بدون مقدمات باخش بموضوعي بصراحه اعجبتني اغلب الردود على موضوعي اللي نزلت حق الشخصيات الاجتماعيه
المره ذي ابيكم تنصحوني انا شخصيا
واللي قدرت تغير طبعها تعلمني
اولا تكفون لاحد يقول الله حلو طبعك لاتغيرينه رجاء بدون مثاليات وابي حل وتعجبني اللي ترد بكل صراحه
ثانيا لاحد يقول ماعندك ثقه بنفسك لا بالعكس مره الثقه توب واشوف ثقتي بمحلها يعني اشوف لي شعبيه وقبول اجتماعي بشكل كبير ومن جميع الاعمار من اصغر الاعمار لكبار السن اللهم لك الحمد
انا عندي مشكله ماني مقتنعه باطباعي احس ماني مرتاحه اخاف احد يستغل طبعي انا اقولكم ليش
مثل انا زي ماقلت قبل عندي مبالغه بكل شي وحده طلب مني شي مانتظرها تجي تاخذها مني لا انا اروح اجيبه لها
واذ وحده عزمتني او سوت لي معروف ماتبقى كلمه حلوه ماقولها لها
اذ وحده طلبت مني شي اسويه بكل اتقان يعني اخت زوجي طلبت حلى مني وكان عندي شويه شغل تركته وبديت بشغلها وجاءها باحسن مايكون ماعندي مشكله اضغط ع نفسي واجل شغلي عشان يطلع لها باحسن صوره مو عشانها اخت زوجي لا مع الكل كذا
الشي الثاني اغلب وقتي مبتسمه لو عندي هموم الدنيا خصوصا بالجمعات حتى لو متضايقه حتى بفتره طلاقي قبل مبتسمه احس مالي هيبه ولا شخصيه هذا الشي ودي اغيره
من كثر مانا ودي اغير طبعي احاول اقلد الشخصيات شفت وحده مثلا ماتصور بسنابها الاقليل اقول باثقل واصير مثلها اخذ يومين بس وارجع اصور كثير
فيه عاد الشي اللي صدق هامني اني دايما افتح مواضيع بالجلسات هذا مو معناته ماخلي احد يشارك الجلسه لا بالعكس افتح موضوع ونسولف فيه واللي يقهرني اذ مافتحت موضوع يعم السكوت والهدوء
انا كيف اتغير تكفون الله يسعد من تعطيني نصيحه ولو قاسيه انا متقبله كل شي منكم
كومة حكي1 @kom_hky1
عضوة نشيطة
يلزم عليك تسجيل الدخول أولًا لكتابة تعليق.
تيرانا تيرانا
•
غيري من شخصيتك تعلمي كيف تكونيين ثقيله ورزه وكلبه كذا بتكون لك هيبه وسط المجتمع الحريمي المقرف
بتول~
•
انا بعطيكي نصيحه خليك على طبيعتك ..شخصيتك حلوه والتصنع مو حلو ابدا ..انسانه مبتسمه نظاميه ماشفت احد مستغلك ..احد خدمك شكرتيه مافيها شي غلط ولا الابتسامه غلط ..دام هالشي ماضرك ليش نتوقع الاسوء دايما ..ليش نحس انا ﻻزم راح نواجه مواقف تخلينا نتحسف على احساس على نيه نقيه ..يااختي ان صار هالموقف مو منا الغلط الغلط ﻻن في جانب ثاني سيء احنا مو ذنبنا اذا واجهنا ناس سيئه بحياتنا ومو كل البشر سواسيه ابدا ..اذا واجهتي موقف سيء ﻻاحسانك واجهي هالموقف بالحمد ﻻن ربي اعطاك سريره نقيه واعطاهم عكسها ..خليكي بطبيعتك كل الي قلتيه حلو وضميرك الطيب اصلا ماراح يخليك تغيرين طبعك ﻻنك انسانه ايجابيه ونظرتك للناس حلوه ..ربي يوفقك .
💕گادي💕
•
غيري من شخصيتك تعلمي كيف تكونيين ثقيله ورزه وكلبه كذا بتكون لك هيبه وسط المجتمع الحريمي المقرفغيري من شخصيتك تعلمي كيف تكونيين ثقيله ورزه وكلبه كذا بتكون لك هيبه وسط المجتمع الحريمي المقرف
كلبه!!!!!
🐕🐕
الله خلقها آدميه كيف تصير كلبه
تمنيت يكون الرد ارقى من كذا
🐕🐕
الله خلقها آدميه كيف تصير كلبه
تمنيت يكون الرد ارقى من كذا
بتول~
•
💕گادي💕 :
كلبه!!!!! 🐕🐕 الله خلقها آدميه كيف تصير كلبه تمنيت يكون الرد ارقى من كذاكلبه!!!!! 🐕🐕 الله خلقها آدميه كيف تصير كلبه تمنيت يكون الرد ارقى من كذا
والله هالمنتدى عجيب علمني ان الناس لازم تنهش ببعض ﻻزم تقدم سوء النيه على احسانها ..يحسسونك انك بغابه ﻻزم تصير وغد وماتحسن ﻻاحد ﻻزم تعيش لنفسك وتسكر اي معروف للناس ..انا ماشوف هالشي بها الدنيا الي نعيشها في ناس صح غلط بس مو من الاسلام انك تقدم سوء الظن والتوجس على الناس علشان انك بيوم واجهت موقف او مواقف ..الله يصلح
الصفحة الأخيرة