صــباحــكــمـ / مــسائــكمـ / عــســل
انا متابعتكم بس بصمت لاني مخليتها على الله والحمدالله راضيه باللي يكتبه الله وحامدته وشاكرته
انا زوجي عنده نقص في العدد وضعف في الحركه وعطووه منشطات من 7 شهور وموعده بعد شهر ومستمر على خلطة العسل ولقاح النخل وحبه سوداء كل يوم على الريق
وانا عندي ارتفااع بسيط جدا جدا بهرمون الحليب بنسبة ثلاث درجات والدوره متعوده انها تتأخر اسبوع الى عشره ايام اكثر من عشرره ماتتأخر ابدا
اخر مره جتني بتاريخ 23-1 ورحت من لقافتي وشربت بردقوش من كثر ماسمعت انه زين ومنظم للهرمونات قلت خل اشربه خل تنتظم الدوره وتنزل في موعدها كل شهر ومنشط مره وحده
شربته رابع يوم من الدوره ثلاث اكواب باليوم بيني وبينكم عجبني طعمه وادمنت عليه الى موعد الدوره ووقفته قلت اذا نزلت ابرجع اشربه بس المشكله ان الدوره مانزلت بموعدها قلت يمكن مثل ماني متعوده عشره ايام وتنزل خلصت عشره وعشرين يوم ومانزلت
طبعا الغريق يتعلق بقشه حسيت بتغيرات صدري متحجر يوجعني وماودي اقوم من السرررير ومعي دوخه بسيطه وانا اقول بنفسي لا تتأملين هاذي اعراض دوره مابي انصدم بعدين المهم يوم كملت عشرين شريت اختبار وطلع خربان ماطلع لي لاخط ولاخطين رحت ووصيت زوجي يجيب من النوع الغالي اللي بثلاثين وسويته وطلع خط واااحد - امي معطيتني خلطه تقول اشربيها اذا نزلت عليك علشان تنظف وتنظمها لك يوم شفت الخط تحطمت واروح اسوي لي كوب من الخلطه واشربها ويوم عرف زوجي زعل وحلف انها يرميها بالزباله اذا شربتها
الاختبار سويته الاسبوع اللي راح وبكره ان شاء الله اكمل 28 يوم والدوره مانزلت ومغصها يروح ويجي واليوم اشتغلت في البيت ونزل مني افرازات بنيه فاتح يوم شفتها قلت زين خلها تنزل لان عندي اخر الاسبوع مناسبه ماودي تتعبني بس الافرازات وقفت واليوم من يوم صحيت من النوم وانا كسلااانه وقرفانه واتهاوش مع ذبان وجهي ومعي لووز وصداع
بنات انا مابي اقول انا حامل لاني مابي اعشم نفسي لاني ادري اني مو حامل
بس ابيكم تدعون لي ان الله يثبت قلبي ويعطيني القوه لاني ابي اروح بكره ان شاء الله احلل دم علشان اشوف وش سالفة هالدوره
لانكم اكيد تعرفون صعوبة التحليل وانتظار النتيجه خصوصا اذا قالت مافي حمل احس نفسي اصارخ بأعلى صووتي ادعولي تكفووون بقوووة القلب
رموشهاظلال @rmoshhathlal
محررة
يلزم عليك تسجيل الدخول أولًا لكتابة تعليق.
منى مون
•
الله يرزقك و****لله يكون حمل
اذا انتي بالقصيم
اعرف وحدة تعالج شعبي ممتازة جدا ورخيصة بعد
عالجت رجل ماانجب من 7سنوات وكان الضعف عنده وليس عند زوجته وبفضل الله ثم علاجها حملت زوجته -اكثري من الاستغفااااااااااار و****لله خير
اذا انتي بالقصيم
اعرف وحدة تعالج شعبي ممتازة جدا ورخيصة بعد
عالجت رجل ماانجب من 7سنوات وكان الضعف عنده وليس عند زوجته وبفضل الله ثم علاجها حملت زوجته -اكثري من الاستغفااااااااااار و****لله خير
عفوا ً
بس شككتيني يوم قلتي نزل معك شوي بني ثم وقف
حبيبتي هذي 50% من علامات الحمل سوي تحليل حمل وشوفي مو منزلي لا دم بالمختبر
والبردقوش ممتاز بالعكس وينحف :D
..
.
الصفحة الأخيرة
ان شاء الله بكرى تبشريننـا