ياعالم ,, وش قصة الرجال المتزوجين والخيانة ,, وش الي صاير في الدنيا !

هلا خواتي

بجد منفجعة وش قصة هالرجال والقصص الي نسمعها ؟
ياكثر ماأسمع وأقرأ عن هالخيانات ,,, ياناس زادت !!!!!!!!!!!!
والمصيبة أنهم متزوجين وحريمهم ماعليهم
وحتى لو حريمهم فيهم عيب ! هل الحل بالخيانات ؟

ياناس وين الرجال وش صار بالدنيا ؟
ليه هربوا من التعدد ! ودخلوا عرض وطول في الحرام !!!!

ياناس أنا مفجوعة وماني قادرة أجمع
من سنين قريبة مانسمع هالبلاوي
والحين في هالوقت صار عادي
المصيبة يقولون لنا أكثر المتزوجات أنه زوجها يصلي وطيب معها وبعدين انصدمت فيه واكتشفت انه يخونها
طيب ليه الخيانة ؟
ياناس وين راح الدين ؟
والخوف على العرض ؟
وشهامة الرجال ؟
وين عقولهم ؟ حتى الفضيحة ماصاروا يحسبون لها حساب ؟
صاروا ينجرفون ورا شهواتهم بشكل مخيف
والمصيبة بعضهم مايخبون مغامراتهم أمام أصحابهم

ياناس ردوا علي وش صاير في الدنيا

أول المتزوجات يخافون من البنات الي ماتزوجوا يطالعون رجالهم !
والحين صار البلاء بالمتزوجات ,, عندها عيال ,, وتغازل وتعشق وتخون !
أعوذ بالله
والله غير هالمنتدى عندي قصص من حولي وناس أعرفهم تشيب الشعر
بس أخاف أكتبها وينعرف بعضهم من العضوات

ماأقول غير حسبنا الله ونعم الوكيل
الله يحفظنا ويستر علينا فوق الأرض وتحت الأرض ويوم العرض
وذريتنا وذرية المسلمين

ياربي الدنيا صارت تخوف
ونقول ماجانا المطر وليه خسف القمر ؟
يارب ماتواخذنا بذنوبنا يارب

لو هالمتزوجين يحمدون ربهم ويشكرونه على هالنعمة الي هم فيها
ولو خاف على نفسه من الحرام ,, دور له بنت حلال وحرص على العدل كان حنا بخير .

ولو كل وحده حمدت ربها على نعمة الزوج ورضت بقدرها كان حنا بخير .

ليتهم يحمدون ربهم ويحسون بالنعمه الي هم فيها

كم من مليون شاب ورجل في العالم مايعرف نعمة الزواج
وكم من مليون بنت تتمنى ولو نصف رجل

والمتزوجين يهدرون نعمتهم بادينهم

الله يهدينا يارب ويحفظ المسلمين