مبدعات @mbdaaat

عضوة فعالة

ياصاحبات المشاكل الزوجيه أبيكم بكلمة راس

أنا ودي أناقش معاكم موضوع مهم في مجتمعنا , ودي أدردش واقدم نصيحه خصوصا مع البنات اللي ماعندهم اطفال وعايشين بنكد وهم مع ازواجهم أو مع أمهات أزواج وأهل أزواج اللهم ياكافي لايطاقون والزوج على مايسميه المجتمع عندنا ( دجاجة الماما ) فتلاقين حياتها المسكينه من أسوأ لأسوأ تطلع من العز والكرامه ببيت اهلها وتنهان من ناس لاراحوا ولاجوا بس عشانها صارت مرت ولدهم وهم مفهوم مرت الولد عندهم سيرلانكيه ,تلاقين بعض الامهات تعاملها كانها جاره لها مو مرت ولد وبإسلوب حقود وسئ

وتلاقينها المسكينه تصبر على هالذل والاهانه وتدمر نفسها وحياتها وتعيش حياة بؤس وهوان وكل لحظه بحياتها تقول وش هالقراده اللي خلتني اصبر اه بس لو ماعندي عيال اه بس لو من الاول كل اللي صبرها بس عشان الناس مايقولوا مطلقه او عشان راجيه تغيرهم
خوذيها نصيحه اخت الوحده ترى الوحده بيت اهلها اعز لها واكرم لها من عيشه مثل هالعيشه ليش تصبرين لحد مايجيلك عيال وتخلينهم ضحيه لصبرك وبعدين ترى الطلاق ماعاد صار مثل اول في عدا في بعض المجتمعات المتخلفه الحين الحمدلله كلن تفهم وكلن عرف ان المطلقه انسانه واعيه مثقفه مارضت لنفسها بالغلط , ليش تقبرين نفسك بالحياة عيشي حياتكـ إرجعي لمرحك ولطبيعتك ادرسي اشتغلي سوي لك دور بالحياة تزوجي مره ثانيه واحد تتلافين فيه كل العيوب اللي في الاول وتأكدي واحد عايشه الوحده معه ومع امه واهله بنكد وهم وذل فراقه راحه يمكن بالأول الوحده تتخوف لكن تأكدي أنك ماراح تندمين الا على كل لحظه ضيعتي عمرك وكدرتي خاطرك وتحملتي عشان ناس مثل هذولا بكرا مايجازون احسانك هذا غير بالاساءه
اكيد كلكم عارفين المثل اللي يقول
إنك إذا أكرمت الكريم ملكته وإذا أكرمت اللئيم تمردا

كل اللي حبيت اقوله ان الوحده فينا المفروض ماتسكت وترضى بالغلط عشان مايقولون مطلقه لان الناس مبسوطين ببيوتهم محد حاس بالهم والغم غيرك , الناس ماعادت نظرتهم للطلاق مثل اول ولا نفسيات البنات في تقبلهم للموضوع مثل اول يعني لاتتوقعين انك بتنهارين خصوصا لو كان واحد فراقه غنيمه بالعكس بترتاحين نفسياً
هالموضوع كتبته من حرقتي على بعض البنات اللي يتحملون ويضيعون اعمارهم ويعيشون حياة زوجيه فاشله مع انسان فاشل عشان يتلاشون الطلاق .. حبيت اوصل لهم فكره ان الطلاق امر عادي وفي بعض الاحيان يكون راحـــــــــــــــــــــــه والاسلام حاطه لحكمه وماتتخيلين ياللي تعانين ان هالطلاق اللي صعب شلون بيكون راحه وتحسين انك رميتي هم وتفكرين شلون كنت متحمله وعايشه بهالهم وش كان حادني عليه خصوصا لو كان بعد استخاره واستخاره واستخاره ودعاء استخيري قد ماتقدرين وادعي قد ماتقدرين بعدها بتحسين بالراحه النفسيه وربي بيدبر لك الخير وبتحسين قد ايش ان قرار الطلاق كان نعمه ربي رزقك اياها كثيرون قاعدين يتعذبون وماقدروا يتجرأون في اتخاذ القرار
وتأكدي أنه فيه خير لأن ربي كتبه لك أو أنه فيه مردة شر لك يمكن ربي كاتب لك تاخذين هالشخص وتتطلقين منه لخيره عظيمه ماتعلمينها يمكن عشان تاخذين واحد كل صفاته ممتازه وسنه مقارب لسنك تفهمينه ويفهمك وفيه كل ماتتمناه اي بنت والاهم افضل من زوجك الاول بمليون مره وربي يسخر لك اهله ويقدرونك ويحسسونك بمحبتهم ويكونون ينحطون على الجرح ويبرأ وقتها انتي بعد اهل الاول بتعرفين قيمتهم وبتحسين بتقديرهم لك لكن يكون مطلق ولو جاك قبل تتزوجين مااخذتيه فالله له حكمه كتب لك هالشخص عشان تتطلقين وتاخذين هالشخص :)

حاولوا توكلون امركم كله لله تعالى وتطلبون الخيره في كل شي وماتاخذون الموضوع بظاهره
وربي يسعد ويوفق ويفرج هم كل مهمومه :)

يلزم عليك تسجيل الدخول أولًا لكتابة تعليق.

تسجيل دخول

55الريم55 • 17 سنة

انا عندي نفس المشكلة 0000 بس المشكلة الاكبرعندي طفلين0000

مبدعات • 17 سنة

هلا بالريم

مالك الا توكلين امرك لله وهو بعينك .. الاطفال صراحه مشكله

عشان كذا اهم شي الوحده تحتاط وتتأكد من هالرجل اللي بتسأمنه على نفسها وعيالها قبل تجيب اطفال

لكن ان شاء الله مأجوره

فراشة الالماس • 17 سنة

الله المستعان

ايشوريه • 17 سنة

جزاك الله خير

قاعده ساكته • 17 سنة

اول شئ انا اختلف معااك في هالنظره
لان ما بعد العسررررررررر الا اليسرررررررررر
وطلاق المرأه كسرها........
سواء كان عندها عيال ام لأ.........
فيه نسااااء زوجهاااااااااا يشرب الدخان ومضيع للفرائض ووووووو
بس قائم بواجباها .............ومقصر بواجب ربه
وهي لو تقوولين لها تطلقي...........زوجك مقصر لا يصلي الفرض.........رااااح تررررررفض
فما بالك باللي اتطلق على شان امووور دنيا ...خلافات نساء وحقد وكيد!!!!!!!!!!
اختي الطلاق مو كلمه سهله تنقال او تطلب........ الطلاق (من غير النظره الرجعيه التي لا اؤيدها)
المرأه الضحيه الوحيده فيه سواء اقتنعتي ام لاااا
واذا رجعتي لبيت اهلك هااااربه من ام الزوووج
هل تضمنين بعد عمر طويل لوالديك... زوجات اخوانك؟؟؟؟؟؟؟؟؟؟؟؟؟؟
اذن المفرووض نعزز مفهووم الصبر ... وثوابه ..وجزاءه وثمرته ........
وكيفيه وضع حلوول لحل مثل هذه المشاكل..

هذه هي وجه نظري
واختلاف الرأي لااا يفسد للود قضيه...