هلا اسراء ممكن اعرف موقع المطعم الهندي با الضبط لاني اعشق الاكل الهندي

وينك يأخت اسراء ردي على الاخت المهذبه <<<<وحده حاشره نفسها خخخخخخخخ

الرياض مافيها شيء؟؟
إلا قولوا وش مافيها ؟؟؟؟
مطاعم راقية... أسواق رائعة.. منتزهات شاملة... أماكن ترفيه لاتعد ولاتحصى..
أسواق نسائية خاصة..
وبعد كل هذا تقولون : وش فيها؟؟

يعني ودي أعرف وش تبغون زود؟؟؟

أجل لو تجون عندنا في ( القصيم) وش تقولون؟؟
اتوقع ماتجلسون فيها ولو يوم واحد.. إذا كان هذا كلامكم..

بصراحة أنا دايما أطلب من زوجي نروح للرياض وأقول له:
انا ارتاح فيها أكثر من جده أو الدمام أو ابها..

لأني مااحب جلسة البحر ولا أحب الكشتات والجلوس فقط في الطبيعة
في أبها..
بل أحب المنتزهات مثل اللي في الثمامة او الحدايق مثل سلام وجبل مخروق وغيره وغيره
واحب روحة الاسواق الكبيرة
فاحمدوا الله واشكروه..

انا جلست في الرياض تقريبا شهرين وكل يوم نروح لشيء
وخلصت الشهرين وماخلصت الاماكن الزينة في الرياض
يعني فيه اشياء كثيرة مازرناها في هالشهرين..

صراحة انا تو منتقلة للرياض
وما كنتاعرف اماكن كثيرة
وصراحة يابنات الله يجزاكم خير عبيت ورقة بالاماكن
الله يعين زوجي :)
مشكورين كثير وحمستوني لطلعة :)

احد جرب يروح حياة المرأه في شارع موسى بن نصير