*
*
*
*
في خضم معترك الحياة
وتأجج الصّراعات حول أفضل المطاعم والمأكولات ..
ووسط جَمعات الحريم وقهاوي المغرب ..
في لذّة الإنغماس في حلى السوفليه ..
وتلك النزوات الشيطانيّة آخر الليول ( لاعاد تعبّرين :biggrin: )
واللتي تجعل رجيلاتك تنتفض لتنهض من فراشك نحو أقرب
شي ينوكل .. لتلهمه في صمت لا ينغّصه سوى( خرفشة القرطاسة ):biggrin:
يبقى السؤال الوحيد ..
إلى متى وأنا أتفاقم ؟
إلى متى وأنا ماغير تبطّح وتسدّح
أمام شاشات التلفزة واللابتوب !
إلى متى وأنا أمثل تلك الشريحة العظمى من حريم السعودية
المتفاقمات أو ( الفقمات ) إن صحّ التعبير
إلى متى واللي حولي مايراعون مشاعراتي وإحساساتي وينادوني بالدبه :dry:
نهضت من فراشي وفتحت دولابي
( بنطلوني ) الخقق اللي حال عليه الحول ماقدرت ألبسه لأنه مقاس 8 وقد كنت اربطه بمغّاط كود ما يطيح
أصبحت من عقبه اترحرح في أبو 12
وإن جا أبو 14 خير وبركة
كنت أدخل السوق وألقط أقرب شي يعجبني وأحاسب وأمشي
الحين صرت أدخل السوق .. والملابس هي اللي (تتنقّاني ) :humm:
ذا ما يصلح يطلع الكرشة وذا ما يصلح يطلع الـ .... :laughing:
وبالأخير إذا صملت على شيّ .. أنادي بكل عنجهيّة :
"يا صديق جيب المتر :ohplease: "
ونبدا في مغط وسحب وشدّ إلى ماشاء الله :icon19:
الشي الوحيد اللي تطوّر في الحالة اني صرت أشيل المتر بشنطتي !
مرت الأيام ومرت الشهور وأنا أختنق وسط أكوام من (الأنا )
صرت أنا×2
بعدين أنا×3
وحاليّا أنا×4
رغبتي واندفاعي نحو الأكل ليس شراهة بقدر ماهو نوع من التسلية
وفي رواية أخرى نقدر نسمية ( علْف الأبقار )
.
.
اليوم صملت .. بعد أن حامت كبدي من كل شيّ
وقرّرت " أديّت :S_45: "
نظام غذائي ( دايت ) سويته بنفسي " فورمات كامل "
بالبداية راح يكون قاسي عليّ .. وأدري إن كل شوي بتراودني نفسي
أخرب أبوها
لكن ماعاش اللي يكسر إرادتي لو هو " التشيز كيك :S_45: " براسه
راح يكون اعتمادي كثير على السلطات
آكل من كل شي أحبه بس بكميّة محدودة
الوجبات السريعة والكبسات بسوي لها " ديليت "
الحلويات والشبسات والمكسرات راح أنسى شكلها
الرياضة اللي راح أعتمدها بشكل يومي رياضة الدرج لمدة ١٠ دقايق لأني أبي المنطقه اللي تحت عندي تنزل " الأرداف " ورياضة المشي كل يومين أو ثلاث أيام راح أمشي لأني ماقدر أطلع يومياً عشان امشي ماعندي وقت
.
.
حياتي الطبيعية آكل حول 2000 كالوري
بإذن الله أوصله إلى 500 كالوري
راح أستمر أسبوعين وأقيس وزني لو أنزل كيلو واحد نعمه من ربي و رح اسوي نظام تأهيلي عشان ارجع آكل أكل طبيعي وصحّي بدون ما يرجع وزني لحالته الصعبة
حالياً وزني 75 أبي أوصل ل 65 والهدف 55 .. طولي 160
عندنا مناسبه بعد شهرين وأبي أتنقى الفستان اللي أبيه وأطلع بشكل حلو بالعرس وقبل العرس العيد على الأقل أنزل هالعشره :pinklove:
كل شي بالإراده .. فوضت أمري لله وتوكلت عليه وراح أفعل بالأسباب وبإذن الله أنزل لكم موضوعي اللي أخبركم فيه إني نزلت ووصلت الوزن اللي أبيه
دعواتكم لي أنحف وأوصل للوزن المثالي
عطر سينما* @aatr_synma_1
محررة
يلزم عليك تسجيل الدخول أولًا لكتابة تعليق.
نواعم الشرقيه
•
الله ينحفك بصحه وسلامه وتوصلين للوزن اللي تبينه
والله ماشاءالله تبارك الله تصلحين حق كتابة خواطر
اسلوبك يخلي الواحد يكمل الموضوع
ان شاءالله توصلي للوزن المثااااااالي
والله وحده اعرفها مشاءالله نزلت فوق10كيلو من المشي
وتخفيف الاكل
وبوقت قياااسي
لان معنوياتها مرتفعه
وارادتها قويه
يالله بالتوفيق
لاتنسيني من دعاك
اسلوبك يخلي الواحد يكمل الموضوع
ان شاءالله توصلي للوزن المثااااااالي
والله وحده اعرفها مشاءالله نزلت فوق10كيلو من المشي
وتخفيف الاكل
وبوقت قياااسي
لان معنوياتها مرتفعه
وارادتها قويه
يالله بالتوفيق
لاتنسيني من دعاك
يارب تنحفين وتوصلين للوزن المثالي ،اجمعين كلنا يارب عاجلا غير اجل
اعجبتني مصطلحات فورمات كامل وديليت ،محسستني انك جهاز كمبيوتر
اعجبتني مصطلحات فورمات كامل وديليت ،محسستني انك جهاز كمبيوتر
الصفحة الأخيرة