ولله في أسئله وتصرفات كثيره إن دلت على شئ تدل على الجهل وعدم الذوق عند البعض الله يهداهم والأسئله اللي تقهرني وتخلي وجهي يتغير ويسير مية لون ولون:
إذا كنت حامل, هاه في أي شهر(لا ويحسبولك موعد الولاده بعد)
وكمان ,هاه بنت وللاولد, وإذاولدتي كم وزنه
وإذا كان شعرك طويل :يوه الشعر الطويل يطفش وصار موضه قديمه
وإذا نحفتي :يوه وجهك صار موحلو وإنت دبه أحلى
وإذا تخنتي :وجهك حلو بس جسمك لأ
وإذا أحدأتكلم عن زوجي وأهل زوجي أموت من القهر (حتى لو كانو أهلي)
وإذا أحد قللي يوه أختك مهي حلوه لا والمشكله تطلع غيرانه منها (فديتها أختي)
وفي ناس تاخذ عليك بزياده وتخلي البساط أحمدي وتبدأ تمزح معاكي بطريقة السب (تعالي يا حيوانه _كلي تبن )والله في ناس كذه
وإذا في العيد والإجازات مارحت عند أهلي (أختكم متغربه)وجلست مع زوجي : إيه يحرمها من أهلها(يظلمو الرجال )أويقولون والله ماأدري كيف تقدري ماتروحي عندأهلك حرام عليك تلقينهم مشتاقيلنك بالذات أمك أوييييييووه مره تحب زوجها ماتقدر تستغنى عنه صرتي لصق فكيه خليه يتنفس
الله يهديهم بس وفعلا الملافظ سعد

حلللللللللللوه سواليفكم يابنااااات
انا يغثني السؤال
ها ما نتي حامل؟
طيب تعالجوا
طيب في دكتور اسمه فلان
طيب فلانه راحت لوحده وحملت على طول
والله الي يسمعهم يقول جالسه اشكي وابكي عندهم

بس دايما ارد الله يكتب الي فيه الخير
انا بخلص دراستي وبعدها يصير خير
ومن هالكلام

ومره كنت عند ناس اول مره ازورهم
وجنبي وحده عندها بنت اصغر من بنتي ب4 سنين
وقامت وحده نقزت بحلقها ههههه
وش فيك يا فلانه ما جبتي بعد بنتك
وغثتها وهي ..عالاقل عندها رد
ماشاء الله عيالها 11
وعادي قالت تعبت من شغلهم ومسؤليتهم وبرتاح


عاد انا جالسه ادور رد
قلت الحين بيجي دوووووووري وتحقق معي المحقق كونان هههههههه

بس بحان الله ربي اعماها عني
وما سألت
الا كانت عينها علي وهي تستجوب الحرمه الي جنبي


وانقققققههههههههررررر
اذا سالوني ليه ما حملتي
وقلت اي رد
على طول
ليه قالوا الذكاتره فيكم شي؟؟
والا لازم تحملين بنتك كبرت
الي يسمعهم ..والله كأني أنا جالسه اتدلع وما ابغى احمل

والي ما بعدها من ثقاله
وصدق هذي لو تسألني بنط في وجهها ولا علي منها

الي دايم تقول
انا زوجي اهله دايما يسألون ليه زوجتك للحين ما حملت
وتتشكى لي وتتبكى
ويوم حملت هي ..قامت تسوي حركات اهل زوجها (الي كانت تغثها)..صارت تسويها معاي
بس والله اني سكتها...ولا عاد سمعت منها كلمه في هالموضوع
ونلاويه عليها نيه شينه هههههههه
انها لو سألت مره ثانيه ليجيها رد اقوى
لأنها لما تسأل ..أنا ادري انها تعرف ان هالاسلوب يرفع الضغط
وتي تسويه معهاي..
بعد ماكانت تشتكي له منه
وسبحان الله في ناس...لما ربي يعطيهم نعمه
مايشكرونه ..ويكفون اذاهم

يسلمووووووو شابوووووووره
والله فضفضت بالي في قلبيي ههههههههه
يعطيك العافيه
ويااااااااااااااارب كل وحده عندها هالطبع البايخ ..تمر على هالموضوع وتقرا وشلون طبعها يغث العالم ويخليهم يستثقلونها..ويمكن يكرهونها بعد

هنولولو .. عسجدية
الله يعيننا على الملاقيف .. مشكورين على مشاركاتكم الحلوة وماقصرتو ..

انا توني صغيرة يعني حتى ما وصلت لسن العنوسه عمري 21 بالضبط والكل مستغرب انتي ليش ما اتزوجتي لا والنظرات علي ويسالون اختي اختك ما تنخطب؟؟ طيب ليش ما تتزوج

من جد قهر عاد انا لساني طول وما استحي من احد اقول الكلمه وما همني بس عمرهم ما قالوها قدامي والقهر لما ينظرون لك نظرة انك انتي شبعااااااااااااااااااااانه فلوس وماعندك مسؤليات وين تودين الفلوس وببأيش تصرفيها حتى في ناس وقفوا الهدايا يوم سمعو انه عندي فلوس.....

لا والمصيبة اذا طلعت حبة ولا حبتين في وجهك
وتجي وحدة مهبووووووولة وتسالك يالله وش ذي الحبوب..!!!!!!!!!
يعني وش بتكون حبوب بنادول ..!!!!!!
او مثلا لو تلبسين بلوزة لونها كذا مع تنورتك تطلع احلى <<<ابووووووووك يالذوق
المصيبة الي تتكلم ماعندها ماعند جدتي .........
ولا يوم انفسخت خطوبتي من ولد خالي شوفوا الاسئلة الغبيييييية::
يقولون ماتبينه لانه ماعنده وظيفة
انت الي فلان خاطبك
غريبة ولد خالك وبعد كم سنة خطوبة وتفسخون الخطبة.......!!!!!!!!!!

مشكورة عيوني على هالموضوع الي يبرد القلب