اذكر لن التفصيل يبغا له دقه

لازم الابلة تجي جنبي و توريني كيف اسوي خطوة خطوة

طبعا المعلمات مايسوون كذا

واللي شفته و جربته لسببين

1- الفصل فوق الـ38 طالبة و اغلبهم _ لا مواخذه _ اجنبيات و يتعبون الابلة

2- الابله ( برستيجها ) مايسمح



لكن التطريز اعشقه و ان شاء الله يجي يوم و اتعلمه غصب ولا طيب

بصراحه التفصيل نادر جدا اللي يحبونه
بس على اساس المعلمه حقت التفصيل .. اذا كانوا البنات يحبونها والا معجبين فيها
دخلوه بدون مناقشه


انا كنت معلمة فنية بس في مدارس خاصة
وكنت انا اللي اجيب لهم اغراضهم بس طبعا على حسابهم او على حساب المدرسه
المهم اني انا اللي اجيب كل شي واريح راسي وراسهم

وبالنسبه للاعمال - اللي تقول 600 عمل في الترم
لا والف لا

اول شي المعلمه هي اللي تسوي المنهج
ثاني شي انا احب اخفف على نفسي وعلى الطالبات
وبنات الثانوي اعطيهم 3 مواضيع بس في الترم كله

وعقبال ماتصير تربية نسوية لكل المدارس

أنا دخلت تفصيل برغبتي لأني أحب التفصيل
أستمتع برسم الباترون خصوصا انه يحتاج دقة مثل رسوم الرياضيات اللي أموووت فيها

السلام عليكم

فعلا موضوع يستحق النقاش

انا بالنسبه لي احب التفصيل والفنيه اكثر من التدبير

بس يوم كنت بالثانوي شفت البنات يتهاوشون على التدبير قلت اجل ابي التدبير اكيد فيه الراحه والا ليش يتهاوشون

ودخلت قرعه لتدبير وطلعت معهم

مكتوب اني ادخل تدبير

بالنسبة لي كان ودي ادخل تدبير لنفس الاسباب اللي ذكروها البنت وكان اكثر شئ ممتع لما يتقسمون لمجموعات مجموعة تطبخ ومجموعة تغسل الصحون ومجموعة تغسل الأرضيه بعد ما ينتهون الخ وكل اسبوع يتم تبديل بنات المجموعات فكنت احس ان هالتنويع وهالشغل الجماعي مره حلو وسهل وتاخذين فترات راحه كفايه وعلى قولة البنات ممكن في وقت الفراغ هذا تنجزين اكثر من شغله تهمك

بس ماحصل لي ادخل تدبير لانهم اكتفواااا

فما صار فيه الا بالقرعة مابين التفصيل والفنية فقلت ادخل تفصيل بكرامتي حتى ما اطيح في الفنيه مع اني احب الرسم بس لان الطلبات يتضايقون منها اهلي خاصة اذا كانت اسمائها غير معروفه او مو متوفره في كل المكتبات فقلت بلاش وجع راس وخلينا ع التفصيل ع الاقل طلباته معروفه

وفعلا دخلته .. هو صحيح مو ذاك الصعوبة.. لكن تحسين انك مسئولة عن شغلك لوحدك ولو ماضبطت شغله تستحين تشغلين البنات معك بحيث تترك شغلها وتقعد تشرح لك والمعلمة تكون لاهية تشرح لبنت ثانية برضوا ماضبطت معها شغله فيصيبك احباط ويأس وبالذات اذا الشغل بيرجع معك البيت تكملينه تكرهين المادة بقوه
هذا غير انك تنحصرين في وقت لازم تسلمين فيه العمل وتكونين في هالوقت عندك امتحانات وواجبات وهموم وما انتي ناقصة واحيانا دقه التفصيل تعقد فممكن شغلك كله يكون هباء منثول لو الشفاف انفك بالغلط او شئ تغير من مكانه
وعموما تحسين نفسك محصوره بشئ معين بالقلم والمسطره والارقام ومقيده بقوه ومافيه مجال تبدعين والدرجات تكون تقسيماتها كبيره على العمل يعني لو عملك ماتم بيكون جزء كبير من درجاتك راحت هباء منثورا ولو حصل لك ظرف وتغيبتي وجيتي الحصة الجاية تحسين انك في عالم ثاني والناس بوادي وانتي بوادي ولا احد جايب خبرك !!
وبعدين احس الشغل مايتعمم معك !!
يعني بس في اثناء الحصة المعلمة تقول نبعد من هالزاوية اثنين سانتي وفعلا نبعد وبعدها تقول ونبعد من هالزاوية ثلاثه سانتي واحنا ندربي الراس ونطبق لكن هل فيه تعميم للي تعلمناه خارج الدرس؟ مااعتقد ونادر الي تسويها وتقعد تحفظ الأبعاد المفروض والتفاصيل الكثيرة بسبب تعقيد الشغله

بعكس الفنية اللي يمكن لو تعلمت شغله مثلا الرسم بالحرق لبيت طين مثلا تقدر تعمم الفكره خارج الدرس وتصير تبدع بالرسم بالحرق لاشياء ثانيه وتحس انها استفادت فعلا