ياعالم اشب الناس؟؟؟؟؟

كلامك فية شي من الصحة بس انتي ناقضتني نفسك بنفسك قلتي انك تحبين تجلسين مع بنات بسيطات وانتي تكشخين ليش عشان تشوفين نفسك عليهم اذا تحبين تصدقين بسيطات صيري بسيطة .مع احترامي لموضوعك لانة بصراحة كثير حلو بس مو كل السعوديين كذا لاني انا قبيلية وعيالتي مشهورة بس صديقاتي حضريات وعلاقتي فيهم كثير حلوة وقوية

عاااااااااااااادي كلن على مزاجه

اختي مو شرط اصادق بسيطات اصير مثلهم وبعد موشرط اصادق الكاشخات والكشخ مثلهم !!!
انا وشخصيتي والبنت قالت انا من طبعي احب اكشخ ماتحب حد يتلصق فيها بسبب كشختها <<هذي طبيعتها ماتقدرين تغيرينها !!!


المهم خيتي صاحبة الموضوع الحمد لله اني بالمجتمع اللي يعجبك ^_^
لكن صادقه انا قبيلتنا كذا اللي بالرياض اسخف شي يكذبون فيه الله ويستغربون انه صداقاتنا فيها اجانب والصحيح مو قبايل !! مدري يمكن عرفهم كذا !
وانتي لا تكوني كتاب مفتوح لكل حد وراح باذن الله تلاقين الصدوقه

اكثر ماابغضه في هذا المجتمع اللي انا عايشه فيه العنصريه والعصبيه القبليه ...

ولله الحمد مايحتاج اقول قبيلتي لاني ابخص بنفسي ... بس يارب لك الحمدوالشكر جدا متواضعه واقعد مع اي احد سمرا بيضا قبيليه مو قبيليه ... اهم شي احترام البنت واخلاقها وشخصيتها اسلوبها وادبها ..... اي شي ثاني انا مالي دخل فيه .. ولا هي اللي جابته لنفسها .....

حنا انخلقنا في هالدنيا .. ما اخترنا اشكالنا ولا الواننا ولا جنسياتنا ولا اي شي ...... فليش ننتقص من بعض .. ان اكرمكم عند الله اتقاكم ...

وانا اكره الكلمات العنصريه مثل هذا بدوي .. هذا خضيري .. هذا طرش بحر .. هذا عبد ... الحمدلله كلنا عبيد لله ...

ليس الفتى من قال ذاك ابي ... الفتى من قال ها انا ذا ...

الانسان لابد انه يتواضع لاخيه الانسان ... لاننا كلنا من تراب ومصيرنا للتراب ..


ودايما اعيب على بعض العضوات بصراحه حبهم للتفاخر بانفسهم وانتقاص قدر الاخرين .... مع اننا في النهايه بشر ولازم نتعامل مع بعض من منطلق الانسانيه ...

امس قريت لعضوه الله يذكرها بالخير ... قصتها يوم داهمتهم السيول وكيف كان الموقف مرعب والسيل يلعب فيهم ... فاخذهم لسكن جامعة الملك عبدالعزيز .. عند بيت ناس ... وطقوا الباب عليهم ... وطلعت حرمه .. قالت وش فيكم وش جابكم هنا ...؟؟؟؟

قالوا حنا اخذنا السيل لهنا دخلينا عندك .. قالت طيب وش اسمكم ... من اي بيت ...؟؟؟ وش ترجعوووون ...؟؟؟؟؟

صرخ عليها رجال وقال لها ياحرمه دخليهم مو وقته ........ قالت لا معليش ...!!!!!!!!!!!!!!!!!!!!!!!!!!!!!!!!!!!!

شفتوا الى وين وصلت العنصريه في مجتمعنا ...؟؟؟؟؟

هذي اقبح صوره للعنصريه شفتها .... ادري طولت وشطحت بالموضوع ..... لكن اتمنى ان فكرتي توصل صح ..... ومابي ادخل للموضوع مره ثانيه ..... اشوف مضاربات ومخانقات ... :)