ياسنعات وياصقرات ايش تسون في بيوتكم في موسم الغبار

للرفع

والله ماعندي حل جذري للغبار بس في اشياء اسويها تخفف من دخول الغبار
الشبابيك تسدين الفتحات اللي بأطراف البرواز حق الشباك بالسليكون اذا كانت الفتحات وسيعة.
والمكيفات تسدين الفتحات اذا كبيره بلاسفنج او البخاخ الخاص لفتحات المكيف وبعدين السلكون.
والكنب جربي تضربينه بمنشفه اهم شي مهب اي وقت تضربين الكنب ترى الوقت مهم عشان ينضف
اكيد ودك تعرفين الوقت؟؟؟؟
شوفي اذا زعلك:arb: على طول روحي للكنب وادييييية ترى الغبار يروح وحتى اذا كبرتي مايجيك لا ضغط ولا سكربس انتبهي مهب لازعلك وانت في بيت اهل زوجك قمتي على كنباتهم لا حاسبي.
وترى من جد لازم تكفخين الكنبات اقل شي مره بلاسبوع عشان مايجتمع فيها الغبار.
وانصحك تكنسينها بالمكنسه الكهربائيه بعد ماتركبين الراس المدور الصغير اللي فيه شعر وتشفطين الكنب.
وان شاء الله نشوف باقي السنعات وش يسون.

ههههههههههه

ياعيني عليك ياكرفاسه

حل تكفيخ الكنبات جاز لي ,,,

والصراحه الله يعينا على الغبار

نظفنا ولا لأ

البيوت شهب والأحواش أدهى وأمر

وبقول لك شي أنا أسويه أحط قطعة أسفنخ بعرض الباب ويكون سمكها بسمك الفتحه اللي أسفل الباب

وألزقها على الأبواب الخارجيه من برا وألزقه تمام ,,,

يخفف غبار يدخل من الأبواب ,

عسى فهمتو على الشرح اللي مامثله

ههههههه

وفتحات المكيف مثل أختي كرفاسه

والله يعينا ويساعدنا

افيدونا بخصوص الغبار

بالنسبه للكنب بعد ما تكنسيه بالمكنسه الكهربائيه امسحيه بقطعه قطنيه مبلوله مجرد مسح بسيط
يشيل الغبار
وانا احط مع المويه صابون ايدي عشان الريحه الحلوووه

آآآآآآآآآآآآآه من الغبره وحوستها أستغفر الله أتوتر منه بشكل

نفسي والله بإختراع (( شفاط الغبره)) والله لو يكون سعره ايش يكون لأجيبه

كنت ساكنه ببيت قبل بيتي اللي انا فيه ... الغبار ماكنت اشووووفه ماشاء الله لاقوة الا بالله
كانت أبواب وشبابيك البيت ششششششششششششششششششششئ قويه ومافيها ولا تنسيمه

عارفه اني ما أفدتكم في شئ ... لكن من المعاناه اللي انا فيه :( الحمدلله