ياشين العجله ياناس

مساء \صباح الخير عليكم جميعااااا

بقولكم موقف صار معاي من كم سنه

مره من المرات برمضان الله يعيده بالخير رجعت بيتي قبل زوجي وكان توه شاري له جوال جديد واقوم واتذكر جواله القديم واروح اخذه وكالعاده اعشق التفتيش والتمحيص
مدري وين المباحث عني
تراني خبره من نعومه اظافري افتش ورى السواقين واخواني خخخخخخخخخخخخخخ

المهم بس
واروح افتش بكل شي بالجوال
وقعدت اقرا كل الرسايل الييييييييييييييييييييييييييييين شفت اللي شفته
...


وياليتني ماشفت هالرسايل


...

اه ياروعتن تروعتها توقعت اني اقطع الخلف بعدها

..


اشوف ذيك الرسايل اللي كلها عشق وغرام لزوجي المصون لدرجه اني قعدت اقول ايه سحره اسلوبها وكلامها اللي ياخذها
وانا تقل ماسكني خط 220 واتنافض يالله اقدر اثبت يديني عشان اقرا زين من هالهزهزه اللي جتني

وطبعا كالعاده تبداني ذيك المغوص اللي قطعت مصاريني
وقلبي رقى وقعد بحلقي وصرت يالله يالله اتنفس



وانا منصدمه من هاللي مرسله الرسايل
تسولف وتذكره باشياء صارت كنب صالتي وبغرفه نومي

اااااااااااه ياقلبي ااااااه


يجيبها ببيتي
وانا ياغافلين لكم الله






وانهبل وتطير عيوني ومير اقوم ادق عليه
واصاااااااارخ تعال بسرعه تعال
وهو معزوم عالسحور
قالي اتسحر
قلت له تعال ابيك بسرعه
قال وش فيكم


قلت ياتلحق والا ماتلحق والا اصارخ ويمكن الجيران كلهم سمعو لساني اللي يلوط اذاني


ومن القهر ادق على امي واقولها السالفه
وامي الله يطول بعمرها تهدي فيني وتحاول تفهم مني الموضوع
بس مااااااااااش لساني يلعلع
قالت عطيني الرقم وانا اتصرف
ومير اعطيها الرقم

قالت لي منتي ملاحظه ان الرقم دولي ؟؟؟

قلت وجع يمصعه مخاوي له من برى بعد
زود كلافه وخساير يعني ؟؟

قالت لي لا الرقم مصري

وتقوم تقول اصبري وانا صابره عالخط اغلي وقالت بعد ثواني حسيتها ساعات
هذا رقمك يالمهبوله
:mad:

وميييييييييير اني انصقعت بملاس على وجهي

ايه والله
هذي رسايلي يومي بمصر

وتوي بفق كشرتي اضحك الا اسمع صوت رجلين تركض
واصك من امي واروح افتح الباب
الاه ياقلبي يلهث لهث
وش فيكم وش فيكم
ومير اعطيه ذيك الابتسامه واقوله اشتقت لك

قسم بالله

انه جته صدمه مو طبيعيه

وانا غمضت عيوني قلت اكييييييد بيجيني كف والا بقس ماشي الف كيلو بالثانيه من الشر اللي شفته بعيونه

قام ناظرني وقالي حسبي الله عليك وعلى من علمك الرومانسيه

وطلع

وكسر الباب وراه

وانا احس الدنيا كلها وروووووووووود من الفرحه

وقعدت ادور ساعه بالصاله فاكه يديني تقل اخطبوط



طلع مايخوني
اشوووووووووووى

طبعا بعد مارجع قعد كم اسبوع مايكلمني وهزأني تهزيء
بس على قلبي زي العسل
احسه كان يقولي قصايد غزل من الفرحه اللي بقلبي

وحلفت بعدها توووووووووووووووبه انبش عن شي
اخاف يطلع لي شي يقهرني

وصارت هالايه بين عيوني كل ماحكتني يديني ودي انبش شي
قوله تعالى : { يا أيها الذين آمنوا لا تسألوا عن أشياء إن تبد لكم تسؤكم وإن تسألوا عنها حين ينزل القرآن تبد لكم عفا الله عنها والله غفور حليم قد سألها قوم من قبلكم ثم أصبحوا بها كافرين }