:
يالله أقرا كل رد وكأنه يتكلم عنيّ ...!!

كان لرمضــان جو غيّر كنا نتضايق لاخلص ..
وننتظره الحين يبدأ ويخلص مانحس ..

كانت الجمعه فيّه لها طعم غير ..

الصيام نحس فيّه ونحتسب الاجر ..

نحاول وقت صيّامنا نكون صايمين عَ كل شي ..

يالله عَ ذيّك الإيام..

صوت الامام.. صلاه التراويح ..
لدخلنا العشر الاواخر شلون نكون ..!!

وإحنا ننتظر الفطور وجمعتنا ع السفره ..
والسحور ..

ردودكم يابنات والله تكلمت كثيّر عن الي بقولـــه ..

دمعة حبيّبتي أنا أخت شباصه
جيّت أعلق بواسطه : )

ربي يسلمك ويبلغنا رمضان ..
وترجع أيامنا وأيــامكم بحلاتها وبساطتها قبل ..

وكل عام وأنت سالمه يارب ..:26:

الله اكبر
ياااااااااااااااقلبي .......خنقتني العبره .........بس ماصحت
لا تنسين البزران طالعه لهم شوارب من التوت
والوالد الله يرحمه يجلس يقرا قرآن بصوت عالي عشان يختم عند النخله بالحوش ويفتح عليها اللي عشان يسقيها
آآآآآآآآآآآآآه ياقلبي.....الله يرحمه

بس عيالي احنا مسوين لهم جو نحاول يصير زي جونا اول


نعيب زماننا والعيب فينا ومالزماننا عيب سوانا

يووووووووووووه يادموعة
في احساس غريب احس فيه الحين
ودي اغمض عيني وارجع ايام زمان .....
تعالي نشوف

طبعا يوم يعلنوا رؤية الهلال ودخول هالشهر المبارك نرقص من الفرحة ونستعد لعدم النومة بدري هالليلة وانا عن نفسي انتظر البرنامج اللي يجي في القناة الاولى ..ذاك اللي يقولون فيه وش برامج رمضان وامسك الورقة والقلم واكتب متى مواعيد البرامج اللي ابيها خخخخخخخخ الله يرحمنا برحمته
( نجي للمدرسة الابتدائية يوم كانوا يلغون الفسحة
بس للصغار اما احنا المفتخرات بصيامنا نلبس الطرحة البيضا ونقرا قرآن او نلتزم الصمت والعريفة تقرا بصوت مسموع ... ووقت صلاة الظهر كل وحدة بسجادتها _ماكان عندنا مصلى في المدرسة_ ياسلام على الروح الايمانية _مو بنات اليوم اللي يتنافسون على الجوالات وشنو اللي صار بالمسلسل البارحة وغيره_
نرد من المدرسة مع شمس الظهيرة ونلاقي الوالدة قد خمرت العجين وعشان ارتاح اقوم اصلح الفيمتو والسنكويك من بدري عشان يبردوا
ونطفي الانوار ونتمدد قبال التلفزيون اللي ينام واللي يحل الواجب واللي يشوف التلفزيون
بعدها نصلي العصر ثم نساعد الوالدة في الجلي والتطلي والكريم كارمل
وبعدها الف السمبوسة انا الجبن واختي اللحم خخخخخ متوازعينها
ولما يقرب الاذان ياسلام انواع الحوسة وترتيب السفرة
ولما يوذن ياسلام نفطر على كلمات الطنطاوي ونصلي وبعدها نقلب على القناة الثانية ونشوف لقطات مضحكة
الكروش تمتلي اكل ونتبطح ويطلع النشاط مع الهروج والقعده الحلوة
وقبل صلاة العشا نتجمع مع بنات عمي وكل يوم الامامة في الصلاة على وحدة
وبعد التراويح نطلع في الحوش ونلعب مسابقات رمضانية وطبعا مثل ماقالت ذكريات الامس نلعب نجوم الليل خخخخخخخ
ونحصل لنا كم هوشة من ورا سرقة سلك النحاس

غير الضومنة والكيرم

طبعا دايم السحور علي _ لاتفكروني من يومي طباخة _لااااااااااا كنت اتابع جحا واشعب الين يجي وقت السحور واصحي امي .....

آآآآآآآآآآآآآآآآآآآه ياناس
والله الزمن تغير كثير والنفوس تغيرت
الحين حتى رمضان مايسلم من الهوشات والقطيعة
لاحول ولاقوة الا بالله

اللهم بلغنا رمضان
دمعه ورديه ليش فتحتي باب مسكر منالذكريات اللي ما راح ترجع ابد
اللمه مع الاهل وجدتي الله يرحمها وسواليفها والتعاون اللي كان بيننا مافيه خادمه ولا دلع هاليومين

(سقى الله ذيك الايام)

الحمد لله على كل حال.. بعد ماماتت امي رحمها الله تغير رمضان بالنسبه لي 180درجه ..الله يعوضني ويبلغني ويثبتني على طاعته ويكون راضي عني في هذا الشهر الكريم.امييين