السلام عليكم
اختي عسل
والله اني قعدت اضحك على كلامك بجد كأنك تحكين عني
يااختي فيه ناس باطين كبدي والله انهم ما يدبرون شي في الكشخه ومن جبنها بقوة ومسوييين انهم تراااهم التوب ومثل ما قلتي اذا كان اللبس عاجبهم كانك قلتي لي شي فهم قالوا.. ولا كلمةولا يحزنوون .. بس من يوم يشوفون عليك شي ما عجبهم مع انه عاجب ناس كثير غيرهم يقولووون لك في الوجه وقدام الناس عاد اختكم في الله اذا انحطيت في موقف فجأة ما اعرف احكي ما غير اتبسم ولا اقول شي ومن جوى شوي وبأنزوي في زاوية وأفل ام الصياح..
بس اللي قاااااهرني انهم والله ما يدبروون شي من الكشخه على قولتهم وعلى بااالهم ديور مقاطعهم يصممون له..


ويا قلبي يا بنت شيك اجل فيه احد غيري مو بس انا
يااختي انا اهلي وهم اهلي اكله شاربه من حلالهم الله لا يحرمني منهم ما قالوا شي ويجونك اللي ما تدرين من وين يسألونك ليش ما اعرستي يا ناس يا عالم انا مااابي.. ما بعد جا اللي يملي عيني.. هذا زواج مسؤليه .. موب لعب فاضي كل من تقدم وافقت عليه..
مرة كنت معزومة ويوم قاموا الحريم بيتعشون قمت انا واختي راحت وحده من الحريم مسكتني وكانت خالتي معنا قالت لي الحين بأسألك سؤال قلت سمي قالت الحين مشالله عليك الدراسة وتخرجتي والوظيفه توظفتي والزين والسناعه بسم الله عليك ما ناقصك شي الحين وراك ما اعرستي ؟؟ مع اني والله العظيم توني صغيره بس امي الله يهديها مقدمتني في الدرااسه فصرت كني كبيرة المهبل .. اللي اكبر مني توهم يتخرجون..
انا من هول الموقف سكت وابتسمت ما قدرت اقول شي قالت خالتي ياختي بنت اختي كاملة والكامل وجه الله ومحد جاها يملي العين بقوة والا اذا على اي احد يتقدملها كان تزوجت من سنين ..
انا وربي الكعبه بلحظتها ودي القط راس خالتي واحبها وانقذتني من الموقف الله يعافيها.. والحرمة ضحكت ولا قالت شي ..

بس الحمد لله مهما حكوا انا معطيتهم ام الاشكل ومتى ما كتب ربي بيصير ..
وش معجلنا على الهم والغم..
والا انا غلطانه؟؟!!

والسلام مسك الختام..

بصراحه والله جيتي على الجرح ياشابوره كثير الناس اللي تتكلم وتنسى مشاعر غيرها وانا وحده عانيت كثير كثير قبل زواجي وبعده
والاخت أم داله والله كنها تتكلم عني نفس المعاناة وقبل كم يوم كنت عند وحده ازورها نفاس وكان عندها صديقتها طبعا انا مالي الاسنه وكم شهر متزوجه تسألني وانتي وش تحترين ما تحملين صغيره؟!!!! كأن الشي بيدي والله المجلس كان مليان ووجهي الوان الطيف بس وش اقول الله يفرجها من عنده محد سالم من كلام الناس لو ايش ماصار

طنش تعش تنتعش

هههههههههههه
موضوع حلو واكثر ماعانيت منه



يالله بقول لكم بعض الاسئلة الي ذبحتني من الناس
ها مافيك حمل
ليش ما تعالجين

مشكورة اختي شابورة على الموضوع ...

انا اكره شي عندي حد يقول لي واااايد متنتي وخصوصاً ام زوجي مرة كنت توني حامل بداية الاشهر وسافرت مكة ولين رجعت قالت لي متنتي .. قلت لها اكيد بمتن في بيبي في بطني ..
واكره شي عندي اذا كنت لابسة شي وانا مقتنعة فيه بس يقعدون يعلقون اهل زوجي وانا حاسة فيهم انهم من الحرة قاعدين يقولون هالشي ...



وبعد بعد اذا سألوني شنو في بطنج اذا كنت حامل ...


واذا سألوني خصوصاً ام زوجي وايد تسأل هالسؤال كم عندج في البنك كم جمعت من اول ماشتغلتي .....




و و و و و واااااايد اشياء بس هاي اللي يحضرني الحين ... وانا ما عندي الا اسكت او تحصليني طول الليل اقعد افكر في كلامهم لين ما صادني القولون ..