والراحه والبيت نظيف وريحته تفووووح :llove:
وهنا اخر صوره
علبة الفواحات والبخور والشموع اليوميه
وان شاء الله يكون موضوعي مفيد
وصل اللهم وسلم على رسولنا محمد وعلى اله وصحبه اجمعين
سبحان الله وبحمده
سبحان الله العظيم
تسلم الايادى انعشتينى عالصبح
وفواحتك جننننننننننننان ماشاء الله ربنا يزيدك من نعينه